LONGA NOUDIININI MOILONGA YOKUUDIFA | HAPUPALIFA EHAFO LOYE MOUKALELE
Kwafela ovakonakonimbiibeli ve lipalule pamhepo
Opo tu kwafele ovakonakonimbiibeli va shiive Jehova nova ninge Ovakriste va pyokoka, ova pumbwa okulihonga shihapu shi dulife pwaasho hatu va hongo. (Mat 5:3; Heb 5:12–6:2) Ova pumbwa yo okulihonga nghee ve na okulipalula pamhepo.
Pehovelo, ulikila ovakonakonimbiibeli nghee ve na okulilongekidila ekonakonombiibeli lavo, noku va twa omukumo va kale hava ningi ngaho. (mwb18.03 6) Va ladipika va kale hava ilikana fimbo inava hovela ekonakono lopaumwene. Va kwafela va kala hava longifa oilongifo yokukonakona oyo i li paelektronika. Va yelifila nghee tava dulu okumona oinima ipe oyo i li ko jw.org nosho yo ko-JW Broadcasting®. Mokweendela ko kwefimbo, va honga va kale hava lesha Ombiibeli efiku keshe, okulilongekidila okwoongala nosho yo nghee tava dulu okukonga omanyamukulo omapulo avo. Va kwafela va kale hava dilonga kwaasho tave lihongo.
TALENI OKAVIDIO KWAFELA OVAKONAKONIMBIIBELI VOYE VE LIPALULE PAMHEPO, NDELE TAMU KUNDAFANA OMAPULO TAA SHIKULA:
-
Ongahelipi Neeta a kwafela Jade a mone kutya okukonakona okwa kwatela mo shihapu shihe fi ashike okushiiva omanyamukulo?
-
Oshike sha kwafela Jade a kale a tomhwa kutya Jehova oku li mondjila eshi a dilika oluhaelo?
-
Honga ovakonakoni voye nghee ve na okupalula omadiladilo nomitima davo
Jade okwa li a uda ko shike kombinga yokudilonga?
