Genesis 5:1-32
5 Ei ondjokonona i na sha naAdam. Mefiku olo Kalunga a shita Adam, okwe mu shita oshifeka shaye.
2 Okwa shita omulumenhu nomukainhu. Mefiku olo e va shita, okwe va nangeka noupuna nokwe va luka ovanhu.*
3 Eshi Adam a li e na eedula 130, okwa dala okaana okamati oshifeka shaye, ndele te ka luku Set.
4 Konima eshi Adam a dala Set, okwa kala nomwenyo eedula 800. Ndele ye okwa li e na ovana ovamati noukadona.
5 Eedula adishe kumwe, odo Adam a kala nomwenyo, oda li 930, ndele ta fi.
6 Eshi Set a li e na eedula 105, okwa dala Enos.
7 Konima eshi Set a dala Enos, okwa kala nomwenyo eedula 807. Ndele ye okwa li e na ovana ovamati noukadona.
8 Eedula adishe kumwe odo Set a kala nomwenyo oda li 912, ndele ta fi.
9 Eshi Enos a li e na eedula 90, okwa dala Kenan.
10 Konima eshi Enos a dala Kenan, okwa kala nomwenyo eedula 815. Ndele ye okwa li e na ovana ovamati noukadona.
11 Eedula adishe kumwe odo Enos a kala nomwenyo oda li 905, ndele ta fi.
12 Eshi Kenan a li e na eedula 70, okwa dala Mahalalel.
13 Konima eshi Kenan a dala Mahalalel, okwa kala nomwenyo eedula 840. Ndele ye okwa li e na ovana ovamati noukadona.
14 Eedula adishe kumwe odo Kenan a kala nomwenyo oda li 910, ndele ta fi.
15 Eshi Mahalalel a li e na eedula 65, okwa dala Jared.
16 Konima eshi Mahalalel a dala Jared, okwa kala nomwenyo eedula 830. Ndele ye okwa li e na ovana ovamati noukadona.
17 Eedula adishe kumwe odo Mahalalel a kala nomwenyo oda li 895, ndele ta fi.
18 Eshi Jared a li e na eedula 162, okwa dala Henok.
19 Konima eshi Jared a dala Henok, okwa kala nomwenyo eedula 800. Ndele ye okwa li e na ovana ovamati noukadona.
20 Eedula adishe kumwe odo Jared a kala nomwenyo oda li 962, ndele ta fi.
21 Eshi Henok a li e na eedula 65, okwa dala Metusala.
22 Konima eshi Henok a dala Metusala, okwa twikila okulongela Kalunga* kashili eedula 300. Ndele ye okwa li e na ovana ovamati noukadona.
23 Henok okwa kala nomwenyo eedula 365.
24 Henok okwa kala ta longele Kalunga* kashili. Opo nee Kalunga okwe mu kufa po, noina monika vali.
25 Eshi Metusala a li e na eedula 187, okwa dala Lamek.
26 Konima eshi Metusala a dala Lamek, okwa kala nomwenyo eedula 782. Ndele ye okwa li e na ovana ovamati noukadona.
27 Eedula adishe kumwe odo Metusala a kala nomwenyo oda li 969, ndele ta fi.
28 Eshi Lamek a li e na eedula 182, okwa dala okaana okamati.
29 Okwe ka luka Noa,* ndele ta ti: “Ou ote ke tu hekeleka* koilonga idjuu nokoilonga youdiinini yomake etu, osheshi edu ola fingwa kuJehova.”
30 Konima eshi Lamek a dala Noa, okwa kala nomwenyo eedula 595. Ndele ye okwa li e na ovana ovamati noukadona.
31 Eedula adishe kumwe odo Lamek a kala nomwenyo oda li 777, ndele ta fi.
32 Eshi Noa a li e na eedula 500, okwa dala Sem, Ham naJafet.
Eshangelo lopedu
^ Ile “Adam; Omunhu.”
^ Ile “okweenda pamwe naKalunga.”
^ Ile “ende pamwe naKalunga.”
^ Tashi dulika tali ti “Etulumuko; Ehekeleko.”
^ Ile “tulumukifa.”
