25:9, 21, 22

Ithandũkũ rĩa Kĩrĩkanĩro nĩrĩo rĩarĩ kĩndũ kĩrĩa kĩa bata mũno thĩinĩ wa gĩikaro kĩrĩa kĩamũre na kambĩ-inĩ ya Isiraeli. Itu rĩrĩa rĩakoragwo gatagatĩ ka akerubi erĩ arĩa maarĩ igũrũ rĩa gĩkunĩko kĩa ithandũkũ rĩu, rĩoonanagia gũkorũo kuo kwa Ngai. O mwaka Mũthenya wa Kũhumbĩra Mehia, mũthĩnjĩri-Ngai ũrĩa mũnene aaingĩraga Harĩa Hatheru Mũno na agataatia thakame ya ndegwa na ya mbũri mbere ya gĩkunĩko kĩu nĩguo ahumbĩre mehia ma Aisiraeli. (Ala 16:14, 15) Ũndũ ũcio warĩ kĩĩruru kĩa rĩrĩa Jesu, Mũthĩnjĩri-Ngai Ũrĩa Mũnene makĩria, aaingĩrire mbere ya Jehova kũrĩa igũrũ nĩguo aneane thogora wa igongona rĩake rĩa ũkũũri.​—⁠Ahi 9:24-26.

Ringithania maandĩko maya marũmĩrĩire na irathimo iria tũgĩaga nacio nĩ ũndũ wa igongona rĩa ũkũũri:

• 1Joh 1:8, 9

• Ahi 9:13, 14

• Ro 6:23

• kĩĩrĩgĩrĩro gĩa gũgaatũũra tene na tene

• kuoherũo mehia

• kũgĩa na thamiri theru

Twagĩrĩirũo gwĩka atĩa nĩguo tũgĩe na irathimo icio?