Ũhoro wa Kwambĩrĩria wa Gĩcigo gĩa 1
Bibilia yambagĩrĩria na gũtũhe ũhoro wa kũũmbwo kwa indo iria tuonaga, ĩgatũma tuone ũthaka wa indo iria Jehova ombire kũũrĩa igũrũ na gũkũ thĩ. Teithia mũrutwo waku one indo nyingĩ cia magegania iria Ngai ombire. Taarĩria ũrĩa Ngai aatũmbire tũrĩ ngũrani mũno na nyamũ, tondũ nĩ atũheete ũhoti wa kwaria, gwĩciria, gũthondeka indo, kũina, na kũhoya. Teithia mũrutwo one hinya na ũũgĩ wa Jehova, na makĩria wendo ũrĩa akoragwo naguo harĩ ũũmbi wake wothe.
GĨCHUNJĨ-INĨ GĨKĨ
Ngai nĩ Ombire Thĩ na Igũrũ
Bibilia yugaga Ngai nĩ ombire igũrũ na thĩ. No nĩ ũĩ nĩ mũraika ũrĩkũ aambire kũũmba mbere ya kũũmba indo iria ingĩ ciothe?
Ngai nĩ Ombire Mũthuri na Mũtumia wa Mbere
Ngai ombire mũthuri na mũtumia wa mbere na akĩmaiga mũgũnda-inĩ wa Edeni. Nĩ mangĩaciaranire na matue thĩ yothe paradiso.
