سەرگەك بولىڭدار!
سوعىس قاشان توقتايدى؟ بۇل تۋرالى كيەلى كىتاپتا نە دەلىنگەن؟
2024-جىلدىڭ 13 ساۋىرىندە يراننىڭ يزرايلگە جاساعان تىكەلەي شابۋىلىنا قاتىستى بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش بىلاي دەدى: «قازىر مەيلىنشە جاعدايدى ۋشىقتىرماي، قاۋىپتى ازايتۋ كەرەك. قازىر — بارىنشا سابىر ساقتايتىن ۋاقىت».
تاياۋ شىعىستاعى سوعىس بۇكىل دۇنيەدە بولىپ جاتقان سوعىستاردىڭ ٴبىرى عانا.
«ەكىنشى دۇنيەجۇزىلىك سوعىستان بەرى مۇنشالىقتى كوپ قاقتىعىستار بولماعان. سوعىستاردىڭ زاردابىن 2 ميلليارد ادام، ياعني بۇكىل ادامزاتتىڭ تورتتەن ٴبىر بولىگى تارتىپ جاتىر» (بىرىككەن ۇلتتار ۇيىمىنىڭ قاۋىپسىزدىك كەڭەسى، 26 قاڭتار، 2023 جىل).
قاندى قاقتىعىستار يزرايل، گازا، سيريا، ٵزىربايجان، ۋكراينا، سۋدان، ەفيوپيا، نيگەر، ميانما مەن گايتيدە بولىپ جاتىر a.
سوعىستار قاشان توقتايدى؟ الەمدىك كوشباسشىلار بەيبىتشىلىك ورناتا الا ما؟ بۇل تۋرالى كيەلى كىتاپتا نە دەلىنگەن؟
سوعىس جايلاعان دۇنيە
بۇگىندە بولىپ جاتقان قاقتىعىستارعا قاراپ، جاقىن ارادا بارلىق سوعىستاردىڭ توقتايتىنىن تۇسىنەمىز. سەبەبى كيەلى كىتاپتا ٴبىز ٶمىر ٴسۇرىپ جاتقان كەزەڭدە سوعىستار بولاتىنى الدىن الا ايتىلعان. كيەلى كىتاپتا ٴبىزدىڭ كۇندەر «زاماننىڭ اياقتالىپ قالعان» ۋاقىتى دەپ اتالعان (ماتاي 24:3).
«جاقىن ماڭداعى جانە الىستاعى سوعىستار تۋرالى ەستيسىڭدەر... ۇلت ۇلتقا قارسى، مەملەكەت مەملەكەتكە قارسى اتتانادى» (ماتاي 24:6، 7).
بۇگىندەگى سوعىستاردىڭ كيەلى كىتاپتا الدىن الا ايتىلعانى جايلى كوبىرەك ٴبىلۋ ٷشىن «اقىرزاماننىڭ بەلگىسى قانداي؟» دەگەن ماقالانى وقىپ كورىڭىز.
سوعىستاردى توقتاتاتىن سوعىس
كيەلى كىتاپتا ادامدار اراسىنداعى قاقتىعىستاردىڭ توقتايتىنى دا ايتىلعان. بۇل قالاي بولماق؟ سوعىستاردى ۇكىمەتتەر ەمەس، «قۇدىرەتى شەكسىز قۇدايدىڭ ۇلى كۇنى بولاتىن سوعىس»، ياعني ارماگەددون سوعىسى توقتاتادى (ايان 16:14، 16). بۇل سوعىس ارقىلى قۇداي ماڭگىلىك تىنىشتىق ورناتامىن دەگەن ۋادەسىن ورىندايدى (ٴزابۇر 37:10، 11، 29).
سوعىستاردى توقتاتاتىن قۇدايدىڭ سوعىسى جايلى كوبىرەك ٴبىلۋ ٷشىن «ارماگەددون سوعىسى دەگەن نە؟» ماقالاسىن وقىڭىز.
a ACLED Conflict Index, ”Ranking violent conflict levels across the world”، قاڭتار، 2024
قىزىقتى بولار مالىمەتتەر
ESSENTIAL BIBLE TEACHINGS
قۇداي نەگە قايعى-قاسىرەتكە جول بەرەدى؟
كيەلى كىتاپتا بۇل سۇراققا قاتىستى جۇبانىش بەرەتىن تولىققاندى جاۋاپ بار.
سەرگەك بولىڭدار!
ارماگەددون يزرايلدە باستالا ما؟ كيەلى كىتاپتا نە دەلىنگەن؟
بۇل سۇراقتىڭ جاۋابىن ايان كىتابىنان تابامىز.
سان ٴتۇرلى تاقىرىپتار
جارقىن بولاشاققا جارىق ٷمىت
قۇدايدىڭ ۋادەلەرى مەن ادامداردىڭ ۋادە-بولجامدارىنىڭ اراسى نەگە جەر مەن كوكتەي؟
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
