ايان 16:1—21
-
قۇدايدىڭ قاھارىنا تولى جەتى توستاعان (1—21)
16 مەن جەتى پەرىشتەگە كۋالىك شاتىرىنىڭ قاسيەتتى بولىگىنەن+: «بارىڭدار دا، قۇدايدىڭ قاھارىنا تولى جەتى توستاعاندى جەر بەتىنە توگىڭدەر!»+— دەگەن قاتتى داۋىستى ەستىدىم.
2 ٴبىرىنشى پەرىشتە باردى دا، توستاعانداعىسىن جەر بەتىنە توگىپ جىبەردى+. سوندا جىرتقىش اڭنىڭ تاڭباسى بار+ ٵرى ونىڭ مۇسىنىنە عيبادات ەتكەندەردىڭ+ دەنەلەرىن جانعا باتاتىن، قاتەرلى ٸرىڭدى جارا باستى+.
3 ەكىنشى پەرىشتە توستاعانداعىسىن تەڭىزگە توگىپ جىبەردى+. سوندا تەڭىز+ ولگەن ادامنىڭ قانىنداي قانعا اينالىپ+، ونداعى ٴتىرى جاننىڭ ٴبارى قىرىلىپ قالدى.
4 ٷشىنشى پەرىشتە توستاعانداعىسىن وزەندەر مەن سۋ كوزدەرىنە توگىپ جىبەرگەندە+، ولار قانعا اينالدى+.
5 سوسىن سۋ اتاۋلىعا بيلىك جۇرگىزەتىن پەرىشتەنىڭ بىلاي دەگەنىن ەستىدىم: «بۇرىن بولعان، قازىر دە بار قۇداي+، سەن ادال+ دا ٵدىلسىڭ، ويتكەنى وسىنداي ۇكىمدەر شىعاردىڭ+.
6 قاسيەتتىلەر مەن پايعامبارلاردىڭ قانىن توككەندىكتەن+، سەن ولارعا قان ىشكىزدىڭ+، ولار سوعان لايىق+».
7 سونداي-اق قۇرباندىق وشاعىنىڭ: «ٴيا، قۇدىرەتى شەكسىز+ ەحوبا قۇداي، سەنىڭ ۇكىمدەرىڭ* دۇرىس تا ٵدىل+»،— دەگەنىن ەستىدىم.
8 ٴتورتىنشى پەرىشتە توستاعانداعىسىن كۇننىڭ بەتىنە توگىپ جىبەردى+. سوندا كۇنگە وتتى قىزۋىمەن ادامداردى كۇيدىرۋگە جول بەرىلدى.
9 ولار اپتاپ ىستىققا كۇيسە دە، وسى پالەلەرگە بيلىگى جۇرەتىن قۇدايدىڭ ەسىمىنە ٴتىل تيگىزۋىن قويمادى. ولار وكىنگەن دە، ونى داڭقتاعان دا جوق.
10 بەسىنشى پەرىشتە توستاعانداعىسىن جىرتقىش اڭنىڭ تاعىنا توگىپ جىبەردى. سوندا ونىڭ پاتشالىعىن قاراڭعىلىق باستى+. ادامدار اۋرۋدان قينالىپ، تىلدەرىن تىستەي باستادى.
11 الايدا ولار اۋرۋلارى مەن ٸرىڭدى جارالارى ٷشىن كوكتەگى قۇدايعا ٴتىل تيگىزدى، ٶز قىلىقتارىنا ەش وكىنبەدى.
12 التىنشى پەرىشتە توستاعانداعىسىن ۇلى ەۆفرات وزەنىنە+ توگىپ جىبەردى. سوندا كۇنشىعىستان كەلەتىن پاتشالارعا جول دايىن بولۋ ٷشىن، ونىڭ سۋى كەۋىپ قالدى+.
13 سوسىن ايداھاردىڭ+، جىرتقىش اڭنىڭ جانە جالعان پايعامباردىڭ اۋزىنان شىعىپ جاتقان باقالارعا ۇقسايتىن تازا ەمەس ٷش حاباردى* كوردىم.
14 بۇل حابارلار جىنداردان كەلگەن. ولار بەلگىلەر كورسەتىپ+، جەرجۇزىنىڭ پاتشالارىن قۇدىرەتى شەكسىز قۇدايدىڭ ۇلى كۇنى+ بولاتىن سوعىسقا جيناپ اكەلۋگە شىقتى+.
15 «مىنە، مەن ۇرى سياقتى كەلەمىن+. جالاڭاش قالىپ، جۇرت الدىندا ۇياتقا قالماۋ ٷشىن+، سەرگەك بولىپ+، كيىمىن ساقتاعان ادام باقىتتى».
16 ولار پاتشالاردىڭ ٴبارىن ەۆرەيشە ارماگەددون* دەپ اتالاتىن جەرگە جينادى+.
17 جەتىنشى پەرىشتە توستاعانداعىسىن اۋاعا توگىپ جىبەردى. سول كەزدە شاتىردىڭ قاسيەتتى بولىگىندەگى+ تاقتان: «ورىندالدى!»— دەگەن قاتتى داۋىس شىقتى.
18 سوندا نايزاعاي ويناپ، داۋىستار شىعىپ، كۇن كۇركىرەپ، جەر قاتتى سىلكىندى. جەر بەتىندە ادام بالاسى پايدا بولعاننان بەرى مۇنشالىقتى زور ٵرى كۇشتى جەر سىلكىنىسى بولعان ەمەس+.
19 ۇلى قالا+ ۇشكە ٴبولىندى، ەلدەردىڭ قالالارى دا قيراپ قالدى. قاھارلى اشۋىنىڭ شارابى قۇيىلعان توستاعاندى بەرۋ ٷشىن+ قۇداي ۇلى بابىلدى+ ەسىنە الدى.
20 كۇللى ارالدار دا قاشىپ كەتتى، تاۋلار دا ورىندارىنان تابىلمادى+.
21 اسپاننان ادامداردىڭ ۇستىنە ٴارقايسىسىنىڭ سالماعى 20 كيلوگرامداي* بۇرشاق جاۋدى+. وسىنداي بۇرشاق جاۋدىرعانى+ ٷشىن ولار قۇدايدى قورلادى، ويتكەنى بۇل وتە اۋىر الاپات بولدى.
سىلتەمەلەر
^ نەمەسە «سوت شەشىمدەرىڭ».
^ نەمەسە «ٷش ارام رۋحتى».
^ گرەكشە حار ماگەدون. تۇسىندىرمەنى قاراڭىز.
^ سوزبە-ٴسوز «1 تالانت». گرەكتەردىڭ 1 تالانتى 4.20 كيلوگراعا تەڭ. B14 قوسىمشاسىن قاراڭىز.
