Mbela omalipyakidilo oye opamhepo okwa kwatela mo ngoo okulesha omushangwa wefiku netyekosha lao mokambo Konakona Omishangwa keshe efiku? Ngeenge hasho, mbela ito dulu oku shi ninga oshitukulwa shomalipyakidilo oye? Ovanhu vahapu ove hole okukonakona omushangwa wefiku efimbo longula. Opo nee tava dulu okudilonga kuo momukokomoko wefiku. (Jos 1:8; Eps 119:97) Ongahelipi to dulu okumona ouwa muhapu mokukonakona Omushangwa wefiku? Lesha omushangwa aushe omo mwa kufwa eevelishe dOmushangwa wefiku. Kendabala okudiladila kehokololo lopaMbiibeli olo la divilika efinamhango olo li li mOmushangwa wefiku. Opo nee to tula efinamhango olo moilonga monghalamwenyo yoye. Ngeenge owa efa Eendjovo daKalunga di nwefe mo omatokolo oye, otadi ka wilika onghalamwenyo yoye noku ku etela ouwa. — Eps 119:105.

Omaukwaneumbo aBetel mounyuni aushe ohaa Konakona Omushangwa efiku keshe efimbo longula. Eedula edi, eenghundafana dihapu dOmushangwa wefiku oda tulwa ko-JW Broadcasting^® koshi yoshipalanyole OININGWANIMA. Onaini we lixula okutala imwe ile dihapu domudo? Otashi dulika dimwe domudo da kundafana oinima oyo ye ku kuma pauhandimwe. Pashihopaenenwa, ongahelipi tashi dulika ehokololo laLot la kuma omatokolo oye?

TALENI OKAVIDIO INO KALA U HOLE OUNYUNI (1JO 2:15) NDELE TAMU KUNDAFANA OMAPULO TAA SHIKULA:

• Eenghundafana dOmushangwa wefiku olo oda kanghamena kefinamhango lOmbiibeli lilipi?

• Oshike hatu lihongo mehokololo laLot shi na sha noupyakadi oo hau di mokukala tu hole ounyuni noinima yao? — Gen 13:12; 14:12; 19:3, 12, 13, 24-26

• Ohatu ulike ngahelipi kutya otu hole Jehova, ndele haunyuni ile oinima yao?