Saulu nĩwe waatuĩkire mũthamaki wa mbere wa Isiraeli. No Jehova nĩaamũregire, na handũ hake Daudi agĩthurũo atuĩke mũthamaki. Nĩ tũkuona maũndũ maingĩ makoniĩ Daudi. E kamwana-rĩ, nĩ maarũire na Goliathu. Thutha agĩĩthara kuuma kwĩ Saulu Mũthamaki ũrĩa waarĩ na ũiru. Ningĩ Abigaili ũrĩa waarĩ mũthaka mũno akĩmũgirĩrĩria eeke ũndũ wa ũrimũ.

Ningĩ, nĩ tũkwĩruta maũndũ maingĩ megiĩ Suleimani mũrũ wa Daudi, ũrĩa watuĩkire mũthamaki wa Isiraeli handũ ha Daudi. Athamaki atatũ a mbere a Isiraeli o ũmwe ũmwe aathamakire mĩaka 40. Thutha wa Suleimani gũkua-rĩ, Isiraeli yaagayũkanire mothamaki merĩ, ũthamaki wa gathigathini na gũthini.

Ũthamaki wa mĩhĩrĩga 10 ĩrĩa yaarĩ mwena wa gathigathini waikarire ihinda rĩa mĩaka 257 ũtananinwo nĩ Ashuri. Mĩaka 133 thutha ũcio-rĩ, ũthamaki wa mĩhĩrĩga ĩrĩ ĩrĩa yaarĩ gũthini o naguo ũkĩninwo. Ihinda rĩrĩ Aisiraeli magĩtwarũo ũkombo-inĩ Babuloni. Kwoguo Gĩcunjĩ gĩa KANA kĩrĩ na rũgano rwa mĩaka 510, ihinda-inĩ rĩrĩ nĩrĩo maũndũ maingĩ ma magegania mahĩtũkĩire maitho-inĩ maitũ.