Jehova nĩ aarathimire Suleimani na ũũgĩ mũingĩ mũno na akĩmũhe mweke wa gwaka hekarũ, ĩndĩ Suleimani nĩ aatigire Jehova kahora kahora. Angĩkorũo ũrĩ mũciari, taarĩria mwana waku ũrĩa ahoi a mĩhianano maatũmire Suleimani eyeheranie na Ngai. Ũthamaki wa Isiraeli nĩ wagayũkanire na Athamaki oru makĩingĩria rũrĩrĩ rũu thĩinĩ wa ũthathaiya wa ngai cia maheeni na ũregenyũki. Mahinda-inĩ macio, anabii aingĩ a Jehova nĩ maanyaririrũo na makĩũragwo. Jezebeli, ũrĩa warĩ mũtumia wa mũthamaki wa mĩhĩrĩga ĩrĩa ikũmi ya Isiraeli, nĩ aatũmire Aisiraeli marikĩre mũno ũregenyũki-inĩ. Maarĩ mahinda maritũ mũno historĩ-inĩ ya Isiraeli. No ihinda-inĩ o rĩu, nĩ kwarĩ na ndungata nyingĩ njĩhokeku cia Jehova thĩinĩ wa Isiraeli, ta Mũthamaki Jehoshafatu na mũnabii Elija.