Jehova okwa hala omaukwaneumbo a kale a hafa. (Eps 127:3-5; Omuud 9:9; 11:9) Ashike ohatu dulu okukala inatu hafa omolwomaupyakadi oo e li mounyuni nosho yo omapuko oo haa ningwa koilyo yomaukwaneumbo etu. Oshike oshilyo keshe shoukwaneumbo tashi dulu okuninga, opo shi wede ko kehafo?

Omushamane oha ungaunga nefimaneko nomukulukadi waye. (1Pe 3:7) Oha kala efimbo naye. Iha kala a teelela a ninge osho itaa dulu okuninga noha ulike kutya okwa pandula osho omukulukadi waye ha ningile oukwaneumbo nosho yo ye. (Kol 3:15) Ohe mu ulikile ohole, noku mu tanga. — Omayel 31:28, 31.

Omukulukadi oha kongo eenghedi omo ta dulu okuyambidida omushamane. (Omayel 31:12) Oha dulika kuye nokulongela kumwe naye. (Kol 3:18) Oha popi naye nonghenda noku mu popila mouwa. — Omayel 31:26.

Ovadali ohava kala efimbo novana vavo. (Deut 6:6, 7) Ohava lombwele ovana kutya ove va hole. (Mat 3:17) Ohave va pe outekuduliko noku va ulikila ohole. — Ef 6:4.

Ounona ohava fimaneke nokudulika kovadali. (Omayel 23:22) Ohava lombwele ovadali vavo omadiladilo nomaliudo avo. Ohava tambula ko outekuduliko wovadali vavo noku va fimaneka. — Omayel 19:20.

TALENI OKAVIDIO KULIKA EHAFO MOUKWANEUMBO WENI, NDELE TAMU NYAMUKULA EPULO TALI SHIKULA:

Keshe umwe okwa ninga po shike, opo a kulike ehafo moukwaneumbo wavo?