1. Twĩ na itũmi nyingĩ mũno

cia gũtũma tũkenage.

Andũ kuuma ndũrĩrĩ ciothe

maranyitanĩra naithuĩ.

Gĩkeno gitũ kiumanaga

na Kiugo kĩa Ngai witũ.

Tũgĩthomaga o mũthenya,

wĩtĩkio witũ ’karũma.

Tũtingĩenda kwaga gĩkeno,

tũgũtũũra tũkenete.

O na twakorũo nĩ magerio,

Jehova nĩegũtũteithia.

 2. Tũkenagĩra wĩra wake

igũrũ, iria na thĩ.

Twarora ũũmbi wake wothe,

tũiguaga kũmũgooca.

Tũhunjagia tũrĩ na kĩyo

ũhoro wa Ũthamaki

o na wa irathimo ciaguo,

tũhunjagia tũkenete.

Gĩkeno gĩa tene na tene

kĩrĩ hakuhĩ gũkinya,

thĩ njerũ na igũrũ rĩerũ

nĩ ikaarehe gĩkeno.