Ũhoro Mwega Ũrĩa Waandĩkirũo nĩ Luka 3:1-38
3 Mwaka-inĩ wa 15 wa wathani wa Kaisari Tiberio, rĩrĩa Pontio Pilato aarĩ ngavana wa Judea, Herode*+ aarĩ mũtongoria wa gĩcigo kĩa Galili, Filipu mũrũ wa ithe aarĩ mũtongoria wa gĩcigo kĩa bũrũri wa Iturea na Tarakoniti, nake Lusania aarĩ mũtongoria wa gĩcigo kĩa Abilene,
2 matukũ-inĩ ma Anasi mũnene wa athĩnjĩri-Ngai na ma Kaiafa,+ uuge wa Ngai nĩ wakinyĩire Johana+ mũrũ wa Zekaria arĩ werũ-inĩ.+
3 Nĩ ũndũ ũcio agĩthiĩ bũrũri-inĩ wothe ũrĩa wathiũrũrũkĩirie Jorodani, akĩhunjagia atĩ andũ mabatithio ĩrĩ njĩra ya kuonania kwĩrira nĩguo moherũo mehia,+
4 o ta ũrĩa kwandĩkĩtwo ũũ ibuku-inĩ rĩa mũnabii Isaia: “Harĩ mũgambo wa mũndũ ũranĩrĩra werũ-inĩ ũkoiga: ‘Haarĩriai njĩra ya Jehova!* Rũngai barabara ciake.+
5 Mĩkuru yothe no mũhaka ĩthikwo na irĩma ciothe na tũrĩma ciaraganio; njĩra iria njogomu no mũhaka irũngario, nacio njĩra iria itarĩ njigananu no mũhaka cigananio;
6 na andũ othe nĩ makoona ũhonokio wa Ngai.’”*+
7 Nĩ ũndũ ũcio, akĩambĩrĩria kwĩra kĩrĩndĩ kĩrĩa gĩokĩte kũbatithio nĩwe ũũ: “Inyuĩ rũciaro rwa nyoka irĩ thumu, nũũ ũmwĩrĩte atĩ no mũũrĩre marakara marĩa maroka?+
8 Nĩ ũndũ ũcio, ciarai maciaro maronania nĩ mwĩrirĩte. Mũtikeĩre atĩrĩ, ‘Ithe witũ nĩ Iburahimu.’ Tondũ ngũmwĩra atĩ Ngai no ahote gũtũma Iburahimu agĩe na ciana kuuma mahiga-inĩ maya.
9 Ti itherũ, ithanwa nĩ rĩigĩtwo gĩtina-inĩ kĩa mĩtĩ. Kwoguo mũtĩ ũrĩa wothe ũtaciaraga maciaro mega nĩ ũgũtemwo na ũikio mwaki-inĩ.”+
10 Nakĩo kĩrĩndĩ kĩamũũragia atĩrĩ: “Twagĩrĩirũo nĩ gwĩka atĩa?”
11 Nake agagĩcokeria: “Mũndũ ũrĩa ũrĩ na nguo igĩrĩ* nĩ agaĩre ũrĩa ũtarĩ, na ũrĩa ũrĩ na kĩndũ gĩa kũrĩa eke o taguo.”+
12 O na etia a mbeca cia igooti magĩũka kũbatithio,+ na makĩmũũria atĩrĩ: “Mũrutani, twagĩrĩirũo nĩ gwĩka atĩa?”
13 Nake akĩmeera: “Mũtigetagie* mbeca ikĩrĩte iria ituĩtwo cia igooti.”+
14 Nacio thigari ikĩmũũria: “Twagĩrĩirũo nĩ gwĩka atĩa?” Nake agĩcicokeria atĩrĩ: “Mũtikanagie mũndũ* kana mũthitange mũndũ na ũira wa maheeni,+ no mũiganagwo nĩ mũcara wanyu.”
15 Na rĩrĩ, andũ nĩ maatanyaga na othe makeyũria ũũ ngoro-inĩ ciao ũhoro wĩgiĩ Johana, “To gũkorũo ũyũ nĩwe Kristo?”+
16 Johana akĩmacokeria othe akĩmeera atĩrĩ: “Niĩ ndĩmũbatithagia na maĩ, no ũrĩa ũroka arĩ na hinya kũngĩra, na ndirĩ mwagĩrĩru wa kuohora rũrigi rwa iratũ ciake.+ Ũcio akaamũbatithagia na roho mũtheru na mwaki.+
17 Gĩcakũri gĩake gĩa kũhuuha kĩrĩ guoko-inĩ gwake, nĩguo atherie biũ kĩhuuhĩro gĩake na acokanĩrĩrie ngano thĩinĩ wa ikũmbĩ rĩake, no mahuti nĩ gũcina ekũmacina na mwaki ũrĩa ũtangĩhoreka.”
18 Ningĩ akĩrutana maũndũ mangĩ maingĩ ma kũmataara na agĩthiĩ na mbere kũhunjĩria andũ ũhoro ũrĩa mwega.
19 Na tondũ Herode mũtongoria wa gĩcigo kĩu nĩ aakaanagio nĩ Johana ũhoro wĩgiĩ Herodia, mũtumia wa mũrũ wa ithe na wĩgiĩ maũndũ mothe moru marĩa Herode eekĩte,
20 akĩongerera ũndũ ũyũ ũngĩ harĩ maũndũ macio mothe: Akĩhingĩra Johana njera.+
21 Na rĩrĩ, andũ othe marĩkia kũbatithio, Jesu o nake akĩbatithio.+ Na rĩrĩa aahoyaga-rĩ, igũrũ rĩkĩhingũka,+
22 na roho mũtheru ũgĩikũrũka igũrũ rĩake ũrĩ na mwĩrĩ ũtariĩ ta wa ndutura, na mũgambo ũkiuma igũrũ ũkiuga atĩrĩ: “Wee nĩwe Mũrũ wakwa, ũrĩa nyendete; nĩ ngwĩtĩkĩrĩte.”+
23 Rĩrĩa Jesu+ aambĩrĩirie wĩra wake, aarĩ na mĩaka ta 30,+ na o ta ũrĩa andũ aingĩ meeciragia,aarĩ mũrũ wa Jusufu,+mũrũ wa Heli,
24 mũrũ wa Mathati,mũrũ wa Lawii,mũrũ wa Meliki,mũrũ wa Janai,mũrũ wa Jusufu,
25 mũrũ wa Matathia,mũrũ wa Amosi,mũrũ wa Nahumu,mũrũ wa Esili,mũrũ wa Nagai,
26 mũrũ wa Maathi,mũrũ wa Matathia,mũrũ wa Semeini,mũrũ wa Joseki,mũrũ wa Joda,
27 mũrũ wa Joanani,mũrũ wa Resa,mũrũ wa Zerubabeli,+mũrũ wa Shealitieli,+mũrũ wa Neri,
28 mũrũ wa Meliki,mũrũ wa Adi,mũrũ wa Kosamu,mũrũ wa Elimadami,mũrũ wa Eri,
29 mũrũ wa Jesu,mũrũ wa Eliezeri,mũrũ wa Jorimu,mũrũ wa Mathati,mũrũ wa Lawii,
30 mũrũ wa Simeoni,mũrũ wa Judasi,mũrũ wa Jusufu,mũrũ wa Jonamu,mũrũ wa Eliakimu,
31 mũrũ wa Melea,mũrũ wa Mena,mũrũ wa Matatha,mũrũ wa Nathani,+mũrũ wa Daudi,+
32 mũrũ wa Jesii,+mũrũ wa Obedi,+mũrũ wa Boazu,+mũrũ wa Salimoni,+mũrũ wa Nahashoni,+
33 mũrũ wa Aminadabu,mũrũ wa Aruni,mũrũ wa Hezironi,mũrũ wa Perezu,+mũrũ wa Juda,+
34 mũrũ wa Jakubu,+mũrũ wa Isaaka,+mũrũ wa Iburahimu,+mũrũ wa Tera,+mũrũ wa Nahori,+
35 mũrũ wa Serugu,+mũrũ wa Reu,+mũrũ wa Pelegi,+mũrũ wa Eberi,+mũrũ wa Shela,+
36 mũrũ wa Kainani,mũrũ wa Aripakishadi,+mũrũ wa Shemu,+mũrũ wa Nuhu,+mũrũ wa Lameki,+
37 mũrũ wa Methusela,+mũrũ wa Enoko,mũrũ wa Jaredi,+mũrũ wa Mahalaleli,+mũrũ wa Kainani,+
38 mũrũ wa Enoshi,+mũrũ wa Sethi,+mũrũ wa Adamu,+mũrũ wa Ngai.
Tũũhoro twa magũrũ-inĩ
^ Ũcio nĩ Herode Antipasi. Rora Ũthathaũri wa Ciugo.
^ Rora Ũhoro Muongerere A5.
^ Kana “njĩra ya Ngai ya kũhonokania.”
^ Kana “nguo ĩngĩ.”
^ Kana “Mũtikonganagie.”
^ Kana “Mũtikanatunye mũndũ kĩndũ.”
