نەگىزگى تاقىرىپ | قۇدايدان الىستاتاتىن جالعان ۇعىمدار
شىندىق ٴسىزدى ازات ەتەدى
بىردە يەرۋساليمدە بولعاندا يسا ٶزىنىڭ اكەسى ەحوبا جايلى كۋالىك ەتكەن ەدى جانە سول زامانداعى جالعان ٴدىننىڭ جەتەكشىلەرىن اشكەرەلەگەن بولاتىن (جوحان 8:12—30). ونىڭ ايتقاندارى بۇگىندە قۇداي تۋرالى كەڭ تاراعان ىلىمدەردىڭ دۇرىس نە بۇرىس ەكەنىن انىقتاۋعا كومەكتەسەدى. يسا پايعامبار: «ەگەر مەنىڭ ٴسوزىمدى ۇستانساڭدار، شىنىمەن مەنىڭ شاكىرتىمسىڭدەر، ٵرى شىندىقتى بىلە تۇسەسىڭدەر، ال شىندىق سەندەردى ازات ەتەدى»،— دەگەن (جوحان 8:31، 32).
«مەنىڭ ٴسوزىمدى ۇستانىڭدار». يسانىڭ بۇل سوزدەرى بىزگە ٴدىني ىلىمدەردىڭ «شىندىققا» ساي كەلەتىن-كەلمەيتىنىن تەكسەرۋگە كومەكتەسەتىن باسشىلىق بولىپ تابىلادى. قۇداي تۋرالى قانداي دا ٴبىر نارسەلەردى ەستىسەڭىز، وزىڭىزگە بىلاي دەپ سۇراق قويىڭىز: «بۇل يسا پايعامباردىڭ سوزدەرىمەن جانە كيەلى جازبالاردا جازىلعاندارمەن ۇيلەسە مە؟» بۇل رەتتە ەلشى پاۋىلدان ٴتالىم العان جانە «ەستىگەن نارسەلەرىنىڭ [الىپ جاتقان بىلىمدەرىنىڭ] راستىعىنا كوزدەرىن جەتكىزۋ ٷشىن جازبالاردى كۇن سايىن مۇقيات زەرتتەگەن» ادامدارعا ەلىكتەگەنىمىز ابزال (ەلشىلەردىڭ ىستەرى 17:11).
ٴبىرىنشى ماقالادا سوزدەرى كەلتىرىلگەن ماركو، روۋسا جانە رەيموندا وزدەرىنىڭ سەنەتىن ىلىمدەرىنىڭ دۇرىس نە بۇرىس ەكەنىنە كوزدەرىن جەتكىزۋ ٷشىن ەحوبا كۋاگەرلەرىمەن بىرگە كيەلى كىتاپتى زەرتتەگەن. ولار العان بىلىمدەرى جايلى نە دەيدى ەكەن؟
ماركو: «بىزبەن كيەلى كىتاپ زەرتتەۋ ساباعىن وتكىزگەن كۋاگەر ايەلىم ەكەۋمىزدىڭ بارلىق سۇراعىمىزعا جازبالاردى قولدانىپ جاۋاپ بەرەتىن. ٴبىزدىڭ ەحوبا قۇدايعا دەگەن سۇيىسپەنشىلىگىمىز ارتتى، سونداي-اق ٴبىر-بىرىمىزگە دە جاقىنداي تۇستىك».
روۋسا: «العاشىندا مەن كيەلى كىتاپتى بار بولعانى قۇداي جايلى ادامداردىڭ ويلارى جازىلعان كىتاپ دەپ قاراستىراتىنمىن. الايدا بىرتە-بىرتە كيەلى كىتاپتان ٶز سۇراقتارىما جاۋاپ الدىم. قازىر مەن ٷشىن ەحوبا — ٴتىرى ٵرى سەنىم ارتۋعا تۇراتىن تۇلعا».
رەيموندا: «مەن ٶزىن تانىپ-بىلۋگە كومەكتەسۋىن سۇراپ، قۇدايعا دۇعا ەتتىم. كوپ ۇزاماي كۇيەۋىم ەكەۋمىز كيەلى كىتاپتى زەرتتەي باستادىق. ٴسۇيتىپ، ەحوبا جايلى شىندىقتى بىلدىك. ونىڭ قانداي قۇداي ەكەنىن بىلگەندە قاتتى قۋاندىق!»
كيەلى كىتاپ قۇداي تۋرالى جالعان ىلىمدەردى اشكەرەلەپ قانا قويماي، قۇدايدىڭ كەرەمەت قاسيەتتەرى جايلى شىندىقتى اشادى. كيەلى كىتاپ — كيەلى رۋحتىڭ جەتەلەۋىمەن جازىلعان قۇدايدىڭ ٴسوزى جانە ونىڭ كومەگىمەن «قۇدايدىڭ بىزگە تارتۋ ەتكەندەرىن تۇسىنە الامىز» (قورىنتتىقتارعا 1-حات 2:12). ولاي بولسا، قۇداي جايلى، ٶمىردىڭ ماعىناسى مەن ٴبىزدىڭ بولاشاعىمىز جايلى وتە ماڭىزدى سۇراقتارعا كيەلى كىتاپتىڭ قالاي جاۋاپ بەرەتىنىن نەگە ٴبىلىپ كورمەسكە؟ ەگەر كيەلى كىتاپتى زەرتتەگىڭىز كەلسە، www.jw.org تور بەكەتىنە كىرىپ، بۇل جايلى ٶتىنىش تولتىرساڭىز نە ەحوبا كۋاگەرلەرىنىڭ بىرىنە ايتساڭىز بولادى. وسىلاي ەتەر بولساڭىز، قۇدايدى ٴسۇيۋ مۇمكىن ەكەنىنە كوز جەتكىزەتىنىڭىزگە سەنىمدىمىز.
