“Rĩrĩa ndaigua thuthĩkĩte ngoro, Jehova nĩ anyũmagĩrĩria kũgerera nyĩmbo iria irĩ thĩinĩ wa JW Broadcasting^®.”—Lorraine, Amerika (US).

“Nyĩmbo cia kĩĩroho” itũire irĩ gĩcunjĩ kĩa ũthathaiya wa Gĩkristiano. (Kol. 3:16) Ũngĩĩruta nyĩmbo icio ũndũ ũrĩririkanaga ciugo ciacio, ũndũ ũcio no ũgũteithie o na rĩrĩa ũtarĩ na ibuku rĩa nyĩmbo kana indo ta thimũ. Gwĩka maũndũ maya marũmĩrĩire no gũgũteithie kũririkanaga ciugo cia nyĩmbo.

• Thoma na kinyi ciugo cia rwĩmbo nĩguo ũtaũkĩrũo nĩ ũrĩa rũrauga. Ũngĩtaũkĩrũo nĩ ũndũ wega, nĩ raithi kũũririkana. No wone ciugo cia nyĩmbo citũ, nginya nyĩmbo cia JW Broadcasting na cia ciana, thĩinĩ wa jw.org/ki. Rungu rwa gĩcunjĩ kĩa Library, thiĩ harĩ Nyĩmbo.

• Andĩka ciugo cia rwĩmbo rũu karatathi-inĩ. Ũndũ ũcio no ũtũme ciugo icio itigwo meciria-inĩ maku.—Gũcok. 17:18.

• Wĩmenyerie. Thoma kana ũine rwĩmbo rũu maita maingĩ wanĩrĩire.

• Rora kana nĩ ũkũririkana. Geria kũririkana ciugo cia rwĩmbo rũu ũtekũrora harĩa wandĩkĩte, ũcoke ũrore kana nĩ wamenya.