تىموتەگە 1-حات 2:1—15
2 ەڭ الدىمەن، سەندەردى بارلىق ادامدار ٷشىن جالبارىنۋعا، دۇعا ەتۋگە، وتىنۋگە، العىس ايتۋعا شاقىرامىن.
2 سونداي-اق بۇدان بىلاي دا قۇدايعا بارىنشا شىن بەرىلىپ، ساليقالى بولىپ، تىنىش تا بەيبىت ٶمىر ٴسۇرۋىمىز ٷشىن+ پاتشالار مەن جوعارى دارەجەلى ادامدار ٷشىن دە دۇعا ەتىڭدەر+.
3 بۇل قۇتقارۋشىمىز قۇدايدىڭ+ كوز الدىندا يگىلىكتى ٵرى ۇنامدى.
4 ول ٵرتۇرلى ادامداردىڭ قۇتقارىلعانىن+ جانە شىندىق جايلى تۋرا ٴبىلىم العانىن قالايدى.
5 ويتكەنى قۇداي بىرەۋ+، قۇداي مەن ادامدار اراسىنداعى كەلىستىرۋشى دە بىرەۋ+. ول — ٴماسىح يسا+.
6 وسى كىسى بۇكىل ادامزات ٷشىن ٶز ٶمىرىن تولەم* رەتىندە بەردى+. بۇل تۋرالى ٶز ۋاقىتىندا كۋالىك ەتىلەتىن بولادى.
7 وتىرىك ەمەس، شىن ايتامىن، مەن وسى جونىندە كۋالىك ەتۋ ٷشىن+ ۋاعىزداۋشى ٵرى ەلشى+، ياعني باسقا ۇلتتارعا سەنىم مەن شىندىق جايلى ٴتالىم بەرۋشى بولىپ تاعايىندالدىم+.
8 سوندىقتان باس قوسقان جەرلەردىڭ بارىندە ەر كىسىلەردىڭ اشۋ-ىزا+ مەن داۋ-دامايعا بەرىلمەي+، قۇدايعا دەگەن ادالدىقپەن قولدارىن كوتەرىپ، دۇعا ەتكەنىن قالايمىن+.
9 ال ايەلدەر ارلەنىپ-ساندەنگەندە، شاشتارىن ەرەكشەلەپ ورۋگە، التىن-مەرۋەرتكە نە وتە قىمبات كيىمگە ٷيىر بولماي، قاراپايىم دا ەستى بولىپ، جاراسىمدى كيىنسىن+.
10 ولاردى يگى ىستەرى كوركەيتسىن. بۇل قۇدايعا شىن بەرىلگەنمىن دەيتىن ايەلدەرگە لايىق+.
11 ايەل بالاسى تولىقتاي باعىنىپ، ٷنسىز* ٴتالىم السىن+.
12 ونىڭ ٴتالىم بەرۋىنە، ەر ادامعا بيلىك ەتۋىنە جول بەرمەيمىن، ول ٷنسىز وتىرسىن+.
13 سەبەبى الدىمەن ادام اتا، سودان كەيىن حاۋا انا جاراتىلعان+.
14 سونداي-اق الدانعان ادام اتا ەمەس، قايتا، حاۋا انا قاتتى الدانىپ+، كۇناعا باتتى.
15 ٴبىراق ايەل ەستىلىگىمەن قاتار+، سەنىمى، سۇيىسپەنشىلىگى مەن قاسيەتتىلىگىنەن قول ۇزبەسە، بالا تاپقانى ونى امان ساقتايدى+.
سىلتەمەلەر
^ بۇل جوعالتىلعان نارسەگە ساي كەلەتىن قۇنعا نۇسقايدى.
^ نەمەسە «بايسالدىلىقپەن».
