Eendombwedi daJehova nosho yo ovaenda omamiliyona mounyuni aushe ohadi ongala, opo di dane Edimbuluko lefyo laJesus, ngaashi a popya. (Lukas 22:19) Oshiningwanima osho otashi ke tu kwafela tu ulike olupandu monghedi ye likalekelwa, eshi Jesus e tu yandjela omwenyo waye. Ohatu ka mona yo nghee ekuliloyambo laye tali dulu oku ku etela ouwa paife nosho yo monakwiiwa. — Johannes 3:16.

 Mbela ongahelipi to dulu okumona ouwa mekuliloyambo laJesus, kashi na nee mbudi kutya owa li po pEdimbuluko neudo, ile hasho? Jesus okwe tu lombwela oinima ivali ya fimana, oyo twa pumbwa okuninga:

1.  1. Lihonga kombinga yaKalunga naJesus. Eshi Jesus a li ta popi naXe womeulu okwa ti: “Opo ovanhu va ka mone omwenyo waalushe, ove na okushiiva kutya oove auke Kalunga kashili naau wa tuma, Jesus Kristus.” — Johannes 17:3.

2.  2. Katuka metwokumwe naasho to lihongo. Jesus okwa divilika kutya otwa pumbwa okutula moilonga osho hatu lihongo. Pashihopaenenwa, mEudifo laye lokOmhunda, Jesus okwa xulifa ta pandula ovo hava ‘udu eendjovo daye noku di wanifa.’ (Lukas 6:46-48) Sha faafana, pomhito imwe okwa ti: “Ngeenge omu shii oinima oyo notamu i tula moilonga, otamu kala mwa hafa.” — Johannes 13:17.

 Mbela owa hala okulihonga shihapu kombinga yaKalunga naJesus? Mbela owa hala okukwafelwa u shiive nghee to dulu okutula moilonga osho to lihongo? Eedjo tadi shikula otadi dulu oku ku kwafela.

 Okukonakona Ombiibeli novanhu oshali okwa kwafela vahapu ve i shiive nokutula moilonga osho tave lihongo.

•   Inda kepandja Guided Bible Study Course, opo u lihonge shihapu kombinga yoprograma oyo.

•   Tala okavidio Oto hambelelwa kekonakonombiibeli, opo u mone kutya okukonakona Ombiibeli nEendombwedi daJehova ohaku ningwa ngahelipi.

 Eendombwedi daJehova ohadi ongala luvali moshivike peenhele dado dokwoongalela hadi ifanwa Olupale lOuhamba. Pokwoongala kwa tya ngaho ohatu lihongo kombinga yOmbiibeli nanghee hatu dulu okutula moilonga omahongo ayo.

 Okwoongala oko okwa yeulukila keshe umwe, ndele kaku fi ashike kwEendombwedi odo adike. Omolweenghalo domoshitukulwa, okwoongala oko otaku dulu okuningwa komudidi, ile okupitila pavidio.

•   Tala okavidio Oshike hashi ningwa pOlupale lOuhamba?, opo u mone osho hashi ningwa pokwoongala kwetu.

•   Tala onhele yokwoongalela oyo i li popepi naave, kepandja lEendombwedi daJehova li na sha nokwoongala.

 Oitukulwa ihapu nosho yo ouvidio ovo tava hangwa kowebsite ei otave ku kwafele u lihonge shihapu kombinga yomahongo aJesus nosho yo ongushu yeyambo laye.

 Pashihopaenenwa, opo u mone nghee efyo lomulumenhu umwe la etela ouwa ovanhu omamiliyona, lesha oshitukulwa “Ongahelipi Jesus e li omuxupifi?” nosho yo “Omolwashike Jesus a hepekwa nokudipawa?,” ile u tale okavidio Omolwashike Jesus a fya?