Omayeletumbulo 27:1-27
27 Ino litangela efiku lomongula,Osheshi ku shi shii kutya otali ka kala la tya ngahelipi.*+
2 Teelela umwe* e ku tange, ndele hakanya koye mwene;Tangwa kuvamwe,* ndele hakomilungu doye mwene.+
3 Emanya oli na ondjudo, nedu olidjuu,Ndele okukenyanekwa kelai okudjuu unene ku dule aishe oyo.+
4 Ope na ehandu la xwama nehandu tali fuluka,Ndele olyelye ta dulu okulididimikila ondubo?+
5 Okupukulula omunhu sha yukilila oshi li xwepo shi dulife ohole ya holekwa.+
6 Kaume e shii okulineekelwa oha denge ta ehameke,+Ndele omutondi ote ku xupita lwoikando.*
7 Omunhu oo a kuta* ota hepifa* omaadi eenyiki,Ndele omunhu oo a fya ondjala* naasho shilula oshinyenye kuye.
8 Ngaashi okadila taka di po* poshihadi shako,Omunhu oo ta fiye po eumbo laye naye osho e li.
9 Omaadi noitwimifo ohai hafifa omutima;Oukaume muwa oo hau di momayele mawa* nao osho u li.+
10 Ino fiya po kaume koye, ile kaume kaxo,Noino ya meumbo lomumwaxo mefiku loudjuu woye;Omushiinda e li popepi oku dule omumwaxo e li kokule naave.+
11 Kala u na eendunge omumwange nokuhafifa omutima wange,+Opo ndi dule okunyamukula ou ta sheke nge.+
12 Omunaendunge ota mono oshiponga, ndele ta hondama,+Ndele oo ehe na owino ota ehene popepi, ndele ta mono oilanduliko.*
13 Oto dulu okukufa ko oshikutu shaao a anena omunailongo, oo e mu pa eendjo;Kufa ko sha kuye onga eshilipaleko, ngeenge okwa ya meenghundafana nomukainhu omunailongo.*+
14 Ngeenge umwe okwa popifa* mukwao nondaka i li mokule ongula inene,Otashi talika ko shi li efingo.
15 Omukulukadi e hole okutanguna* okwa fa onhongo tai ndoda efimbo alishe mefiku lomudimbi.+
16 Keshe oo ta dulu oku mu loteka ota dulu okuloteka omhepoNota dulu okuyakela omaadi neke laye lokolulyo.
17 Ngaashi oshivela hashi upike oshivela shikwao,Omunhu naye oha upike kaume kaye.*+
18 Oo ta file oshisho omukwiyu ota ka lya oiimati yao,+Naao ta file oshisho omwene waye ota ka fimanekwa.+
19 Ngaashi omunhu ta dulu okumonena oshipala shaye momeva,Omutima womunhu nao ohau holola osho shi li momutima waumwe.
20 Ombila nonhele yehanauno* ihai kuta nandenande,+Nomesho omunhu ihaa kuta nandenande.
21 Ngaashi ombiya yokuhemuna yoshisilveri, nediko la hanya omundilo loshingoli;+Omunhu naye oha yelekwa kolupandu, olo ha pewa.*
22 Nonande elai ou li twile koshini nomushiNgaashi oilya ya nyanghauka i li koshini,Oulai walo itau di mo mulo.
23 Shiiva nawa onghalo youfita woye.
Fila oshisho* eedi doye.+
24 Molwaashi emona ihali kalelele,+Noshikoroni* ihashi kala po fiyo okomapupi aeshe.
25 Omwiidi mutalala ohau xulu po, nohapa mene omwiidi mupe,Noimeno yokeemhunda ohai ongelwa.
26 Molududi leedjona deendume oto mono mo oikutu,Nomoikombo yoindume oto mono mo ondado yepya.
27 Otapa ka kala omashini mahapu oikombo oku ku palula,Okupalula oukwaneumbo woye nookukutifa ovapiya voye oukadona.
Omashangelo opedu
^ Eln., “dala shike.”
^ Eln., “omweendanandjila.”
^ Eln., “komunailongo.”
^ Ile tashi dulika, “omolwokambweenga; te shi likondjifile.”
^ Ile “Omwenyo oo wa kuta.”
^ Eln., “tileshi.”
^ Ile “omwenyo oo wa fya ondjala.”
^ Ile “tuka po.”
^ Ile “momayele taa di komwenyo.”
^ Ile “ehandukilo.”
^ Ile “omunailongo.”
^ Eln., “okwa nangeke noupuna.”
^ Ile “okungongota.”
^ Eln., “oshipala shakaume kaye.”
^ Ile “O-Sheol naAbadon.”
^ Ile “Omunhu naye okwe likolelela kokutangwa kwaye.”
^ Ile “Tula omutima woye; Yandja elitulemo.”
^ Ile “Noshishani.”
