ٴزابۇر 21:1—13
ٵن-كۇي جەتەكشىسىنە. ٴداۋىتتىڭ جىرى.
21 ۋا، ەحوبا، پاتشا سەنىڭ كۇشىڭە قۋانادى+،قۇتقارعانىڭا شات-شادىمان بولادى+!
2 سەن ونىڭ جۇرەك قالاۋىن ورىندادىڭ+،تىلەگىن جۇزەگە اسىرۋدان باس تارتپادىڭ. (سەلا)
3 وعان كول-كوسىر باتاڭدى توكتىڭ،باسىنا ساف التىننان ٴتاج كيگىزدىڭ+.
4 ول سەنەن ٶمىر تىلەپ ەدى، سەن بەردىڭ+،ۇزاق عۇمىر، ٴتىپتى ماڭگى ٶمىر بەردىڭ.
5 قۇتقارعانىڭنىڭ ارقاسىندا ول زور داڭققا بولەندى+،ابىروي مەن سالتاناتقا كەنەلدى.
6 سەن ونى ماڭگىلىككە جارىلقادىڭ+،قاسىڭدا بولۋ قۋانىشىن سيلادىڭ+.
7 ويتكەنى پاتشا ەحوباعا سەنىم ارتادى+،قۇداي تاعالانىڭ اينىماس سۇيىسپەنشىلىگىنىڭ ارقاسىندا نىق تۇرادى*+.
8 سەنىڭ قولىڭ جاۋلارىڭنىڭ ٴبارىن تابادى،وڭ قولىڭ ٶزىڭدى جەك كورەتىندەردى ۇستاپ الادى.
9 بەلگىلەگەن ۋاقىتىڭدا نازار سالىپ، ولاردى جانىپ تۇرعان پەشتەي قىلاسىڭ.
ەحوبا ولاردى قاھارىمەن جۇتادى، ولاردى وت جالمايدى+.
10 سەن ولاردىڭ ۇرپاقتارىن جەر بەتىنەن قۇرتاسىڭ،ٷرىم-بۇتاعىن ادامزات اراسىنان جوق قىلاسىڭ.
11 ويتكەنى ولار ساعان قاستاندىق جاساۋدى ويلادى+،كوكەيىندە ىسكە اسپايتىن زىمياندىق ساقتادى+.
12 سەن ساداعىڭدى كەرىپ، ولاردى نىساناعا الاسىڭ،كەرى شەگىنۋگە ٴماجبۇر ەتەسىڭ+.
13 ۋا، ەحوبا، كۇشىڭمەن كوتەرىلشى!
قۇدىرەتىڭدى ٵن-كۇيمەن ماداقتايىق!
سىلتەمەلەر
^ نەمەسە «ەش شايقالمايدى».
