فىلىپىلىكتەرگە 1:1—30
1 ٴماسىح يسانىڭ قۇلدارى پاۋىل جانە تىموتە فىلىپىدەگى+ باقىلاۋشىلار مەن قىزمەت كومەكشىلەرىن+ قوسا العاندا، ٴماسىح يسامەن بىرلىكتەگى بارلىق قاسيەتتىلەرگە جازىپ وتىر.
2 قۇداي اكەمىز بەن يەمىز يسا ٴماسىح سەندەرگە راقىمى مەن تىنىشتىعىن سيلاسىن!
3 سەندەردى ەسكە العان سايىن قۇدايعا ٵردايىم العىس ايتىپ،
4 ۇنەمى بارلىعىڭ ٷشىن جالبارىنامىن، ٵرى مۇنى قۋانا ىستەيمىن+.
5 ويتكەنى سەندەر ىزگى حاباردى ەستىگەن كۇننەن باستاپ ونىڭ تارالۋىنا ۇلەس قوسۋداسىڭدار.
6 مەن مىناعان سەنىمدىمىن: قۇداي سەندەردىڭ ارالارىڭدا باستاعان جاقسى ٸسىن ٴماسىح يسانىڭ كۇنىنە دەيىن+ تولىق اياقتايدى+.
7 بارلىعىڭ جايلى وسىنداي ويدا بولۋىما تولىق نەگىزىم بار، سەبەبى بۇعاۋدا وتىرعان+ جانە ىزگى حاباردى قورعاپ، ونى زاڭداستىرۋعا تىرىسىپ جاتقان+ مەنىمەن بىرگە قۇدايدىڭ راقىمىنا ورتاقتاس سەندەر مەنىڭ جۇرەگىمنەن ورىن الدىڭدار.
8 ٴبارىڭدى ٴماسىح يسا ىسپەتتى بار كوڭىلىممەن جاقسى كورىپ، قاتتى ساعىنىپ جۇرگەنىمە قۇداي كۋا.
9 مەن ۇنەمى دۇعا ەتىپ، تۋرا بىلىمدەرىڭ+ مەن تۇسىنىكتەرىڭ تەرەڭدەپ+، سۇيىسپەنشىلىكتەرىڭ ارتا بەرسە ەكەن+،
10 نەنىڭ ماڭىزدىراق ەكەنىنە كوز جەتكىزىپ+، ٴماسىحتىڭ كۇنىنە دەيىن كىرشىكسىز تازا بولساڭدار ەكەن، ەشكىمنىڭ سەنىمىنە نۇقسان كەلتىرمەسەڭدەر ەكەن دەپ سۇرايمىن+.
11 سونداي-اق قۇداي ماداق پەن داڭققا بولەنۋ ٷشىن، يسا ٴماسىح ارقىلى ٵدىل ىستەردى مولىنان جاساي بەرسەڭدەر ەكەن+ دەپ سۇرايمىن.
12 باۋىرلاستار، باسىما تۇسكەن جاعدايدىڭ ىزگى حاباردىڭ كەڭ تارالۋىنا سەپتىگىن تيگىزىپ جاتقانىن بىلسەڭدەر ەكەن دەيمىن.
13 مۇندا پاتشانىڭ بۇكىل كۇزەتشى جاساعىنا جانە باسقالارعا دا مەنىڭ ماسىحكە قىزمەت ەتكەنىم ٷشىن بۇعاۋدا وتىرعانىم+ ٴمالىم بولدى+.
14 سونداي-اق بۇعاۋدا وتىرعانىم يەمىزگە قىزمەت ەتىپ جۇرگەن باۋىرلاستاردىڭ باسىم كوپشىلىگىنە سەنىمدىلىك بەردى. ولار باتىلدانا ٴتۇسىپ، قۇداي ٴسوزىن قورىقپاي ايتىپ ٴجۇر.
15 راس، كەيبىرەۋلەر ٴماسىح تۋرالى قىزعانىشتان نە باقتالاستىقپەن، ال باسقالارى تازا نيەتپەن ۋاعىزداپ ٴجۇر.
16 سوڭعىلارىن ٴماسىح تۋرالى ۋاعىزداۋعا سۇيىسپەنشىلىك تالپىندىرادى، ويتكەنى ولار مەنىڭ ىزگى حاباردى قورعاۋعا تاعايىندالعانىمدى بىلەدى+.
17 ال بىرىنشىلەرى مۇنى تازا نيەتپەن ەمەس، كۇنشىلدىكتەن ىستەپ، بۇعاۋداعى ماعان ودان بەتەر قاسىرەت شەككىزگىلەرى كەلەدى.
18 بۇنىڭ ناتيجەسى قانداي بولدى؟ مەيلى، قارا نە اق نيەتپەن بولسىن، ٴماسىح تۋرالى ۋاعىزدالىپ جاتىر، مەن سوعان قۋانامىن. بۇدان بىلاي دا قۋانا بەرەمىن.
19 سەبەبى سەندەردىڭ جالبارىنعاندارىڭنىڭ+ جانە يسا ٴماسىحتىڭ رۋحىنىڭ كومەگىنىڭ ارقاسىندا+ بۇنىڭ مەنى قۇتقارىلۋعا جەتكىزەتىنىن بىلەمىن.
20 ويتكەنى ەش ۇياتقا قالمايتىنىما، قايتا، مەن بارىنشا باتىل سويلەگەندىكتەن يسا ٵردايىم ماداقتالىپ كەلگەندەي، قازىر دە مەنىڭ ٴتانىم ارقىلى، ٶمىرىم نە ٶلىمىم ارقىلى، ماداقتالاتىنىنا+ ۇمىتتەنىپ، سونى زارىعا كۇتەمىن.
21 ٶمىر سۇرسەم، ٴماسىح ٷشىن سۇرەمىن+، ال ولسەم، بۇل مەن ٷشىن ۇتىسپەن تەڭ+.
22 ەگەر ٵرى قاراي وسى تانىمدە ٶمىر سۇرەر بولسام، ٶنىمدى ەڭبەك ەتەمىن. ٴبىراق قايسىسىن تاڭدايتىنىمدى ايتپايمىن.
23 ەكەۋىنىڭ قايسىسىنا توقتالارىمدى بىلمەيمىن. ويتكەنى مەنىڭ قالايتىنىم — بوساتىلىپ، ماسىحپەن بىرگە بولۋ+، ال بۇنىڭ الدەقايدا جاقسى ەكەنى انىق+.
24 الايدا تانىمدە قالعانىم سەندەر ٷشىن قاجەتتىرەك.
25 وسىعان سەنىمدى بولعاندىقتان سەندەر جەتىستىككە جەتىپ، سەنىمدەرىڭنەن تۋاتىن قۋانىشقا يە بولۋلارىڭ ٷشىن تانىمدە قالىپ، قاستارىڭدا بولاتىنىمدى بىلەمىن.
26 وسىلايشا قايتادان وزدەرىڭمەن بولعانىمدا، مەن ارقىلى ٴماسىح يسانىڭ شاكىرتى رەتىندە زور شاتتىققا كەنەلەسىڭدەر.
27 تەك ٴماسىح تۋرالى ىزگى حابارعا لايىق ٶمىر سۇرىڭدەر+. مەن كەلىپ، سەندەردى كورەم بە، جوق الدە قاستارىڭدا بولمايمىن با، سەندەر تۋرالى بەرىك ٵرى ٶزارا نيەتتەس، ىزگى حابارعا دەگەن سەنىمدەرى ٷشىن ٴبىر كىسىدەي+ يىق تىرەسە كۇرەسۋدە،
28 ٵرى قارسىلاستارىنان ەش قايمىقپايدى دەگەندى ەستىگىم كەلەدى. بۇل — ولار ٷشىن جويىلاتىندارىنىڭ+، ال سەندەر ٷشىن قۇتقارىلاتىندارىڭنىڭ دالەلى+. مۇنى قۇداي ٴبىلدىرىپ وتىر،
29 ويتكەنى سەندەرگە ماسىحكە سەنۋ مارتەبەسى عانا ەمەس، ول ٷشىن ازاپ شەگۋ مارتەبەسى دە بەرىلگەن+.
30 سەبەبى بۇرىن مەنىڭ كۇرەسكەنىمدى كوردىڭدەر+، ٵلى دە كۇرەسىپ جۇرگەنىم جايىندا ەستۋدەسىڭدەر، ٵرى وزدەرىڭ دە مەن سياقتى كۇرەسىپ جۇرسىڭدەر.
