Bynta 7
U Jisu u Dei U Ei?
U Jehobah u la phah ïa u Jisu sha ka pyrthei. 1 Ioannis 4:9
Lada ngi kwah ban pynsngewbha ïa U Jehobah, ngi dei ban sngap sa ïa uwei pat. Shuwa ban thaw ïa u Adam U Jehobah u la thaw ïa u angel uba donbor ha bneng.
Hadien, U Jehobah u la phah ïa la u khun sha ka pyrthei da kaba pynkynriah ïa ka jingim jong u sha ka kpoh jong ka Mary. Ka kyrteng jong uta u khyllung ka long u Jisu.—Ioannis 6:38.
Ha ka por ba u don ha ka pyrthei u Jisu u la pyrthuh bud thik ïa ki jinglong bajanai jong U Blei. U long uba sbun bad uba ieit. Ki briew baroh ki lah da kaba suk ban wan sha u. Khlem jingsheptieng u la hikai ïa kiwei ïa ka jingshisha shaphang U Jehobah.
U Jisu u la leh ki kam ki babha pynban la isih ïa u. 1 Petros 2:21-24
U Jisu u la pynkoit ruh ïa kiba pang bad pynmihpat ïa ki katto katne kiba la ïap.
Ki nongïalam niam ki isih ïa u Jisu namar ba u la thad madan ïa ki jinghikai bakla bad ki kam sniew jong ki.
Ki nongïalam niam ki la kynshoit ïa ki nong Rom ba kin pynshitom bad pynïap ïa u Jisu.
