Ayubu 36:1-33
36 Na rĩrĩ, Elihu agĩthiĩ na mbere kwaria akiuga atĩrĩ:
2 “Ngirĩrĩria o hanini thiĩ na mbere gũtaarĩria,Tondũ nĩ ndigĩtie ciugo cia kwaria handũ-inĩ ha Ngai.
3 Nĩ ngwaria na njĩra ndikĩru igũrũ rĩgiĩ maũndũ marĩa njũĩ,Na nyonanie atĩ Mũũmbi wakwa nĩ arĩ ũthingu.+
4 Ti itherũ ciugo ciakwa ti cia maheeni;Ũrĩa wĩ na ũmenyo mũkinyanĩru+ arĩ haha mbere yaku.
5 Hatarĩ nganja Ngai nĩ mũnene+ na ndanyararaga mũndũ o na ũrĩkũ;Nĩ arĩ ũhoti harĩ hinya wake wa ũtaũku.*
6 Ndagitagĩra mĩoyo ya andũ arĩa aganu,+No nĩ atũmaga arĩa maranyamarĩka mone kĩhooto.+
7 Ndeheragia maitho make harĩ andũ arĩa athingu;+Amaigaga itĩ-inĩ cia ũnene hamwe na athamaki,*+ na magatũũra matũũgĩrĩte tene na tene.
8 No mangĩkorũo mohetwo na mĩnyororoNa makanyitwo na mĩkanda ya mĩnyamaro,
9 Nĩ amaguũragĩria maũndũ marĩa mekĩte,Akameera mahĩtia marĩa moimanĩte na mwĩtĩo wao.
10 Ahingũraga matũ mao nĩgetha maigue ũtaaroNa akameera matigane na maũndũ moru.+
11 Mangĩathĩka na mamũtungatĩre,Megũtũũra magaacĩrĩte matukũ-inĩ mao mothe,Na makorũo na gĩkeno mĩaka-inĩ yao.+
12 No mangĩaga gwathĩka, mekũniinwo na rũhiũ rwa njora*+Na makue matarĩ na ũmenyo.
13 Arĩa matetigĩrĩte Ngai* ngoro-inĩ ciao nĩ maigaga muku.
Matihoyaga ũteithio o na rĩrĩa amohete.
14 Makuaga marĩ o ethĩ,+Makahũthĩra* ũtũũro wao hamwe na arũme arĩa mahũũraga ũmaraya hekarũ-inĩ.+
15 No Ngai nĩ ahonokagia arĩa maranyamarĩka hĩndĩ ĩrĩa marĩ na mĩnyamaro;Akahingũra gũtũ kwao rĩrĩa marahinyĩrĩrio.
16 Nĩ agũtharaga ndũgatoorio nĩ mĩtangĩko+Agagũtwara kũndũ kwariĩ gũtarĩ gũkunderu,+Na metha yaku ĩkaiyũra irio njega nĩguo ũmĩrĩrio.+
17 Nawe nĩ ũkaaiganĩra nĩ ũndũ wa ituĩro rĩrĩa andũ aganu magaatuĩrũo,+Rĩrĩa ciira ũgaatuo, na kĩhooto kĩrũmĩrĩrũo.
18 No rĩrĩ, wĩmenyerere nĩgetha marakara matigatũme wĩke maũndũ ma kũnyũrũria,*+Na ndũkareke ihaki inene rĩkũhĩtithie njĩra.
19 Hihi kĩrĩro gĩaku gĩa kũhoya ũteithioKana kĩyo gĩaku kĩnene no kĩgirie ũgĩe na mĩtangĩko?+
20 Ndũkerirĩrie ũtukũ,Rĩrĩa andũ meheraga ciikaro-inĩ ciao makaga kuoneka.
21 Wĩmenyerere ndũkambĩrĩrie gwĩka maũndũ moru,Atĩ ũthuure gwĩka ũguo handũ ha kũũmĩrĩria mĩnyamaro.+
22 Atĩrĩrĩ, Ngai nĩ mũtũũgĩru nĩ ũndũ wa hinya wake;Nĩ mũrutani ũrĩkũ ũhaana take?
23 Nũũ ũtongoretie* njĩra yake+Kana akamwĩra, ‘Ũndũ ũrĩa wĩkĩte ti mwagĩrĩru?’+
24 Ririkana kũgoocithia wĩra wake,+Ũrĩa andũ manaina igũrũ rĩaguo.+
25 Andũ othe nĩ mawoneteMũndũ awĩroragĩra arĩ o haraihu.
26 Ti itherũ Ngai nĩ mũnene gũkĩra ũrĩa tũngĩĩcirĩria;+Mũigana wa mĩaka yake ndũngĩtaũkĩka.*+
27 Atũmaga mataata ma maĩ mambate na igũrũ;+Magacokanĩrĩra thĩinĩ wa kĩbii gĩake magatuĩka mbura;
28 Namo matu magaita mbura ĩyo;+Magatũma yurĩre andũ.
29 Hihi nĩ kũrĩ mũndũ ũngĩtaũkĩrũo nĩ ũrĩa matu matambũrũkĩte,Kana ataũkĩrũo nĩ mũrurumo ũrĩa uumaga hema-inĩ yake?*+
30 Ta rora ũrĩa atambũrũkagia rũheni rwake*+ igũrũ rĩayoNa akahumbĩra kũndũ kũrĩa kũriku iria-inĩ.*
31 Nĩ atũũragia muoyo* ikundi cia andũ kũgerera maũndũ macio;Agacihe irio nyingĩ.+
32 Ahumbĩraga rũheni na moko make,Na akarwerekeria harĩ kĩrĩa rũkũringa.+
33 Marurumĩ make nĩ maragia ũhoro wake,Na mahiũ o namo nĩ mamenyithanagia nũũ ũroka.*
Tũũhoro twa magũrũ-inĩ
^ Ũkk., “ngoro.”
^ Kana hihi, “Aigaga athamaki itĩ-inĩ cia ũnene.”
^ Kana “na itharaita.”
^ Kana “aregenyũki.”
^ Kana hihi, “Makaniina.”
^ Kana “ũhũũre hĩ na kĩnyũrũri.”
^ Kana hihi, “ũrutĩte mahĩtia; ũmũciirithĩtie nĩ ũndũ wa.”
^ Kana “ndũngĩtuĩrĩka.”
^ Ũkk., “gĩthũnũ-inĩ gĩake.”
^ Ũkk., “ũtheri wake.”
^ Ũkk., “mĩri ya iria.”
^ Kana hihi, “Nĩ atetagĩra.”
^ Kana hihi, “nĩ kĩĩ kĩroka.”
