Ovaisrael ova li ve na omatomheno a didilikwedi okutanga Jehova. Okwe va mangulula muEgipiti nokwe va xupifa ketangakwaita laFarao (Ex 15:1, 2) Jehova okwa twikila okuningila oshiwana shaye oinima iwa. Ongahelipi hatu dulu okuulika olupandu letu? — Eps 116:12.

Onghedi imwe, omokulonga tu li ovakwafelikokolindjila ile ovakokolindjila vondjikilile. Ohatu dulu okwiilikana Kalunga e tu pe ehalo neenghono dokuninga ovakokolindjila. (Flp 2:13) Vahapu ohava hovele noukwafelikokolindjila. Oto dulu okuhoolola okulonga eevili 30 ile 50 momwedi waMarsa naAprili nosho yo pefimbo letalelepo lomupashukilishikandjo. Ngeenge owa mona kutya owa li wa hafa eshi wa li to longo u li omukwafelikokolindjila, otashi dulika u kale wa hala okuninga omukokolindjila wondjikilile. Nokuli naavo hava longo oilonga yokulikongela omboloto efimbo liyadi ile ovo vehe na oukolele nawa ova dula okuninga ovakokolindjila vondjikilile. (mwb16.07 8) Osha yeleka filufilu eshi hatu ningi eenghendabala opo tu tange Jehova! — 1Omaf 16:25.

TALENI OKAVIDIO OVAMWAINAKADONA VATATU MOMONGOLIA, NDELE TAMU KUNDAFANA OMAPULO TAA SHIKULA:

• Omashongo elipi ovamwainakadona vatatu va finda opo va dule okuninga ovakokolindjila?

• Omanangekonoupuna elipi va hafela?

• Eemhito dokulongela Kalunga dilipi da li de va yeulukila ve li ovakokolindjila?

• Oshihopaenenwa shavo osha kuma ngahelipi vamwe?