Nehemia 10:1-39
10 Ovo ve li pameka mokutula ko oshihakifo shavo kulo, ovo:
Ngoloneya* Nehemia, omonamati waHakalia,naSedekia,
2 Seraja, Asaria, Jeremia,
3 Pashur, Amaria, Malkia,
4 Hattus, Sebania, Malluk,
5 Harim, Meremot, Obadja,
6 Daniel, Ginneton, Baruk,
7 Mesullam, Abia, Miyamin,
8 Maasia, Bilgai naShemaia; ovo ovo ovapristeri.
9 Ovalevi ova li: Jesua, omonamati waAsania, Binnui, omonamati waHenadad, Kadmiel
10 novamwaina, Sebania, Hodia, Kelita, Pelaja, Hanan,
11 Mikka, Rehob, Hashabia,
12 Sakkur, Serebia, Sebania,
13 Hodia, Bani naBeninu.
14 Ovakwatalelikomesho vovanhu ovo: Paros, Pahat-moab, Elami, Sattu, Bani,
15 Bunni, Asgad, Bebai,
16 Adonia, Bigvai, Adin,
17 Ater, Hiskia, Assur,
18 Hodia, Hasum, Besai,
19 Harif, Anatot, Nebai,
20 Mahpias, Mesullam, Hesir,
21 Mesesabel, Sadok, Jaddua,
22 Pelatia, Hanan, Anaia,
23 Hosea, Hanania, Hassub,
24 Hallohes, Pilha, Sobek,
25 Rehum, Hasabna, Maasea,
26 Ahia, Hanan, Anan,
27 Malluk, Harim naBaana.
28 Ovanhu aveshe, ovapristeri, Ovalevi, ovapashukili vopoivelo, ovaimbi, ovapiya votembeli* naaveshe ovo ve liyoolola ko kovanhu vomoiwana, va shikule Omhango yaKalunga kashili, pamwe novakulukadi vavo, ovanamati vavo novanakadona vavo, aveshe ovo ve na eshiivo neudeko,*
29 ova waimina ovamwaina, ovalumenhu ovo va fimanekwa, va udaneka okushikula Omhango yaKalunga kashili, nova pula Kalunga e va handukile, ngeenge ova kala inava dulika. Ova dimina okushikula Omhango, oyo ya yandjwa okupitila muMoses, omupiya waKalunga kashili, nokudiinina filufilu oipango aishe yaJehova, Omwene wetu, omatokolo aye nomaufomhango aye.
30 Itatu ka yandja ovanakadona vetu kovanhu vomedu olo, noitatu ka tambula ovanakadona vavo va ninge vovanamati vetu.
31 Ngeenge ovanhu vomedu olo ova eta oinima yavo nomaludi aeshe oilya, va landife mefiku lEshabata, itatu ka landa sha kuvo mefiku lEshabata, ile mefiku liyapuki. Momudo omutiheyali, ohatu ka efa edu li tulumukwe noitatu ka pula eendjo.
32 Natango otwe lipa oshinakuwanifwa, opo keshe umwe womufye a yandje oshititatu shosekeli* omudo keshe omolwoilonga yotembeli* yaKalunga ketu,
33 tu ninge oinima tai landula: omungome wokutalika, eendjayambo, odo hadi yandjwa pandjikilile, omaxwikiloyambo, oo haa yandjwa pandjikilile mOmashabata nopeemwedi dipe omolwoivilo noinima iyapuki, omatimbayambo, opo ku kosholwe Ovaisrael, nomolwoilonga aishe yomotembeli yaKalunga ketu.
34 Natango, otwa umba oshihoololifo shi na sha nokuyandja oikuni, oyo ovapristeri, Ovalevi, novanhu ve na okweeta kotembeli yaKalunga ketu, pamapata etu, pefimbo la wapala, omudo nomudo, i temifwe koaltari yaJehova, Kalunga ketu, she likolelela kwaasho sha shangwa mOmhango.
35 Ohatu ka eta yo motembeli yaJehova oiimati, oyo ya pya tete, yomedu letu, noiimati oyo ya pya tete, yomaludi aeshe yomiti doiimati, omudo nomudo,
36 nosho yo oiveli yovanamati vetu, noimuna oyo ya dalwa tete koimuna yetu, she likolelela kwaasho sha shangwa mOmhango, naayo ya dalwa tete keengobe detu, keedi nokoikombo yetu. Ohatu ke i twala motembeli yaKalunga ketu kovapristeri, ovo tava yakula motembeli yaKalunga ketu.
37 Oufila wetu, oo inau nakwa nawa, woilya, oyo ya pya tete, omayambidido etu, oiimati yomaludi aeshe yomiti, omaviinyu mape, omaadi, otu na oku a twala kovapristeri keemhungulilo* domotembeli yaKalunga ketu, pamwe noshitimulongo sha dja medu letu, tashi i kOvalevi, molwaashi Ovalevi ovo hava pula oshitimulongo moilando yetu aishe omo hamu longwa ounamapya.
38 Omupristeri, omonamati waAron, oku na okukala pamwe nOvalevi, eshi Ovalevi tava pula oshitimulongo; Ovalevi ove na okuyamba po oshitimulongo shomoitimulongo shi ye motembeli yaKalunga ketu, meenduda* domeemhungulilo.
39 Ovaisrael novanamati vOvalevi ove na okutwala keemhungulilo* omayambidido oilya, omaviinyu mape, omaadi noilongifo yomonhele iyapuki, omo hai kala, nosho yo ovapristeri ovo tava yakula, ovapashukili vopoivelo novaimbi. Itatu ka efa po otembeli yaKalunga ketu.
Eshangelo lopedu
^ Ile “Tirshata,” edinafimaneko lOshipersia olo la li hali ifanwa ngoloneya woshitukulwalongo.
^ Ile “Ovanefinim.” Eln., “ovo va yandjwa.”
^ Ile tashi dulika, “ va wana okuuda ko.”
^ Osekeli imwe oi fike peegrama 11,4. Tala Oshiwedelwako B14.
^ Ile “yeumbo.”
^ Ile “keenhele dokulila.”
^ Ile “meenhele dokulila.”
^ Ile “keenhele dokulila.”
