LYNNONG 21
Kumno la Ïalap ïa ka Khubor Babha?
Lyngba ka Hima jong u, U Jehobah un sa pynduh noh ïa baroh ki jingeh jong ngi. Kata ka dei ka khubor babha kaba baroh ki dei ban tip. U Jisu u kwah ba ki nongbud jong u kin ïalap ïa kane ka khubor sha baroh! (Mathaïos 28:19, 20) Kumno ki Nongsakhi U Jehobah ki la leh ïa kaei kaba u Jisu u la hukum?
1. Kumno mynta la pyndep ïa ka jingïathuhlypa ha Mathaïos 24:14?
U Jisu u la ïathuhlypa: “Ïa kane ka gospel jong ka hima yn ïalap ha ka pyrthei baroh.” (Mathaïos 24:14) Ki Nongsakhi U Jehobah ki dap da ka jingkmen ban ïalap ïa kane ka khubor kaba kongsan. Ïa kane ka khubor babha ngi ïalap ha satlak ka pyrthei ha palat 1,000 tylli ki jait ktien! Kane ka kam kaba khraw ka donkam ïa ka jingpynïaid ryntih bad ka jingïatrei minot lang. Yn ym lah ban leh ïa kane khlem ka jingïarap jong U Blei Jehobah.
2. Haduh katno ngi trei minot ban ïalap ïa ki briew?
Ngi ïalap kat haba don ki briew. Kum ki Khristan banyngkong, ngi ïalap “ha ki ïing jong ki briew.” (Kam 5:42, CL Baibl) Ha kane ka rukom ngi la lah ban ïalap sha ki phew lak ngut ki briew man la u snem. Namarba ym baroh ki ïa don ha ïing, ngi ïalap ruh ha ki jaka paidbah. Barobor ngi wad lad ban ïa kren bad ki briew shaphang U Jehobah bad ki jingthmu jong u.
3. Mano ba dei ban ïalap ïa ka khubor babha?
Baroh ki Khristan bashisha ki dei ban ïalap ïa ka khubor babha sha kiwei. Ngi shim khia bha ïa kane ka kam. Katba lah ngi ïalap namar ngi tip ba kane ka lah ban pyllait im ïa ki briew. (Pule 1 Timothi 4:16.) Ngim ïoh jingsiew ïa kane ka kam, namar ka Baibl ka ong: “Phi la pdiang ei, phin ïa ai ei.” (Mathaïos 10:7, 8) Ym baroh ki pdiang ïa ka khubor jong ngi. Hynrei ngi ïai bteng ban ïalap namar ka kam ïalap ka long shi bynta na ka jingmane jong ngi, bad ka pynkmen ïa U Blei Jehobah.
WAD SHUH SHUH
Peit shuh shuh kumno ki Nongsakhi U Jehobah ki ïalap ha satlak ka pyrthei, bad kumno U Jehobah u ïarap ïa ngi.
Ka jingïalap ha kylleng ka pyrthei: (1) Costa Rica, (2) United States, (3) Benin, (4) Thailand, (5) Yap, (6) Sweden
4.Ngi trei shitom ban ïalap ïa ki briew baroh
Ki Nongsakhi U Jehobah ki trei shitom ban ïalap ïa ka khubor babha sha ki briew baroh. Peit ïa ka VIDEO, bad nangta sa ïa peit lang ïa kane ka jingkylli harum:
-
Kaei kaba phi itynnad shaphang ka jingtrei minot jong ki Nongsakhi U Jehobah ban ïalap?
Pule Mathaïos 22:39 bad Rom 10:13-15, nangta sa ïa peit lang ïa kine ki jingkylli harum:
-
Kumno ka kam ïalap ka pyni ba ngi ieid bad phikir ïa ki briew?
-
Kumno U Jehobah u sngew shaphang kito kiba ïalap ïa ka khubor babha—Peit ka dkhot 15.
5.Ngi ïa treilang bad U Blei
Bun ki jingshem ki pyni ba U Jehobah u pynïaid ïa ka kam jong ngi. Kum ka nuksa, ha ri New Zealand iwei i parabangeit shynrang ba kyrteng Paul i la ïakynduh ïa iwei i kynthei haba i leit ïalap na kawei ka ïing sha kawei pat. Ha kata ka step, ita i kynthei i la duwai sha U Blei, bad i la pyndonkam ïa ka kyrteng jong u, U Jehobah, bad i la kyrpad ban don mano mano ban wan kynduh ïa i. U Paul u ong “hadien lai kynta, nga la poi ha ïing jong i.”
Pule 1 Korinth 3:9, bad nangta sa ïa peit lang ïa kane ka jingkylli harum:
-
Kumno ka jingshem kum kane ha New Zealand ka pyni ba U Jehobah u pynïaid ïa ka kam ïalap?
Pule Kam 1:8, bad nangta sa ïa peit lang ïa kane ka jingkylli harum:
-
Balei ngi donkam ïa ka jingïarap jong U Jehobah ban pyndep ïa ka kam ïalap jong ngi?
Hato phi tip?
Man la ka taïew ha ka jingïalang ba sngi pohïa,ngi ïoh jinghikai ba kumno ngi dei ban ïalap. Lada phi la wan sha kawei na kine ki jingïalang, kumno phi sngew shaphang kine ki jinghikai?
6. Ngi kohnguh ïa ka hukum jong U Blei ban ïalap
Ha ka spah snem banyngkong, ki nongshun ki la pyrshang ban khang lad ïa ki synran jong u Jisu ban ïalap. Ki Khristan banyngkong ki la ïada ïa la ka hok ban ïalap da kaba ïada bad pynskhem ïa ka gospel. (Philippi 1:7) Ki Nongsakhi U Jehobah ki leh kumjuh mynta. a
Pule Kam 5:27-42, bad nangta sa ïa peit ïa kane ka jingkylli harum:
-
Balei ngin ym sangeh ban ïalap? —Peit ki dkhot 29, 38, bad 39.
DON KIBA LAH BAN KYLLI: “Balei ki Nongsakhi U Jehobah ki ïalap na kawei ka ïing sha kawei pat?”
-
Kumno phin jubab?
KI MAT BAKONGSAN
U Jisu u la bthah ïa ki nongbud jong u ban ïalap ïa ka khubor babha sha ka pyrthei baroh kawei. U Jehobah u ïarap ïa ki briew jong u ban leh ïa kane ka kam.
Peit Biang
-
Kumno la ïalap ïa ka khubor babha ha satlak ka pyrthei?
-
Kumno ka kam ïalap jong ngi ka pyni ba ngi ïeid ïa ki briew?
-
Hato phi tharai ba ka kam ïalap ka lah ban pynkmen ïa ngi? Balei?
PULE SHUH SHUH
Peit kumno ki Nongsakhi U Jehobah ki ïalap ha ki sor bah.
Kumno ki Nongsakhi U Jehobah ki la ïarap ïa ki nongphetwir?
Ka Jingïalap ha ki Nongphetwir kiba Kwah Shisha ban Tip Shaphang U Blei (Phareng) (5:59)
Peit kumno iwei i kynthei i la batai ba balei ka la pynkmen ïa i ban pynlut por ha ka kam ïalap baroh shi jingim.
Pule shaphang katto katne ki rai jong ka ïing bishar kaba la pynsuk ïa ki Nongsakhi U Jehobah ban leh ïa ka kam ïalap jong ki.
a Dei U Blei uba la hukum ïa ngi ban ïalap. Te namar kata, ki Nongsakhi U Jehobah kim donkam ban ïoh jingbit na ki briew ban ïalap ïa ka khubor babha.
