Eendjovo daKalunga ode tu pa keshe osho twa pumbwa, opo tu lididimikile omashongo oo twa taalela momafiku aa axuuninwa madjuu. (2Tm 3:1, 16, 17) Ashike omafimbo amwe otashi dulika twa pumbwa okukwafelwa, opo tu mone omafinamhango Ombiibeli, oo taa dulu oku tu kwafela monghalo yonhumba kondadalunde. Pashihopaenenwa, mbela ou li omudali to kongo omayele e na sha nanghee to dulu okutekula ovana voye? Mbela ou li omunyasha oo eitavelo laye tali yelekwa? Mbela owa nyika oluhodi omolwefyo lakaume koye kopahombo? Oto ka mona ouyelele ko jw.org, oo tau ke ku kwafela u mone omafinamhango opaMbiibeli okondadalunde, oo tae ke ku kwafela monghalo oyo, ile dimwe vali. — Omayel 2:3-6.

Ko jw.org, inda opo pa shangwa OMAHONGO OMBIIBELI. (Tala efano 1.) Momusholondodo hoolola mo osho u na ohokwe musho. Ile inda opo pa shangwa ONGULUMAMBO > OITUKULWA YA PAMBAFANA, ndele to hoolola osho u na ohokwe musho. (Tala efano 2.) Oitukulwa ya tya ngaho oto dulu oku i hanga ko JW Library^®. * Otashi dulika u ka hafele okutala oitukulwa oyo keenhele odo dopavali. Onghedi imwe vali, oto dulu okukonga oshitukulwa shokondadalunde to longifa okakongifo ko jw.org.

Shanga oipalanyole tai shikula mokakongifo, ndele to didilike oitukulwa oyo wa hala okulesha.

• Okutekula ounona

• Ngeenge ovanyasha va polimana

• Efyo lakaume kopahombo