Kwa ngerekano, Sally, * kuuma Amerika (US), ũrĩa worirũo nĩ indo ciake nyingĩ thutha wa kĩhuhũkanio ooigire ũũ: “Ndaiguire ta itangĩhota gũthiĩ na mbere gũkirĩrĩria. Ihinda rĩa thikũ nyingĩ ndaiguaga ta ũtũũro wakwa ũkinyĩte mũico.”

Ĩ rĩrĩa mũndũ akuĩrũo nĩ mũndũ endete? Janice ũrĩa ũikaraga Australia ooigire: “Rĩrĩa ariũ akwa erĩ maakuire, ndonire ta ũtũũro wakwa wahaana ta nyũngũ ĩkuĩte tũcere tũcere. Ngĩthaitha Ngai ngĩmwĩra: ‘Ndingĩhota gũthiĩ na mbere gũkirĩrĩria makĩria ma ũguo! Reke ngue. Ndikwenda gũthiĩ na mbere gũtũũra.’”

Nake Daniel, nĩ aakuire ngoro na akĩrakara mũno rĩrĩa aamenyire atĩ mũtumia wake nĩ aathiĩte nja wa kĩhiko. Ooigire ũũ: “Ndaiguire ta ndathecwo ngoro na kahiũ rĩrĩa mũtumia wakwa ooimbũrire atĩ nĩ ooimĩte nja wa kĩhiko. Ndaiguaga ngĩthecwo nĩ ruo rũu maita maingĩ kwa ihinda rĩa mĩeri ĩigana ũna.”

Ngathĩti ĩno ya Mũrangĩri nĩ ĩgũtũteithia kuona kĩrĩa kĩngĩtũma mũndũ ende gũthiĩ na mbere gũtũũra o na rĩrĩa

• Kuoimĩra ũndũ mũritũ

• Akuĩrũo nĩ mũndũ endete

• Ũrĩa mahikanĩtie nake oima nja wa kĩhiko

• Arahiũrania na mũrimũ mũnene

• Araigua ta ũtũũro ũkinyĩte mũico

Wa mbere-rĩ, tũngĩhota atĩa gũkirĩrĩria rĩrĩa kuoimĩra ũndũ mũritũ?