Muoyo nĩ kĩheo kĩa goro. Ũrĩa tũhũthagĩra kĩheo kĩu nĩ kuonanagia ũrĩa tũkĩonaga. Tũrĩ Aira a Jehova, twĩrutanagĩria kũhũthĩra iheo na ũhoti witũ gũtĩithia na kũgoocithia ũrĩa watũheire muoyo, na nĩwe Jehova. (Thab 36:9; Kũg 4:11) O na kũrĩ ũguo, mĩtangĩko ya o mũthenya thĩinĩ wa thĩ ĩno njũru no ĩtũme tũremwo nĩ kũiga maũndũ ma kĩĩroho mbere. (Mar 4:18, 19) O ũmwe witũ aagĩrĩirũo eyũrie, ‘Hihi nĩ ndĩrahe Jehova kĩrĩa kĩega biũ? (Ho 14:2) Hihi wĩra wakwa nĩ ũingagĩrĩra ũtungata wakwa? Ndĩigĩire mĩoroto ĩrĩkũ ya kĩĩroho? Ingĩandandũra ũtungata wakwa atĩa?’ Ũngĩona ũrĩ na handũ ũrabatara kũrutĩra wĩra, hoya Jehova agũteithie na wĩke mogarũrũku marĩa marabatarania. Hatarĩ nganja, kũgooca Jehova o mũthenya gũtũmaga mũndũ agĩe na ũtũũro ũrĩ na gĩkeno na kũiganĩra!—Thab 61:8.

WĨRORERE VIDEO, HŨTHĨRA KĨHEO GĨAKU GŨTUNGATĨRA JEHOVA, ŨCOKE ŨCOKIE CIŨRIA ICI:

• Nĩkĩ ti ũndũ wa ũũgĩ kũhũthĩra iheo ciaku thĩinĩ wa thĩ ya Shaitani? (1Joh 2:17)

• Arĩa maheaga Jehova kĩrĩa kĩega biũ magĩaga na irathimo irĩkũ?

• Ũngĩhũthĩra iheo na ũhoti waku mĩeke-inĩ ta ĩrĩkũ ya ũtungata mũtheru?