مالاحي 1:1—14
1 اۋىر حابار.
ەحوبا* قۇدايدىڭ مالاحي* ارقىلى يسرايلگە ايتقان ٴسوزى:
2 «مەن سەندەرگە سۇيىسپەنشىلىك تانىتىپ كەلەمىن+»،— دەيدى ەحوبا. ٴبىراق سەندەر: «بىزگە سۇيىسپەنشىلىكتى قالاي تانىتىپ كەلەسىڭ؟»— دەيسىڭدەر. ەحوبا بىلاي دەيدى: «ەساۋ جاقىپتىڭ اعاسى ەمەس پە ەدى+؟ ٴبىراق مەن جاقىپتى جاقسى كورىپ،
3 ال ەساۋدى جەك كوردىم+. ونىڭ تاۋلارىن قاڭىراتىپ بوس قالدىردىم+، مۇرالىق جەرىن قۇلا تۇزدەگى شيبورىلەرگە بەردىم+.
4 ەدوم: —ٴبىز تالقاندالساق تا، ورالىپ، قيراعان ۇيىندىلەرىمىزدى قايتا تۇرعىزامىز،— دەپ ايتقانمەن، اسكەرباسى ەحوبا بىلاي دەيدى: —ولار تۇرعىزسا دا، مەن قيراتىپ تاستايمىن. ولار «زۇلىمدىقتىڭ مەكەنى»، «ەحوبا ماڭگىلىككە ايىپتاعان حالىق» دەپ اتالادى+.
5 سەندەر مۇنى ٶز كوزدەرىڭمەن كورىپ: «ەحوبا بۇكىل يسرايل جەرىندە دارىپتەلسىن!»— دەيتىن بولاسىڭدار.
6 مەنىڭ ەسىمىمدى مەنسىنبەيتىن ٴدىني قىزمەتكەرلەر+، سەندەرگە، مەن، اسكەرباسى ەحوبا: —بالاسى اكەسىن، قىزمەتشىسى قوجايىنىن قۇرمەتتەيدى+. ەگەر مەن اكەلەرىڭ بولسام+، مەنى نەگە قۇرمەتتەمەيسىڭدەر+؟ قوجايىندارىڭ* بولسام، مەنەن نەگە قورىقپايسىڭدار*؟— دەيمىن. ٴبىراق سەندەر: —ٴبىز ەسىمىڭدى قالاي مەنسىنبەدىك؟— دەيسىڭدەر.
7 قۇرباندىق وشاعىمدا ارامدالعان تاماقتى ۇسىنۋلارىڭمەن مەنسىنبەدىڭدەر. ال سەندەر: —ٴبىز سەنى قالاي ارامدادىق؟— دەيسىڭدەر. ەحوبانىڭ داستارقانى+ ٴمان بەرەتىن نارسە ەمەس دەۋلەرىڭمەن ارامدادىڭدار.
8 قۇرباندىققا سوقىر مال شالاسىڭدار دا، «مۇندا تۇرعان ەشتەڭە جوق» دەيسىڭدەر. اقساق نە اۋرۋ مال اكەلەسىڭدەر دە، «مۇندا تۇرعان ەشتەڭە جوق» دەيسىڭدەر+. سونداي مالدى بيلەۋشىلەرىڭە اپارىپ كورىڭدەرشى. ول ريزا بولار ما ەكەن؟ مۇنى جىلى جۇزبەن قابىلدار ما ەكەن؟»— دەيدى اسكەرباسى ەحوبا.
9 «ال ەندى سەندەردەن وتىنەمىن، قۇدايعا جالبارىنىپ، بىزگە راقىمىن ٴتۇسىرۋىن سۇراڭدار. اكەلگەن وسىنداي قۇرباندىقتارىڭ ٷشىن ول سەندەرگە ريزا بولار ما ەكەن؟»— دەيدى اسكەرباسى ەحوبا.
10 «قايسىسىڭ عيباداتحانا ەسىگىن تەگىن جابۋعا دايىنسىڭ+؟ سەندەر ٴتىپتى قۇرباندىق وشاعىنداعى وتتى دا اقىسىز جاقپايسىڭدار+. مەن سەندەرگە ريزا ەمەسپىن،— دەيدى اسكەرباسى ەحوبا.— اكەلگەن سي-تارتۋلارىڭنىڭ ەشقايسىسىن جاقتىرمايمىن+».
11 «كۇن شىققاننان باتقانعا* دەيىن حالىقتار اراسىندا مەنىڭ ەسىمىم زور داڭققا بولەنەتىن بولادى+. بارلىق جەردە مەنىڭ ەسىمىمە ارناپ تازا سي-تارتۋ رەتىندە قۇرباندىقتار تۇتەتىلىپ، باسقا دا قۇرباندىقتار اكەلىنەدى، ويتكەنى حالىقتار اراسىندا مەنىڭ ەسىمىم زور داڭققا بولەنەدى+»،— دەيدى اسكەرباسى ەحوبا.
12 «الايدا سەندەر: —ەحوبانىڭ داستارقانى ارامدالعان، ونىڭ ۇستىندەگى جەمىس، تاماق، جەركەنىشتى+،— دەپ ونى* قورلاپ جاتىرسىڭدار+.
13 سونداي-اق: —نەتكەن اۋىرتپالىق!— دەپ جاقتىرماي تىجىراياسىڭدار»،— دەيدى اسكەرباسى ەحوبا. «سەندەر ۇرلانعان، اقساق-توقساق، اۋرۋ مالدى الىپ كەلەسىڭدەر. ٴيا، سي-تارتۋعا اكەلەتىندەرىڭ — وسىنداي مال! ونى مەن قابىل الۋىم كەرەك پە+؟»— دەيدى ەحوبا.
14 «وتارىندا كەمىستىگى جوق ەركەك مالى بولا تۇرا، ەحوباعا بەرگەن انتىن ورىنداۋ ٷشىن، كەمىستىگى بار مال ۇسىنعان ارامزا ادامدى قارعىس اتسىن! ويتكەنى مەن ۇلى پاتشامىن+. مەنىڭ ەسىمىم حالىقتار اراسىندا تەرەڭ قاستەرلەنەتىن بولادى+»،— دەيدى اسكەرباسى ەحوبا.
سىلتەمەلەر
^ بۇل — قۇدايدىڭ ەسىمى. تۇسىندىرمەنى قاراڭىز.
^ ماعىناسى «مەنىڭ حابارشىم».
^ نەمەسە «سيلامايسىڭدار».
^ نەمەسە «ۇلى قوجايىندارىڭ».
^ نەمەسە «شىعىستان باتىسقا».
^ مۇمكىن: «مەنى».
