OFIKOLA YOKUDEULA OVAUDIFI VOUHAMBA Ovakokolindjila ovo ve na omido 23 fiyo 65 nova hala okutamununa mo oukalele wavo otava shivwa va ka kale pokwoongala kwaavo va hala kOfikola yOkudeula Ovaudifi vOuhamba mOsoondaxa omutenya. Onhele nefimbo otai ka shiivifwa kuyele.

EKWAFO LOTETE Dimbuluka kutya ekwafo olo otali pewa ASHIKE ovo va hakukilwa koudu ile va mona oshiponga OMBADILILA.

ENINGINIFO Oipundi ye litulilwa yaava tava ka ninginifwa otai ka kala komesho elela molupale loshoongalele, ngeenge ope na elunduluko lonhumba shi na sha naasho, otali ka shiivifwa. Ava tava ka ninginifwa ove na okukala omutumba ponhele oyo va longekidilwa ofimbo oshipopiwa sheninginifo inashi hovela Olomakaya ongula. Keshe umwe oku na okweetelela oshihaduku shaye noikutu oyo tai wapalele okuninginifwa nayo.

OILONGA YEHALO LIWA Ngeenge owa hala okukwafela nehalo liwa moilonga oyo i na ko nasha nelongekido loshoongalele, inda kOshikondo shOmauyelele nOilonga yEhalo Liwa opo u ka ulikilwe oko kwa pumbwa ekwafo.

OIPUNDI Oto indilwa u yavelele vamwe. Dimbuluka, oipundi otai dulu ashike okuvalekelwa ovaneumbo leni ile ovo wa enda pamwe navo mosheendifo shimwe ile ovakonakonimbiibeli voye. Ino fiya oinima koipundi oyo i li pwoove ngeenge ino i valeka.

OMAYAMBIDIDO Osha pula oshimaliwa shihapu opo ku longekidwe oipundi ya wana, omambako, omashina okuulika ouvidio nosho yo oikwanoipangifo ihapu oyo tai ningifa oshoongalele shi kale tashi shambula notashi tu kwafele tu ehene popepi elela naJehova. Omayambidido eni ehalo liwa otaa ka kwafela okufuta eefuto odo notaa yambidida yo oilonga yomounyuni aushe. Didilika kutya molupale loshoongalele omwa tulwa oukefa vomayambidido va shangwa neendada da twa, omo to dulu okutula omayambidido oye. Omayambidido eni aeshe otaa pandulwa unene, nOlutuwiliki otali mu pandula omolwomayambidido eni ehalo liwa oo hamu yandje opo mu xumife komesho oinima yOuhamba.

ONHELE YOINIMA YA TOOLWA Oinima aishe oyo ya toolwa oi na okutwalwa koshikondo eshi. Ngeenge owa kanifa sha, inda koshikondo osho ndele to popi eshi wa kanifa. Ounona ovo va kana notava kongo ovakulunhu vavo ove na okutwalwa koshikondo eshi. Ashike oshikondo eshi kashi fi onhele yokulela ounona. Otamu indilwa mu pashukile ounona veni nokukala mu li navo efimbo alishe.

OVAYAKULI Ovayakuli ova tulwa po opo ve tu kwafele. Longela kumwe navo eshi tava wilike nghee ovanhu ve na okupaakinga, okuya mo nokupita mo monhele yoshoongalele, okukala omutumba nosho yo eshi tava unganeke oinima ikwao.