Zekaria 9:1-17
9 Ĩno nĩ ndũmĩrĩri nditũ:
“Kiugo kĩa Jehova nĩ gĩũkĩrĩire bũrũri wa Hadaraka,Na Dameski nĩkuo kĩerekeirio*+—Nĩ gũkorũo riitho rĩa Jehova rĩrĩ harĩ andũ+Na harĩ mĩhĩrĩga yothe ya Isiraeli—
2 Na gĩgokĩrĩra Hamathu,+ ĩrĩa ĩriganĩtie nakuo,Na gĩgokĩrĩra andũ a Turo+ na Sidoni,+ nĩ gũkorũo nĩ ogĩ mũno.+
3 Turo nĩ yeyakĩire rũirigo.*
Yacokanĩrĩirie betha nyingĩ ta rũkũngũNa thahabu nyingĩ ta tĩri wa barabara-inĩ.+
4 Atĩrĩrĩ, Jehova nĩ akeeheria indo ciakuo,Na nĩ akaaniina mbũtũ yakuo thĩinĩ wa iria;*+Na nĩ gũgaacinwo na mwaki.+
5 Ashikeloni ĩkoona ũndũ ũcio ĩĩtigĩre;Gaza nĩ ĩgaatangĩka mũno,O na Ekironi, tondũ kĩĩrĩgĩrĩro gĩakuo nĩ gĩconorithĩtio.
Mũthamaki nĩ agaathira ehere thĩinĩ wa Gaza,Na Ashikeloni gũtigaatũũrũo.+
6 Mwana wa kũngĩ nĩwe ũgaaikara Ashidodi,Na nĩ ngaaniina mwĩtĩo wa Mũfilisti.+
7 Nĩ ngaaruta indo iria irĩ na thakame kanua-inĩ gakeNa ndute indo iria irĩ magigi gatagatĩ-inĩ ka magego make,Na nĩ agaatigwo, atigare arĩ wa Ngai witũ;Na nĩ agaatuĩka ta mũnene* thĩinĩ wa Juda,+Na Ekironi ĩtuĩke ta Mũjebusi.+
8 Nĩ ngaamba hema nduĩke mũrangĩri wa nyũmba yakwa,+Nĩgetha gũtikanagĩe mũndũ ũgũtuĩkanĩria kuo kana ũgũcoka kuo;Na gũtirĩ mũrũgamĩrĩri wa wĩra* ũgaatuĩkanĩria kuo rĩngĩ,+Nĩ gũkorũo rĩu nĩ ndĩyoneire ũndũ ũcio* na maitho makwa.
9 Kena mũno, wee mwarĩ wa Zayuni.
Anĩrĩra nĩ ũndũ wa ũhootani, wee mwarĩ wa Jerusalemu.
Atĩrĩrĩ, mũthamaki waku nĩ aroka kũrĩ wee.+
Nĩ mũthingu, nĩ ararehe ũhonokio,*Nĩ mwĩnyihia+ na akuuĩtwo nĩ ndigiri,Agakuuo nĩ njaũ ya ndigiri,* rũciaro rwa ndigiri ya mũgoma.+
10 Nĩ ngeeheria ngaari ya mbaara thĩinĩ wa EfiraimuNa njeherie mbarathi Jerusalemu.
Ũta wa mbaara nĩ ũkeeherio.
Na nĩ akaahunjia thayũ kũrĩ ndũrĩrĩ;+Wathani wake ũgaakorũo uumĩte iria-inĩ rĩmwe nginya rĩrĩa rĩngĩNa kuuma Rũũĩ-inĩ* nginya ituri cia thĩ.+
11 Ha ũhoro waku wee mũtumia ũyũ, kũgerera thakame ya kĩrĩkanĩro gĩaku,Nĩ ngaaruta ohwo aku thĩinĩ wa irima rĩrĩa rĩtarĩ maĩ.+
12 Cokai mwĩgitio-inĩ, inyuĩ ohwo aya mũrĩ na kĩĩrĩgĩrĩro.+
Ũmũthĩ ndĩrakwĩra atĩrĩ,‘Nĩ ngaakũrĩha maita merĩ,+ wee mũtumia ũyũ.
13 Nĩ ngaakũnja* Juda o ta arĩ ũta wakwa.
Ũta ũcio ngaaũiyũria na Efiraimu,*Na nĩ ngaarahũra ariũ aku, wee Zayuni,Mokĩrĩre ariũ aku, wee Ngiriki,Na nĩ ngaatũma ũtuĩke ta rũhiũ rwa njora rwa njamba ya ita.’
14 Jehova nĩ akooneka igũrũ rĩao,Na mũguĩ wake ũkaarathũka ta rũheni.
Jehova Mwathani Ũrĩa Mũnene nĩ akaahuuha coro,+Na nĩ akoimagara hamwe na ihuhũkanio cia mwena wa mũhuro.
15 Jehova mũnene wa ita nĩ akaamagitĩra,Na nĩ makaananga na marangĩrĩrie mahiga ma kĩgũtha.+
Nĩ makaanyua na manegene, ta manyuĩte ndibei;Na nĩ makaaiyũrio ta mbakũri,O ta kona cia kĩgongona.+
16 Jehova Ngai wao nĩ akaamahonokia mũthenya ũcioMarĩ rũũru rwa andũ ake;+Tondũ makaahaana ta tũhiga twa goro twa thũmbĩ* tũrahenia igũrũ rĩa tĩri wake.+
17 Nĩ gũkorũo wega wake nĩ mũnene,+Na ũthaka wake nĩ mũnene.
Ngano* nĩ ĩgaatũma anake magaacĩre,Na ndibei njerũ* ĩtũme airĩtu gathirange magaacĩre.”+
Tũũhoro twa magũrũ-inĩ
^ Ũkk., “ũhurũko wakĩo.”
^ Kana “handũ hairigĩre.”
^ Kana hihi, “nĩ akaaniinĩra mbũtũ yakuo iria-inĩ.”
^ Mũnene ũcio aarĩ mũtongoria wa mũhĩrĩga.
^ Kana “mũhinyanĩrĩria.”
^ Kwahoteka ũndũ ũcio nĩ mĩnyamaro ya andũ ake.
^ Kana “ndigiri ya njamba.”
^ Kana “na nĩ ahootanĩte; na nĩ ahonoketio.”
^ Nĩ Rũũĩ rwa Farati.
^ Ũkk., “ngaakinya.”
^ Ũguo nĩ kuuga, ta ũrĩa mũguĩ wĩkĩragwo ũta-inĩ.
^ Kana “thũmbĩ ngʼemie.”
^ Kana “Cairi.”
^ Kana “ndibei ya mũhihano.”
