Maũndũ Marĩa Marĩ Thĩinĩ wa Gĩcigo gĩa 9
Gĩcigo gĩkĩ kĩratũruta igũrũ rĩgiĩ andũ ethĩ, anabii, na athamaki arĩa moonanirie wĩtĩkio mũrũmu harĩ Jehova. Kairĩtu kamwe ka Isiraeli gaaikaraga bũrũri-inĩ wa Siria, kaarĩ na wĩtĩkio atĩ mũnabii wa Jehova nĩ angĩahonirie Naamani. Mũnabii Elisha aarĩ na ma biũ atĩ Jehova nĩ angĩamũgitĩrire kuumana na mbũtũ ya thigari cia thũ ciake. Mũthĩnjĩri-Ngai-Mũnene Jehoiada nĩ aaingĩririe muoyo wake ũgwati-inĩ akĩgitĩra Jehoashu nĩguo ndakooragwo nĩ cũcũ wao Athalia. Mũthamaki Hezekia aarĩ na ma atĩ Jehova nĩ angĩahonokirie Jerusalemu, na kwoguo akĩrega kwĩneana kũrĩ Aashuri. Mũthamaki Josia nĩ aaniinire ũhoi wa mĩhianano, agĩcokereria hekarũ, na agĩtongoria rũrĩrĩ ruothe gũcokerera ũthathaiya wa ma.
GĨCHUNJĨ-INĨ GĨKĨ
GĨCUNJĨ KĨA 51
Mũnene wa Thigari na Kairĩtu Kanini
Kairĩtu kanini gakĩra mũnene wako ũhoro wa hinya wa Jehova, na ũndũ ũcio ũgatũma kĩama kĩringwo.
GĨCUNJĨ KĨA 52
Mbarathi na Ngaari cia Mwaki cia Jehova
Ũrĩa ndungata ya Elisha yakinyĩrĩire kuuga atĩ ‘arĩa marĩ mwena witũ nĩ aingĩ gũkĩra arĩa marĩ mwena wao.’
GĨCUNJĨ KĨA 53
Ũcamba wa Jehoiada
Mũthĩnjĩri-Ngai mwĩhokeku kũregana na mũtumia mwaganu wa mũthamaki
GĨCUNJĨ KĨA 54
Jehova nĩ Aakirĩrĩirie Jona
Gwathiire atĩa mũnabii ũmwe wa Ngai akĩmerio nĩ thamaki nene? Aahotire atĩa kuuma nda ya thamaki ĩyo? Na Jehova aamũrutire ũndũ ũrĩkũ?
GĨCUNJĨ KĨA 55
Hezekia Kũgitĩrũo nĩ Mũraika
Thũ cia Juda ciaugĩte atĩ Jehova ndekũgitĩra andũ ake no nĩ ciahĩtĩtie!
GĨCUNJĨ KĨA 56
Josia nĩ Eendete Watho wa Ngai
Josia aatuĩkire Mũthamaki wa Juda arĩ na mĩaka ĩnana, na nĩ aateithirie andũ ake gũthathaiya Jehova.
