ميحا 5:1—15
5 «شابۋىلدىڭ استىندا قالعان قىز،سەن ٶزىڭدى تىلگىلەپ جاتىرسىڭ.
ٴبىزدى جاۋ قورشاۋعا الدى+.
ولار تاياقپەن يسرايل ٴبيىنىڭ بەتىنەن ۇرۋدا+.
2 ۋا، سەن، بەتلەحەم-ەفراتا+،ياھۋدا قالالارىنىڭ* ىشىندەگى ەڭ كىشىسى بولساڭ دا،سەنەن مەنىڭ اتىمنان يسرايلگە بيلەۋشى بولاتىن بىرەۋ شىعادى+،ونىڭ باستاۋى كونە زاماننان، بۇرىنعى كۇندەردەن.
3 سوندىقتان بوساناتىن ايەل تۋعانعا دەيىن،قۇداي ٶز حالقىن تاستاپ كەتەدى.
بيلەۋشىنىڭ قالعان باۋىرلارى يسرايل حالقىنا ورالادى.
4 ول تۇرىپ، وتاردى ەحوبانىڭ قۇدىرەتىمەن+،قۇدايى ەحوبانىڭ ەسىمىنىڭ داڭقىمەن باعاتىن بولادى.
ولار قاۋىپسىز ٶمىر كەشەدى+،ويتكەنى ونىڭ ۇلىلىعى جەردىڭ تۇكپىر-تۇكپىرىنە دەيىن جەتەدى+.
5 ول تىنىشتىق الىپ كەلەدى+.
اسسيريالىقتار ەلىمىزگە باسىپ كىرىپ، بەكىنىس مۇنارالارىمىزدى تاپتاسا+،ٴبىز وعان قارسى جەتى باعۋشىنى، ٴتىپتى ادام بالاسىنان سەگىز ٵمىرشىنى شىعارامىز.
6 ولار سەمسەردىڭ جۇزىمەن اسسيريا ەلىن+،كىرەبەرىستەرىندە نىمرود+ ەلىن باعاتىن بولادى.
اسسيريالىقتار ەلىمىزگە باسىپ كىرىپ، جەرىمىزدى تاپتاعاندا،بيلەۋشى ٴبىزدى سولاردىڭ قولىنان قۇتقارادى+.
7 جاقىپتىڭ تامتىعى كوپتەگەن حالىقتار اراسىنداەحوبادان كەلگەن شىق ىسپەتتى،كوك شوپكە جاۋاتىن جاۋىن سياقتى بولادى.
بۇل ەكەۋى ادامعا تاۋەلدى ەمەس،ادام بالاسىن كۇتىپ وتىرمايدى.
8 جاقىپتىڭ تامتىعى ۇلتتاردىڭ اراسىندا،كوپتەگەن حالىقتاردىڭ ىشىندەورمان اڭدارىنىڭ اراسىنداعى ارىستانداي،وتار ىشىندەگى جاس ارىستانداي بولادى،ارالارىنان ٶتىپ بارا جاتىپ، ولارعا تاپ بەرەدى دە، پارشالاپ تاستايدى،ەشكىم ولاردى قۇتقارا المايدى.
9 سەندەر دۇشپاندارىڭدى جەڭەسىڭدەر،جاۋلارىڭنىڭ ٴبارى جويىلادى».
10 «سول كۇنى،— دەيدى ەحوبا،—مەن اتتارىڭدى قۇرتىپ، سوعىس اربالارىڭدى قيراتامىن.
11 ەلدەرىڭدەگى قالالاردى جويىپ،بەكىنىستەرىڭنىڭ ٴبارىن ويراندايمىن.
12 اينالىسىپ جۇرگەن باقسى-بالگەرلىگىڭدى قۇرتامىن،ارالارىڭدا سيقىرشىلاردىڭ ٴبىرى دە قالمايدى+.
13 ويىپ جاسالعان مۇسىندەرىڭ مەن تاس باعانالارىڭدى تالقاندايمىن،بۇدان بىلاي ٶز قولدارىڭمەن ىستەگەن نارسەلەرگە تاعزىم ەتپەيسىڭدەر+.
14 ارالارىڭداعى اعاش باعانالارىڭدى تۇبىمەن قوسا جۇلىپ+،قالالارىڭدى جەرمەن-جەكسەن قىلامىن.
15 ماعان مويىنسۇنباعان حالىقتارداناشۋىم مەن قاھارىما ٴمىنىپ، كەك الامىن».
سىلتەمەلەر
^ نەمەسە «اۋلەتتەرىنىڭ».
