پەتىردىڭ 1-حاتى 4:1—19
4 ەندەشە، ٴماسىح تانىندە ازاپ شەككەندىكتەن+، سەندەر دە وسىنداي وي قالىپ تانىتۋعا دايىن بولىڭدار. ويتكەنى تانىندە ازاپ شەككەن ادام كۇنا جاساۋدى قويىپ+،
2 قالعان تاندىك ٶمىرىن ادامعا ٴتان قۇمارلىقتاردى قاناعاتتاندىرۋعا ەمەس+، قۇدايدىڭ ەركىن ورىنداۋعا ارنايدى+.
3 ويتكەنى بۇرىنىراقتا سەندەردىڭ باسقا حالىقتار سياقتى+، ورەسكەلدىككە*، ٴناپسىقۇمارلىققا، ماسكۇنەمدىككە بەرىلىپ، ىردۋ-دىردۋ توي-دۋمان قۇرۋمەن، سىلقيا تويعانشا جارىسا ىشۋمەن، جيرەنىشتى پۇتتارعا تابىنۋمەن ٶمىر كەشكەندەرىڭ جەتەدى+.
4 ولار ەندى وزدەرىمەن بىرگە وسىنداي بەيباستاق ىستەردىڭ شالشىعىنا اۋنامايتىندارىڭا تاڭعالىپ، سەندەردى جاماندايدى+.
5 ٴبىراق مۇنداي ادامدار تىرىلەردى دە، ولىلەردى دە سوتتاۋعا دايىن تۇرعاننىڭ الدىندا ەسەپ بەرەتىن بولادى+.
6 سوندىقتان ولىلەرگە دە ىزگى حابار جاريالاندى+. مۇنىڭ ماقساتى — ولاردىڭ ادامدار تۇرعىسىنان ٴتان بويىنشا سوتتالسا دا، قۇداي تۇرعىسىنان رۋح بويىنشا ٶمىر ٴسۇرۋى.
7 بارلىق نارسەنىڭ سوڭى تاياپ قالدى. سوندىقتان بايىپپەن ويلانىڭدار+ جانە دۇعا ەتۋگە ٵردايىم دايىن بولىڭدار+.
8 بارىنەن بۇرىن، ٴبىر-ٴبىرىڭدى بارىنشا سۇيىڭدەر+، ويتكەنى سۇيىسپەنشىلىك كوپتەگەن كۇنانى جابادى+.
9 ٴبىر-بىرىڭە نارازىلىقسىز قوناقجايلىلىق كورسەتىڭدەر+.
10 قۇدايدىڭ ٴتۇرلى جولمەن كورسەتىلگەن راقىمىنىڭ ۇلگىلى باسقارۋشىسى رەتىندە، ٴارقايسىسىڭ قاي مولشەردە سي الساڭدار، ونى ٴبىر-بىرىڭە قىزمەت ەتۋ ٷشىن سول مولشەردە قولدانىڭدار+.
11 كىم سويلەسە، قۇدايدىڭ كيەلى سوزدەرىن ايتسىن. كىم قىزمەت ەتسە، قۇدايدىڭ كۇشىنە سۇيەنىپ قىزمەت ەتسىن+. سوندا بارلىق جاعدايدا يسا ٴماسىح ارقىلى قۇداي ماداقتالادى+. داڭق تا، قۇدىرەت تە ماڭگىلىك سوعان تيەسىلى. اۋمين.
12 سۇيىكتى باۋىرلاستار، وتتاي جانىپ تۇرعان قيىندىقتار ارقىلى سىنالعاندا+، مۇنى وعاش نارسەدەي كورىپ، تاڭعالماڭدار.
13 قايتا، ٴماسىحتىڭ ازابىنا ورتاقتاس ەكەندەرىڭە+ قۋانا بەرىڭدەر+، سوندا ونىڭ سالتاناتتى ۇلىلىعى انىق كورىنگەن كەزدە دە قۋانا شاتتاناتىن بولاسىڭدار+.
14 ەگەر ٴماسىحتىڭ ەسىمى ٷشىن قورلىق سوزدەر ەستىپ جۇرسەڭدەر، باقىتتىسىڭدار+، ويتكەنى بۇل سەندەردە ۇلىلىق رۋحىنىڭ، ياعني قۇداي رۋحىنىڭ، بار ەكەنىن كورسەتەدى.
15 الايدا ارالارىڭدا ەشكىم كىسى ٶلتىرۋشى، ۇرلىقشى، زۇلىمدىق جاساۋشى نە وزگەلەردىڭ ىسىنە ارالاساتىن ادام رەتىندە جاپا شەگۋشى بولماسىن+!
16 ال ٴماسىحشى رەتىندە جاپا شەگىپ جۇرسە، بۇعان ۇيالماسىن+، قايتا، وسى اتقا ساي ٶمىر سۇرۋىمەن قۇدايدى ماداقتاي بەرسىن.
17 ويتكەنى سوتتاۋ ٷشىن بەلگىلەنگەن ۋاقىت كەلىپ جەتتى، ٵرى سوت قۇداي ۇيىنەن+ باستالادى. ەگەر ول الدىمەن بىزدەن باستالاتىن بولسا+، قۇدايدىڭ ىزگى حابارىنا مويىنسۇنبايتىنداردىڭ سوڭى قانداي بولماق+؟!
18 «ٵدىل ادامنىڭ ٶزى زورعا قۇتقارىلىپ جاتسا، قۇدايدان بەزگەنمەن جانە كۇناكارمەن نە بولماق؟!»+
19 ەندەشە، قۇدايدىڭ ەركى بويىنشا ازاپ شەگىپ جاتقاندار جاقسىلىق جاساي ٴجۇرىپ، ٶز جاندارىن سەنىمدى جاراتۋشىعا تاپسىرسىن+.
سىلتەمەلەر
^ نەمەسە «ۇياتسىز قىلىقتارعا». گرەكشە «اسەلگيا». تۇسىندىرمەنى قاراڭىز.
