Jesaja 3:1-26
3 Osheshi tala, Omwene washili, Jehova womatangakwaita,Ota ka xulifa po ekwafo neyambidido keshe muJerusalem nomuJuda,Omakwafo aeshe omungome noomeva,
2 Omulumenhu omunaenghono nomukwaita omuladi,Omutokoli nomuprofeti, omupopi neemhepo nomunamido,
3 Elenga tali pashukile omi-50, omufimanekwa nomuyandjimayele,Kapyoko moumhulile nomudeuli omunawino moulodi.
4 Ovamati ohandi ke va ninga omalenga avo,Naava vehe na ondjele* otave ke va pangela.
5 Ovanhu otava ka fininikafana,Keshe umwe omunhu mukwao.
Okamati otaka ka denga omulumenhu omunamido,Nomunhu oo ina fimana ota ka dina omufimanekwa.
6 Keshe umwe ota ka kwata omumwainamati womeumbo laxe, ndele ta ti:
“Ou na ondjafa, ninga omuwiliki wetu.
Pashukila onduba yoikulukuma ei ya hanaunwa po.”
7 Ashike ota ka anya mefiku olo ta ti:
“Itandi ningi omumangululi woipute yeni;*Kandi na oikulya, ile oikutu meumbo lange.
Inamu ninga nge omuwiliki wovanhu.”
8 Osheshi Jerusalem osha hanaunwa po,Na Juda osha teka po,Molwaashi ova ulika meendjovo nomoilonga kutya ove li omhinge naJehova;Ova tukula oshibofa moipafi yoshinge shaye.*
9 Omalinyengo avo okoshipala otae shi ulike,Nohava hepaulula oulunde wavo, ngaashi Sodom;Ihava kendabala oku u holeka.
Woo vo,* molwaashi otave lietele oupyakadi vo vene!
10 Lombwela ovayuki kutya otashi ke va endela nawa;Otava ka pewa ondjabi omolwoilonga yavo.*
11 Woo omukolokoshi!
Ota ka hangwa koshiponga,Osheshi osho a longa nomake aye osho ta ka ningilwa yo!
12 Shi na sha novanhu vange, ovayandji vavo voilonga ovakwanyanya,Notava pangelwa kovakainhu.
Ovanhu vange, ovawiliki veni otave mu elaelifa,Notava pukifa eendjila deni.
13 Jehova ota katuka onghatu a tokole;Ota fikama, a handukile ovanhu.
14 Jehova ota ka tokola ovakulunhu nomalenga oshiwana shaye.
“Omwa xwika po oikunino yomandjebele,Naashi mwa vaka kohepele oshi li momaumbo eni.
15 Omolwashike mwa nyanyaulila ovanhu vange, nokudedaula medu oipala yeehepele?”Omwene Omunamapangelo aeshe, Jehova womatangakwaita, osho ta ti.
16 Jehova ota ti: “Molwaashi oukadona vomuSion ove na ounhwa,Tava ende va yelula omitwe davo pombada,*Tava ilaula omesho avo, tava ende tava ndingula,Tava kwelengedjifa oivela yopeemhando davo,
17 Jehova ota ka denga yo omitwe dovanakadona vaSion di ninge eembole,Na Jehova ote ke va ninga eengwala meembaba doipala.
18 Mefiku olo, Jehova ota ka kufa po ewapalo loivela yavo yopoikesho,Oukaiwa nosho yo oivela i li molupe lomwedi,
19 Outenda vomomatwi, oivela yoposhikesho nomaluviluvi,
20 Omambale, oivela yopeemhando nosho yo omapaya oponhulo* okufeweka,Oukende vomaadi edimba liwa* nosho yo oiketi,*
21 Eelinga dokominwe neelinga domomayulu,
22 Oikutu yoivilo, oikutu yokombada, eendjafa noundjato vopeke,
23 Omasipili opeke noikutu yoliina,*Omambale nosho yo omaluviluvi.
24 Ponhele yomaadi o-balsam, otapa ka kala edimba tali nyika nai;Ponhele yomwiya, ongodi;Ponhele yomapando mawa, ongwala;Ponhele yoshikutu shondilo, oshikutu shoshako;Noshihako, ponhele yewapalo.
25 Ovalumenhu voye otava ka fya keongamukonda,Novalumenhu ovanaenghono otava ka fila molwoodi.
26 Oivelo yasho otai ka lila nokunyika oluhodi,Notashi ka kala omutumba pedu sha mbuwapala.”
Eshangelo lopedu
^ Ile “Novatengauki.”
^ Ile “omuveluli weni.”
^ Eln., “momesho oshinge shaye.”
^ Ile “eemwenyo davo.”
^ Eln., “Otava ka lya oiimati yoilonga yavo.”
^ Eln., “va nana mo eefingo (ominino).”
^ Ile “eemwiya.”
^ Eln., “Omaumbo omwenyo.”
^ Ile “oinima yokufeweka ya longwa moipeta yeengholokofya.”
^ Ile “noidjalomwa yokoshi.”
