Ngi long kiba pop, ngi jynjar, bad ngi ïap namarba u Adam bad ka Im ki la saitlah ïa U Blei. a Hynrei ngim duh jingkyrmen. U Jehobah u la plie ïa ngi ka lad ban lait na ka pop bad ka jingïap lyngba u khun jong u, u Jisu Khrist. Ka Baibl ka hikai ba ka jingïap jong u Jisu ka long ka jingsiewspah. Ka jingsiewspah ka dei ka dor ba la siew ban pyllait im ïa kiwei. Ka dor kaba u Jisu u la siew ka dei ka jingim ba janai jong u. (Pule Mathaïos 20:28.) U Jisu u la kloi ban ïap na ka bynta jong ngi khnang ba ngin ïoh biang ïa ka jingim bymjukut kaba u Adam bad ka Im ki la duh. U Jisu u la pynpaw ruh ba haduh katno U Jehobah bad ma u ki ieid ïa ngi. Kane ka lynnong kan ïarap ïa ngi ban sngewnguh shuh shuh ïa ka jingïap u Jisu.

1. Kumno ka jingïap jong u Jisu ka lah ban pynmyntoi ïa ngi mynta?

Namar ba ngi long ki nongpop, bunsien ngi leh ïa kiei kiei kiba pynsngewsih ïa U Jehobah. Hynrei, lada ngi babe shisha ïa kaei kaba ngi la leh bad ngi duwai ha U Jehobah lyngba u Jisu Khrist ban map ïa ki jingbakla jong ngi, bad lada ngi pyrshang ban ym leh shuh ïa kijuh ki jingbakla, ngi lah ban don ka jingïadei kaba jan bha bad U Blei. (1 Ïoannis 2:1) Ka Baibl ka ong: “U Khrist ruh, u la shah shitom shi sien namar ki pop, u bahok na ka bynta ki bymhok, khnang ba un ïoh ïalam ïa ngi ha U Blei.”—1 Petros 3:18.

2. Kumno ngi lah ban ïoh jingmyntoi ha ka lawei na ka jingïap u Jisu?

U Jehobah u la phah ïa u Jisu ban aiti ïa la ka jingim ba janai khnang ba “uei uei ruh uba ngeit ha u, un ym jot shuh, hynrei, un ïoh ka jingim bymjukut.” (Ïoannis 3:16) Namar ka jingsiewspah ka jong u Jisu, shen U Jehobah un sa weng noh ïa ki jingsniew baroh kiba mih na ka jingbym kohnguh jong u Adam. Kane ka mut ba lada ngi ngeit ha ka jingsiewspah jong u Jisu, ngin sa ïoh ka lad ban im junom ha ka jingsuk jingkmen ha ka pyrthei paradais!—Isaïah 65:21-23.

 WAD SHUH SHUH

3. Ka jingïap jong u Jisu ka pyllait im ïa ngi na ka pop bad ka jingïap

1. U Adam u long u briew ba janai uba la saitlah ïa U Blei bad namar kata ki briew ki hap ha ka pop bad ka jingïap

2. U Jisu u long u briew ba janai uba kohnguh ïa U Blei bad namar kata ki briew ki ïoh ïa ka lad ban long kiba janai bad ban im junom

4. Ka jingïap jong u Jisu ka pynmyntoi ïa ki briew baroh

 5. Ka jingsiewspah ka dei ka jingai sngewbha na U Jehobah ïa phi

Ki paralok U Jehobah ki shim ïa ka jingsiewspah kum ka jingai sngewbha ba shimet ïa ki. Kum ka nuksa, pule Galatia 2:20, bad nangta sa ïa peit lang ïa kane ka jingkylli harum:

• Kumno u apostol Paul u la pyni ba u shim ïa ka jingsiewspah kum ka jingai sngewbha ba shimet ïa u?

Haba u Adam u la leh pop, ma u bad kito kiba hiar pateng na u ki la shah pynrem sha ka jingïap. Hynrei U Jehobah u la phah ïa la u khun ban ïap na ka bynta jong ngi khnang ba ngin lah ban ïoh ïa ka jingim bymjukut.

Haba phi pule ïa kine ki dkhot harum, mutdur kumno U Jehobah u la sngew haba u khun jong u u la shah shitom. Pule Ïoannis 19:1-7, 16-18, bad nangta sa ïa peit lang ïa kane ka jingkylli harum:

• Kumno phi sngew shaphang kaei kaba U Jehobah bad u Jisu ki la leh na ka bynta jong phi?

 KI MAT BAKONGSAN

Namar ka jingïap jong u Jisu, U Jehobah u lah ban map ïa ki pop jong ngi, bad ngi lah ban im junom.

Peit Biang

• Balei u Jisu u la ïap?

• Ha kano ka rukom ka jingim ba janai jong u Jisu ka long ka jingsiewspah ïa u bynriew?

• Kumno ka jingïap jong u Jisu ka lah ban pynmyntoi ïa phi?