Bibilia yonanagia atĩ Hari-Magedoni ti mbaara ya gĩcigo kĩmwe tu gĩa thĩ, no nĩ mbaara ya thĩ yothe ĩrĩa ĩkaarũo gatagatĩ-inĩ ga thirikari ciothe cia thĩ na Ngai.

•   “Ciugo itongoretio nĩ ndaimono . . . ithiaga kũrĩ athamaki a thĩ yothe ĩrĩa ĩikaragwo nĩguo imacokanĩrĩrie nĩ ũndũ wa mbaara ya mũthenya ũrĩa mũnene wa Ngai Mwene-Hinya-Wothe. . . . [Ikamacokanĩrĩria] hamwe handũ harĩa hetagwo na Kĩhibirania Hari-Magedoni.”—Kũguũrĩrio 16:14, 16.

 Kiugo “Hari-Magedoni” kiumanĩte na kiugo gĩa Kĩhibirania Har Meghid·dohnʹ, kĩrĩa kiugĩte “Kĩrĩma kĩa Megido.” Megido rĩarĩ itũũra thĩinĩ wa Isiraeli ya tene. Nĩkĩo andũ amwe monaga ta mbaara ya Hari-Magedoni ĩkaarũĩrũo thĩinĩ wa Israel. O na kũrĩ ũguo, “athamaki a thĩ yothe ĩrĩa ĩikaragwo” na mbũtũ ciao matingĩiganĩra itũũra-inĩ rĩa Megido o na kana gĩcigo-inĩ kĩngĩ o gĩothe thĩinĩ wa Asia ya Gatagatĩ.

 Ibuku rĩa Kũguũrĩrio rĩaandĩkirũo “na njĩra ya imenyithia,” kana rũthiomi rwa ngerekano. (Kũguũrĩrio 1:1) Kwoguo Hari-Magedoni ti kũndũ kwa biũ, no kiugo kĩu kĩonanagia ũrĩa mabũrũri ma thĩ yothe makaanyitanĩra igeria-inĩ rĩamo rĩa mũthia rĩa kũrũa na wathani wa Ngai.—Kũguũrĩrio 19:11-16, 19-21.