Kalunga oku na omadina angapi?
Enyamukulo lopaMbiibeli
Kalunga oku na ashike edina limwe. Ohali shangwa ngaha יהוה mOshiheberi, naluhapu ohali tolokwa Jehova mOshiingilisha. a Kalunga okwa popya okupitila momuprofeti waye Jesaja a ti: “Aame [Jehova, NW], olo edina lange.” (Jesaja 42:8) Edina olo ola holoka lwoikando 7 000 lwaapo momashangelo Ombiibeli onale, shi dulife omadinafimaneko amwe aKalunga, ile edina lopaumwene laumwe. b
Mbela Jehova oku na omadina amwe vali?
Nonande Ombiibeli ohai popi Kalunga tai longifa edina laye limwe, oya longifa omadinafimaneko nomautumbulilo mahapu taa ulike kuye. Apa otapa landula omadinafimaneko nomautumbulilo amwe taa ulike nghee keshe limwe tali holola omaukwatya aJehova.
Edinafimaneko |
Odjo |
Eityo |
|---|---|---|
Allah |
(Kape na sha) |
Oshitya Allah, sha dja kOshiarabia, kashi fi edina lopaumwene ndele edinafimaneko tali ti Kalunga. Omatoloko Eembibeli Oshiarabia nosho yo omalaka amwe okwa longifa Allah taa ulike kuKalunga. |
Omunaenghono adishe |
Oku na eenghono da shiya ko. Outumbulilo ʼEl Shad·daiʹ, oo tau ti “Kalunga Omunaenghono adishe” owa holoka mOmbiibeli lwoikando iheyali. |
|
Alfa naOmega |
“Ou wotete nowaxuuninwa,” ile “ehovelo nexulilo” otashi ulike kutya kakwa li Kalunga Omunaenghono adishe komesho yaJehova noita ka landulwa kuumwe. (Jesaja 43:10) Alfa naOmega oitya yotete noyaxuuninwa yoalfabeta yOshigreka. |
|
Omuxungu |
Daniel 7:9, 13, 22 |
Ke na ehovelo; okwa kala ko nalenale fimbo oinima aishe inai shitwa. — Epsalme 90:2. |
Omushiti |
Jesaja 40:28 |
Oye a shita oinima aishe. |
Tate |
Omuyandji womwenyo |
|
Kalunga |
Omunhu e na okulongelwa, omunaenghono. Oshitya shOshiheberi ʼElo·himʹ pauhapu otashi ulike kutya Jehova omunenenene nokwa tumbala. |
|
Kalunga kookalunga |
Kalunga omunenenene okuyelekanifa ‘noikalunga’ oyo hai longelwa kovanhu vamwe. — Jesaja 2:8. |
|
Omuhongi Munenenene |
Jesaja 30:20, 21, NW |
Oha yandje ehongo newiliko tali eta ouwa. — Jesaja 48:17, 18. |
Omushiti Munenenene |
Oye a shita oinima aishe. — Ehololo 4:11. |
|
Kalunga omuhafi |
1 Timoteus 1:11, NW |
Oha kala a hafa. — Epsalme 104:31. |
Omuudi womailikano |
Oha pwilikine kukeshe oo te mu ilikana e na eitavelo. |
|
Aame tuu Ame |
Oha ningi keshe osho sha pumbiwa opo a wanife po elalakano laye. Outumbulilo oo owa tolokwa yo “Ohandi ka kala keshe osho nda hala okukala” ile “Ohandi ka kala keshe osho nda hoolola okukala.” (The Emphasised Bible, by J. B. Rotherham; New World Translation) Outumbulilo oo otau tu kwafele tu yelife edina laJehova lopaumwene, ngaashi wa longifwa movelishe ya landula ko. — Exodus 3:15. |
|
Omunandubo |
Okwa hala okulongelwa oye aeke. Outumbulilo oo owa tolokwa yo taku ti “ihe lididimikile efiyafano” nosho yo “okwa shiivikila kutya okwa hala okulongelwa oye aeke filufilu.” — God’s Word Bible; New World Translation. |
|
Ohamba yaalushe |
Ehololo 15:3, NW |
Epangelo laye kali na ehovelo ile exulilo. |
Omwene |
Mwene ile omwene; mOshiheberi ʼA·dhohnʹ nosho yo ʼAdho·nimʹ. |
|
Omwene womatanga ovakwaita |
Jesaja 1:9 |
Omuwiliki wovaengeli ovanaenghono. |
Omukombadambada |
Epsalme 47:2; Daniel 7:18, 27 |
Oku na ondodo ya shiya ko; eenghonopangelo dinenenene. |
Omuyapukielela |
Omuyapuki (okwa koshoka paenghedi) e dule oshishitwa keshe. |
|
Omumi |
Jesaja 64:8 |
Oku na eenghonopangelo kombada yovanhu pauhandimwe noyoiwana, ngaashi ashike omuhongi woiyuma e na eenghonopangelo kelova. — Ovaroma 9:20, 21. |
Omukulili |
Jesaja 41:14 |
Okwa mangulula ile okwa landa ovanhu moulunde nefyo okupitila mekuliloyambo laJesus Kristus. — Johannes 3:16. |
Emanya |
Oye eameno li shii okulineekelwa noye odjo yexupifo. |
|
Omukwafi ile Omuxupifi |
Jesaja 45:21 |
Oha xupifa ovanhu moiponga nomehanauno. |
Omufita |
Oha file oshisho ovalongeli vaye. |
|
Omwene omunamapangelo aeshe |
Oku na eenghonopangelo dinenenene; mOshiheberi ʼAdho·naiʹ. |
Okutula omadina mOmishangwa dOshiheberi
Vamwe ova tula omadina mOmbiibeli, mwa kwatelwa edina laKalunga, ndele oo kae fi omadina amwe aKalunga.
Opo pe na edina |
Odjo |
Eityo |
|---|---|---|
Jehova-jire |
“Jehova te limonene!” |
|
Jehova-nissi |
Exodus 17:15, NW |
“Jehova, Ye epandela lange!” Osho osha hala okutya oshiwana shaJehova Kalunga otashi dulu okukonga ekwafo neameno kuye. — Exodus 17:13-16. |
Jehova-salomo |
“Jehova Oye ombili!” |
|
Jehova-shamma |
Hesekiel 48:35, NW |
“Jehova omo e li.” |
Omolwashike twa pumbwa okushiiva nokulongifa edina laKalunga?
Kalunga oku wete kutya edina laye Jehova ola fimana molwaashi okwe li kwatela mOmbiibeli lwoikando omayovi. — Malakia 1:11.
Omona waKalunga, Jesus, okwa divilika lwoikando efimano ledina laKalunga. Pashihopaenenwa, okwa ilikana kuJehova a ti: “Edina loye nali yapulwe.” — Mateus 6:9; Johannes 17:6.
Ovo va shiiva nohava longifa edina laKalunga ohava katuka eenghatu va pameke ekwatafano lavo naJehova. (Epsalme 9:10; Malakia 3:16) Ekwatafano la tya ngaho ohali va kwafele va mone ouwa meudaneko laKalunga olo tali ti: “Oye eshi a dama kwaame, onda hala ndi mu xupife, nda hala ndi mu amene, osheshi ota shiiva edina lange.” — Epsalme 91:14.
Ombiibeli oya ti: ‘Oku na ei haku tiwa oikalunga, ngee omeulu ile opedu, ngaashi ku noikalunga noovene vahapu.’ (1 Ovakorinto 8:5, 6) Ashike oya popya Kalunga umwe aeke kashili kedina, Jehova. — Epsalme 83:18.
a Ovahongwanhu vamwe Ovaheberi ove hole okushanga edina laKalunga ngaha Yahweh.
b Jah, exupipiko ledina laKalunga, ola holoka mOmbiibeli lwoikando 50 lwaapo, mwa kwatelwa oshitya Halleluya osho hashi longifwa okuulika kulo, osho tashi ti “Tangeni Jah.” — Ehololo 19:1, NW.
Otashi dulika yo u hafele oikundafanwa ei
OMAPULO OPAMBIIBELI A NYAMUKULWA
Jehova oye lyelye?
Mbela oku li ashike Kalunga kovanhu vonhumba, ngaashi Ovaisrael?
OMAHONGO OMBIIBELI A FIMANA
Mbela Kalunga oku na ngoo edina?
Kalunga oku na omadinafimaneko mahapu, ngaashi Omunaenghono adishe, Omushiti nosho yo Omwene. Ashike edina laKalunga ola holoka mOmbiibeli lwoikando i dulife po 7 000.
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.