ياھۋدا 1:1—25
1 مەن، يسا ٴماسىحتىڭ قۇلى ٵرى جاقىپتىڭ+ باۋىرى ياھۋدا، قۇداي اكەمەن بىرلىكتە بولىپ+، سۇيىسپەنشىلىگىنە بولەنگەن جانە يسا ٴماسىح ٷشىن ساقتالعاندارعا+ جازىپ وتىرمىن.
2 قۇداي سەندەرگە مەيىرىمىن، تىنىشتىعى مەن سۇيىسپەنشىلىگىن مولىنان سيلاي كورسىن.
3 سۇيىكتى باۋىرلاستار، مەن وزىمىزگە ورتاق قۇتقارىلۋىمىز+ جايلى جازۋدى قاتتى قالاعان ەدىم، ٴبىراق سەندەردى قاسيەتتىلەرگە ٴبىرجولا بەرىلگەن سەنىم ٷشىن ايانباي كۇرەسۋگە تالپىندىرۋدى قاجەت دەپ تاپتىم+.
4 سەبەبى كەيبىرەۋلەر ارالارىڭا ەنىپ الىپتى. ولاردىڭ سوتتالاتىنى جازبالاردا باياعىدا-اق ايتىلىپ كەتكەن. وسى قۇدايسىزدار وزدەرىنىڭ ورەسكەل قىلىقتارىن*+ اقتاۋ ٷشىن قۇدايىمىزدىڭ راقىمىن تەرىس قولدانىپ، جالعىز قوجايىنىمىز ٵرى يەمىز يسا ماسىحتەن باس تارتادى+.
5 وزدەرىڭ بۇرىننان بىلسەڭدەر دە، كەلەسى جايتتاردى ەستەرىڭە سالعىم كەلىپ وتىر: ەحوبا* ٶز حالقىن مىسىر ەلىنەن قۇتقارعانىمەن+، كەيىننەن سەنىمى جوقتاردى جويىپ جىبەردى+.
6 سونداي-اق ول باستاپقى ورىندارىن ساقتاماي، تيەسىلى تۇراعىن تاستاپ كەتكەن پەرىشتەلەردى+ قارا تۇنەكتە ماڭگىلىك بۇعاۋمەن بۇعاۋلاپ، سوتتالاتىن ۇلى كۇنگە ساقتاپ وتىر+.
7 سول سياقتى، سودوم، عومورا جانە اينالاسىنداعى قالالار دا الگى پەرىشتەلەر ىسپەتتى ازعىندىققا* ابدەن بەرىلىپ، تابيعاتقا قايشى ٴتان قۇمارلىقتارىنا سالىندى+. سوندىقتان ولار ماڭگىلىك وتپەن جازالانىپ+، ٴبىز ٷشىن ەسكەرتۋ بولدى.
8 تاپ سولاي، جاڭساق پىكىردە* جۇرگەن بۇل ادامدار دا تاندەرىن ارامداپ، بيلىگى بارلاردى قۇرمەتتەمەي، داڭققا بولەنگەندەرگە ٴتىل تيگىزىپ ٴجۇر+.
9 ال باس پەرىشتە+ ميكايل+ ىبىلىسپەن كەلىسپەي، مۇسانىڭ ٴمايىتى جايلى ايتىسقاندا+، وعان ٴتىل تيگىزۋگە ٴداتى بارماي+: «سەنى ەحوبا ايىپتاسىن!»— دەپ قانا قويعان+.
10 بۇلار بولسا وزدەرى تۇسىنبەيتىن رۋحاني نارسەلەردىڭ بارلىعى جونىندە جامان سوزدەر ايتادى+. ولار ساناسىز اڭدار سياقتى بارلىق نارسەنى تۇيسىكتەرىنە سۇيەنىپ ىستەپ+، وزدەرىن قۇرتىپ جاتىر.
11 بۇلارعا قاسىرەت! ويتكەنى قابىلدىڭ ىزىمەن كەتتى+، سيعا بولا بالاعامنىڭ تەرىس جولىنا ٴتۇستى+، قوراح ىسپەتتى+ قارسى سوزدەر ايتقانى ٷشىن جويىلدى+.
12 دوستىق وتىرىستارىڭا كەلىپ، سەندەرمەن بىرگە تويلايتىن بۇلار سۋ استىنداعى قاۋىپتى جارتاستار+؛ قورىقپاستان* تەك ٶز قامىن ويلايتىن شوپاندار+؛ جەل ايداعان جاڭبىرسىز بۇلتتار+؛ تامىرىمەن جۇلىنعان، ٴبىرجولا ولگەن* جەمىسسىز كۇزگى اعاشتار؛
13 ۇياتسىز ىستەرىن كورسەتىپ، كوبىك شاشا بۋىرقانعان تەڭىز تولقىندارى+؛ ماڭگى باقي قارا تۇنەكتە بولاتىن اداسقان جۇلدىزدار+.
14 ولار جونىندە ادام اتادان كەيىنگى جەتىنشى بۋىن ەنوح+ تا بىلاي دەپ پايعامبارلىق ەتكەن: «مىنە، ەحوبا سانسىز كوپ كيەلى پەرىشتەسىمەن كەلدى+.
15 ول ٴبارىن سوتتاپ+، قۇدايسىزداردىڭ ارسىزدىقپەن ىستەگەن زۇلىم ىستەرىن جانە كۇناكارلاردىڭ وزىنە قارسى ايتقان بارلىق سۇمدىق سوزدەرىن اشكەرەلەۋ ٷشىن كەلدى+».
16 ومىرلەرىنە نارازى بولىپ، كۇڭكىلدەپ جۇرەتىن بۇل ادامدار+ ٶز قۇمارلىقتارىنا ساي ارەكەت ەتەدى+، سونداي-اق باس پايدالارى ٷشىن كوپىرە ماقتانىپ، وزگەلەرگە جاعىمپازدانادى+.
17 ال سەندەر، سۇيىكتى باۋىرلاستار، يەمىز يسا ٴماسىحتىڭ ەلشىلەرى الدىن الا ايتىپ كەتكەندەردى ەستەرىڭە تۇسىرىڭدەر.
18 ولار سەندەرگە: «سوڭعى ۋاقىتتا ارسىز قۇمارلىقتارىنا ساي ارەكەت ەتەتىن كەلەمەجدەۋشىلەر شىعادى»+،— دەۋشى ەدى.
19 اراعا جىك سالاتىن+ مۇنداي ادامداردا قۇداي رۋحى جوق، ولار ٴتاننىڭ جەتەگىندە جۇرەدى.
20 ال سەندەر، سۇيىكتى باۋىرلاستار، ەڭ قاسيەتتى سەنىمدەرىڭدى نەگىز ەتىپ، وزدەرىڭدى رۋحاني نىعايتىپ، كيەلى رۋحقا كەنەلىپ دۇعا ەتىڭدەر+،
21 وسىلايشا ماڭگىلىك ومىرگە جەتكىزەتىن+ يەمىز يسا ٴماسىحتىڭ مەيىرىمدىلىگىن كۇتە ٴجۇرىپ، قۇدايدىڭ سۇيىسپەنشىلىگىنەن ايىرىلماڭدار+.
22 سونداي-اق كۇماندانىپ جۇرگەندەرگە+ مەيىرىمدى بولىپ+،
23 ولاردى وتتان سۋىرىپ العانداي قۇتقارىڭدار+. وزگەلەرىنە دە مەيىرىمدىلىك تانىتا بەرىڭدەر، مۇنى قورقىنىشپەن ٵرى تاندىك ىستەرىمەن بىلعانعان كيىمدەرىنەن جيرەنە وتىرىپ ىستەڭدەر+.
24 ال سەندەردى زور قۋانىشقا بولەپ، سۇرىنۋدەن ساقتاي الاتىن جانە ٶزىنىڭ سالتاناتىنىڭ الدىندا پاك تازا كۇيدە+ تۇرعىزا الاتىن
25 جالعىز قۇتقارۋشى قۇدايىمىزعا يەمىز يسا ٴماسىح ارقىلى داڭق، ۇلىلىق، قۇدىرەت پەن بيلىك بارلىق زاماندا ونىكى بولعانداي، قازىر دە، ماڭگىلىك تە بولا بەرسىن! اۋمين.
سىلتەمەلەر
^ نەمەسە «ۇياتسىز قىلىقتارىن». گرەكشە «اسەلگيا». تۇسىندىرمەنى قاراڭىز.
^ بۇل — قۇدايدىڭ ەسىمى. تۇسىندىرمەنى قاراڭىز.
^ تۇسىندىرمەنى قاراڭىز.
^ نەمەسە «قيالعا بەرىلىپ».
^ نەمەسە «قۇدايدان قورىقپاستان».
^ سوزبە-ٴسوز «ەكى رەت ولگەن».
