Hihi mũtaratara waku wa maũndũ ma kĩĩroho nĩ ũhutĩtie gũthoma o mũthenya rĩandĩko na ũhoro ũrĩa ũrĩtaaragĩria kuuma kabuku-inĩ ga Gũthuthuria Maandĩko O Mũthenya? Angĩkorũo ndwĩkaga ũguo-rĩ, hihi no wĩkĩre ũndũ ũcio mũtaratara-inĩ waku? Andũ aingĩ mathomaga rĩandĩko rĩu rũcinĩ nĩguo mageciria ũhoro warĩo makĩruta mawĩra mao ma mũthenya ũcio. (Jos 1:8; Thb 119:97) Ũngĩgunĩka atĩa makĩria kuumana na Rĩandĩko rĩu? Thoma ũhoro ũrĩa ũrigicĩirie mũhari ũcio nĩguo ũmenye ũndũ ũrĩa ũrarĩrĩrio. Geria gwĩciria ũhoro wa gĩcunjĩ kĩa Bibilia kĩrĩa kĩngĩtaarĩria ũtaaro ũrĩa wonanĩtio rĩandĩko-inĩ rĩu. Ũcoke ũhũthĩre ũtaaro ũcio ũtũũro-inĩ waku. Rĩrĩa Kiugo kĩa Ngai kĩahutia matua maku, nĩ kĩrĩgũtongoragia ũtũũro-inĩ waku na gĩgakũguna.—Thb 119:105.

Famĩlĩ cia Betheli thĩinĩ wa thĩ yothe ciaragĩrĩria rũcinĩ ũhoro ũrĩa ũrĩ kabuku-inĩ ga Gũthuthuria Maandĩko O Mũthenya. Mĩaka-inĩ ya ica ikuhĩ, ndeereti nyingĩ ta icio nĩ ciĩkĩrĩtwo thĩinĩ wa JW Broadcasting^® rungu rwa PROGRAMU NA MAŨNDŨ MA MWANYA. Nĩ rĩ wĩrĩga kwĩrorera ndeereti icio? No kũhoteke ũhoro ũmwe ũrĩa ũrĩ ho nĩguo ũrabatara. Kwa ngerekano, nĩ na njĩra ĩrĩkũ rũgano rwa Loti rũngĩhutia matua maku?

WĨRORERE VIDEO YA MŨTIKENDE THĨ (1JOH 2:15), ŨCOKE ŨCOKIE CIŨRIA ICI:

• Nĩ ũtaaro ũrĩkũ wa Bibilia warĩ mũthingi wa ndeereti ĩno ya Ũthathaiya wa Rũcinĩ?

• Rũgano rwa Loti rũngĩtũruta atĩa ũgwati wa kwenda thĩ kana indo iria irĩ thĩinĩ wayo?—Kĩa 13:12; 14:12; 19:3, 12, 13, 24-26

• Tuonanagia atĩa atĩ nĩ twendete Jehova no ti thĩ kana indo iria irĩ thĩinĩ wayo?