زاكاريا 8:1—23
8 اسكەرباسى ەحوبا ماعان تاعى دا ٴسوزىن ارنادى:
2 «اسكەرباسى ەحوبا بىلاي دەيدى: —مەن سيوندى قۇلشىنا قورعايمىن، قۇلشىنىسىم زور+. مەن زور قاھارىمدى توگىپ، ونى قۇلشىنا قورعايمىن.
3 ەحوبا بىلاي دەيدى: —مەن سيونعا قايتا ورالامىن+، يەرۋساليمدە مەكەن ەتەمىن+. يەرۋساليم اقيقات* قالاسى+ ٵرى اسكەرباسى ەحوبانىڭ تاۋى، كيەلى تاۋ+ دەپ اتالاتىن بولادى.
4 اسكەرباسى ەحوبا بىلاي دەيدى: —يەرۋساليمنىڭ الاڭدارىندا ۇزاق جاساعان كەمپىر-شالدار+ قولدارىنا تاياقتارىن ۇستاپ وتىراتىن بولادى.
5 قالانىڭ الاڭدارى ويناپ جۇرگەن بالالارعا تولادى+.
6 اسكەرباسى ەحوبا بىلاي دەيدى: —سول كۇندەرى وسى حالىقتىڭ تامتىعى ٷشىن بۇل مۇمكىن ەمەس بولىپ كورىنسە، مەن ٷشىن دە مۇمكىن ەمەس پە ەكەن؟ مىنە، اسكەرباسى ەحوبا وسىنى ايتادى.
7 اسكەرباسى ەحوبا بىلاي دەيدى: —حالقىمدى شىعىستاعى جانە باتىستاعى ەلدەردەن قۇتقارامىن+.
8 ولاردى يەرۋساليمگە اكەلىپ+، سول جەرگە قونىستاندىرامىن. ولار مەنىڭ حالقىم، ال مەن ولاردىڭ ادال دا ٵدىل قۇدايى بولامىن+.
9 اسكەرباسى ەحوبا بىلاي دەيدى: —پايعامبارلاردىڭ اۋزىنان وسى سوزدەردى+ ەستىپ تۇرعان سەندەر باتىل بولىپ، قولدارىڭدى نىعايتىڭدار+. بۇل سوزدەردى عيباداتحانانى سوعۋ ٷشىن اسكەرباسى ەحوبانىڭ ٷيىنىڭ ىرگەتاسى قالانعان كۇنى دە ەستىگەن ەدىڭدەر.
10 سول كەزگە دەيىن ادامعا دا، جالعا العان مالعا دا اقى تولەنبەگەن ەدى+. دۇشپاننىڭ كەسىرىنەن ەشكىم ەمىن-ەركىن جول جۇرە الماي قالعان، ويتكەنى مەن ادامداردى ٴبىر-بىرىنە قارسى قويعان ەدىم.
11 اسكەرباسى ەحوبا بىلاي دەيدى: —ال ەندى وسى حالىقتىڭ تامتىعىنا بۇرىنعىداي قارامايمىن+.
12 تىنىشتىقتىڭ تۇقىمى سەبىلەتىن بولادى. جۇزىمدىكتەر جەمىس سالىپ، جەر ٶنىم بەرەدى+، اسپان دا ٶز شىعىن تۇسىرەدى. مۇنىڭ ٴبارىن مەن وسى حالىقتىڭ تامتىعىنا مۇرالىققا بەرەمىن+.
13 ۋا، ياھۋدا ٷيى مەن يسرايل ٷيى، بۇرىن حالىقتاردىڭ اراسىندا قارعىس بولىپ كەلدىڭدەر+. ەندى مەن سەندەردى قۇتقارامىن، سوندا باتاعا اينالاسىڭدار+. ەش قورىقپاڭدار+! قولدارىڭدى نىعايتىڭدار+!
14 اسكەرباسى ەحوبا بىلاي دەيدى: —كەزىندە اتا-بابالارىڭ مەنى اشۋلاندىرعاندىقتان، باستارىڭا اپات جىبەرۋدى ۇيعارىپ، اياۋشىلىق جاساماعان ەدىم+،— دەيدى اسكەرباسى ەحوبا.—
15 الايدا وسى كۇندەرى يەرۋساليم مەن ياھۋدا ۇيىنە جاقسىلىق جاساۋدى ۇيعارىپ تۇرمىن+. سوندىقتان قورىقپاڭدار+!
16 سەندەر مىنانى ىستەۋلەرىڭ كەرەك: ٴبىر-بىرىڭە شىندىقتى ايتىڭدار+، قالا قاقپالارىنىڭ الدىندا شىندىققا ساي سوت جۇرگىزىپ، تاتۋلىققا باستايتىن شەشىم شىعارىڭدار+.
17 جۇرەكتەرىڭدە ٴبىر-بىرىڭە جاماندىق ويلاماڭدار+، جالعان انتتى جاقسى كورمەڭدەر+،— دەيدى ەحوبا.— ويتكەنى مەن مۇنىڭ ٴبارىن جەك كورەمىن+».
18 اسكەرباسى ەحوبا تاعى دا ماعان ٴسوزىن ارنادى:
19 «اسكەرباسى ەحوبا بىلاي دەيدى: —ٴتورتىنشى+، بەسىنشى+، جەتىنشى+ جانە ونىنشى ايدا+ ۇستاعان ورازا كۇندەرى ياھۋدا ٷيى ٷشىن قۋانىش پەن شاتتىققا تولى كۇندەرگە، قۋانىشتى مەيرامدارعا اينالادى+. سوندىقتان شىندىق پەن تاتۋلىقتى جاقسى كورىڭدەر.
20 اسكەرباسى ەحوبا بىلاي دەيدى: —باسقا حالىقتار مەن كوپ قالانىڭ تۇرعىندارى كەلەتىن ۋاقىت بولادى.
21 ٴبىر قالانىڭ تۇرعىندارى باسقا قالانىڭ تۇرعىندارىنا بارىپ: «جۇرىڭدەر، جۇرىڭدەر! ەحوبادان راقىم ەتۋىن جالىنىپ سۇرايىق، اسكەرباسى ەحوبانى جان سالا ىزدەيىك. ٴبىز دە بارا جاتىرمىز»،— دەيتىن بولادى+.
22 كوپتەگەن حالىقتار مەن كۇشتى ۇلتتار ەحوبادان راقىم ەتۋىن سۇراۋ ٷشىن، اسكەرباسى ەحوبانى ىزدەپ، يەرۋساليمگە كەلەتىن بولادى+.
23 اسكەرباسى ەحوبا مىنانى ايتادى: —سول كۇندەرى ٵرتۇرلى تىلدە سويلەيتىن بارلىق حالىقتاردان شىققان ون ادام+ ٴياھۋديدىڭ ەتەگىنە جارماسىپ، وعان: «ٴبىز سەنىمەن بارامىز+، ويتكەنى قۇداي سەنىڭ حالقىڭمەن بىرگە ەكەنىن ەستىدىك»،— دەيتىن بولادى+».
سىلتەمەلەر
^ نەمەسە «ادالدىق».
