Zekaria 10:1-12
10 “Hoyai Jehova oirie mbura hĩndĩ ya mbura ya kũrigĩrĩria.
Jehova nĩwe ũthondekaga matu ma kĩhuhũkanio,O ũcio ũmoiragĩria mbura,+Na agatũma kũgĩe mĩmera mũgũnda-inĩ nĩ ũndũ wa andũ othe.
2 Nĩ gũkorũo mĩhianano ya terafimu* nĩ yarĩtie maheeni;*Na aragũri nĩ monete kĩoneki kĩa maheeni.
Maragia ũhoro wa iroto cia tũhũ,Na makageria kũũmanĩrĩria o tũhũ.
Nĩkĩo makoorũra o ta ngʼondu.
Nĩ makaanyamarĩka, tondũ gũtirĩ na mũrĩithi.
3 Marakara makwa nĩ makanĩte kwerekera arĩithi,Na nĩ ngaaciirithia atongoria arĩa mahinyanagĩrĩria;*Nĩ gũkorũo Jehova mũnene wa ita nĩ erekeirie meciria make harĩ rũũru rwake,+ harĩ nyũmba ya Juda,Na nĩ atũmĩte matuĩke ta mbarathi yake ĩrĩ riri mbaara-inĩ.
4 Harĩ we nĩ hoimaga mũtongoria,*Harĩ we nĩ hoimaga mwathani ũrĩa ũtiiragĩrĩra,*Harĩ we nĩ hoimaga ũta wa mbaara;Harĩ we nĩ hoimaga mũrori o wothe,* othe marĩ hamwe.
5 Na magaatuĩka ta njamba cia ita,Marangagĩrĩrie ndoro ya barabara mbaara-inĩ.
Nĩ makaarũa mbaara, nĩ gũkorũo Jehova arĩ hamwe nao;+Na atwarithia a mbarathi nĩ magaaconorithio.+
6 Nĩ ngaatũũgĩria nyũmba ya Juda,Na honokie nyũmba ya Jusufu.+
Nĩ ngaamacokereria,Nĩ gũkorũo nĩ ngaamaiguĩra tha;+Na makaahaana ta gũtarĩ hĩndĩ ndamaregete;+Nĩ gũkorũo niĩ nĩ niĩ Jehova Ngai wao, na nĩ ngaamacokeria mahoya mao.
7 Andũ a Efiraimu no mũhaka magaatuĩka ta njamba ya ita ĩrĩ hinya,Na ngoro yao nĩ ĩgaakena o ta manyuĩte ndibei.+
Ariũ ao nĩ makoona ũndũ ũcio na macanjamũke;Ngoro yao nĩ ĩgaakena nĩ ũndũ wa Jehova.+
8 ‘Nĩ ngaamahuuhĩra kĩhũni na ndĩmacokanĩrĩrie hamwe;Nĩ gũkorũo nĩ ngaamakũũra,+ na nĩ makaaingĩha,Na mathiĩ na mbere kũingĩha.
9 O na ingĩkaamahurunja ta mbeũ gatagatĩ-inĩ ka ikundi cia andũ,Nĩ makaandirikana marĩ kũndũ kũraya;Marĩ hamwe na ariũ ao nĩ makaagĩa hinya rĩngĩ na macoke.
10 Nĩ ngaamacokia kuuma bũrũri-inĩ wa MisiriNa ndĩmacokanĩrĩrie kuuma Ashuri;+Nĩ ngaamarehe bũrũri-inĩ wa Gileadi+ na Lebanoni,Na gũtigaakorũo na handũ hagaatigara nĩ ũndũ wao.+
11 No mũhaka akaahĩtũkĩra iria-inĩ na mĩtangĩko;Na nĩ akaahũũra makũmbĩ iria-inĩ;+Kũndũ kũrĩa kũriku guothe kwa Rũũĩ rwa Nailo nĩ gũkaahũa.
Mwĩtĩo wa Ashuri nĩ ũkaaniinwo,Na mũthĩgi wa Misiri nĩ ũkeehera.+
12 Nĩ ngaatũma matũũgĩre nĩ ũndũ wa Jehova,+Na magaathiaga thĩinĩ wa rĩĩtwa rĩake,’+ ũguo nĩguo Jehova ekuuga.”
Tũũhoro twa magũrũ-inĩ
^ Kana “ngai cia mũciĩ.”
^ Kana “maũndũ marĩ kĩriga.”
^ Ũkk., “ngaaciirithia thenge icio.”
^ Ũkk., “nyũmba ndaya na igũrũ ya kona-inĩ,” kuonania mũndũ wa bata.
^ Ũkk., “kahocio,” kuonania mũndũ ũrĩa ũtiiranagĩrĩra; mwathani.
^ Kana “mũrũgamĩrĩri.”
