Jesaja 24:1-23
24 Taleni! Jehova ota kombo mo moshilongo,* noku shi ninga ombuwa.
Ote shi pwipwike po,* nokuhalakanifa ovakalimo vasho.
2 Otashi ka ningilwa keshe umwe:
Ovanhu nosho yo omupristeri,Omupiya nosho yo omwene waye omulumenhu,Omupiya nosho yo omwene waye omukainhu,Omulandi nosho yo omulandifi,Omuyandji nosho yo omweeheli,Omuyandji weengunga nosho yo omuli weengunga.
3 Oshilongo otashi ka kombwa shekesheke;Otashi ka kwatwa ko filufilu,Osheshi Jehova okwa popya ondjovo oyo.
4 Oshilongo osha nyika oluhodi;* otashi halakana po.
Edu liwa otali kashangala; otali kana po.
Ovanenenhu vomoshilongo ova lemba.
5 Edu ola nyonaunwa kovakalimo valo,Osheshi ova tauluka eemhango,Ova lundulula eufomhango,Nova teya ehangano tali kalelele.*
6 Nomolwaasho efingo otali xwake po oshilongo,Naavo ve li mo ova monika ondjo.
Nomolwaasho ovakalimo vomoshilongo va ninipala,Nomwa fyaala ashike ovanhu vanini.
7 Omaviinyu mape okwa nyika oluhodi,* omindjebele oda lemba,Naaveshe ovo va hafa komitima otava tu omadima.
8 Ehafo loungoma ola kana po;Neweelelo laavo hava kala musho va hafa ola xula po;Ewi lehafo lokaxumbafeta ola xula po.
9 Otava nu omaviinyu nopehe na eimbilo,Noikolwifa oilula kwaavo tave i nu.
10 Odoolopa oyo ya fiwa po oya teywa po;Eumbo keshe ola idilwa, opo muha ye nande oumwe.
11 Otava kwenene omaviinyu momapandavanda.
Enyaku alishe ola kana po;Ehafo lomoshilongo kali po vali.
12 Oshilando osha fiwa mehalakano;Oshivelo osha hanaunwa po fiyo sha ninga onduba yoitekaukile, oyo ya pya.
13 Osheshi eshi osho tashi ka kala moshilongo mokati kovanhu:
Ngaashi olumono la nyemwa,Ngaashi epupudululo, eshi okulikola omandjebele kwa xula.
14 Otava ka yelula eendaka davo,Otava ka ingida pombada nehafo.
Okudja kefuta* otava ka shiivifa ounene waJehova.
15 Nomolwaasho tava ka fimanekifa Jehova moshitukulwa shouyelele;*Nokounhunhu vefuta, otava ka fimanekifa edina laJehova, Kalunga kaIsrael.
16 Okudja kominghulo dedu otu udite omaimbilo taa ti:
“Efimano* nali pewe Omuyuki!”
Ndele onda ti: “Ohandi xulu po, ohandi xulu po!
Woo ame! Omukengeleledi okwa kengelela;Omukengeleledi okwa kengelela noukengeleledi.”
17 Ehaluko nomalambo neemwiyo oye mu teelela, ovakalimo vomoshilongo.
18 Keshe oo ta i onhapo kelinyengo tali halukifa ota ka wila melambo,Nakeshe oo ta ka dja melambo ota ka yulwa komwiyo.
Osheshi omivelo domeva okeulu otadi ka yeululwa,Nomakanghameno edu otaa ka kakama.
19 Edu ola tenda omifya;Edu ola kakama;Edu ola tengauka neenghono.
20 Edu otali funga ngaashi ongholwe,Notali ndjungwaandjungwa ngaashi onduda tai pepwa komhepo.
Omatauluko alo okwe li wilila po neenghono,Notali ka teka po, opo liha kale po vali.
21 Mefiku olo, Jehova ota ka yandja elitulemo ketangakwaita olo li li pombada,Nokeehamba dokombada yedu odo di li kombada yedu.
22 Notadi ka ongelwa pamwe,Ngaashi ovanadolongo va ongelwa melambo,Notadi ka idililwa modolongo;Konima yomafiku mahapu otadi ka pewa elitulemo.
23 Omwedi u yadi otau ka lengaifwa,Netango tali minikile otali ka fifwa ohoni,Osheshi Jehova womatangakwaita okwa ninga Ohamba kOmhunda Sion nomuJerusalem,Efimano komesho yovakulunhu voshiwana shaye.*
Eshangelo lopedu
^ Ile “medu.”
^ Ile “Ota taalelifa oshipala shasho pedu.”
^ Ile tashi dulika, “kukuta.”
^ Ile “lonale.”
^ Ile tashi dulika, “kukuta.”
^ Ile “kouninginino.”
^ Ile “shokoushilo.”
^ Ile “Ewapalo.”
^ Eln., “moipafi yovakulunhu vaye.”
