LYNNONG 15
U Jisu U Dei Uei?
U Jisu u dei uwei na kiba pawnam bha ha ka pyrthei. Bun ki briew kim da tip bha shaphang jong u. Don pat kiba don la ka jong ka rukom pyrkhat shaphang jong u. Ka Baibl pat ka ong aïu shaphang jong u?
1. U Jisu u dei uei?
U Jisu u long u angel uba donbor uba im ha bneng. Shuwa ban thaw ïa kiei kiei baroh U Jehobah u la thaw nyngkong eh ïa u Jisu. Na kata ka daw la khot ïa u “uba la kha nyngkong na ka jingthaw baroh.” (Kolossai 1:15) Ka Baibl ka ong ba u Jisu u dei u khun ba la kha marwei jong U Blei namarba dei tang ïa u Jisu ba U Jehobah u la thaw hi da lade. (Ïoannis 3:16) U Jisu u la ïatreilang bad u la ïarap ïa u kpa jong u ban thaw ïa kiei kiei baroh. (Pule Proberb 8:30.) U Jisu u ïai don ka jingïadei kaba jan bha bad U Jehobah. La khot ruh ïa u, “u Ktien” namarba u long u nongkren jong U Blei, uba ïathuh ïa ki khubor bad ïa ki jinghikai jong U Blei.—Ïoannis 1:14.
2. Balei u Jisu u la wan sha pyrthei?
Kumba 2000 snem mynshuwa, U Jehobah u la leh ïa kawei ka kam phylla ha kaba u la buh ïa ka jingim jong u Jisu na bneng ha ka kpoh jong kawei ka theisotti kaba kyrteng ka Mari. Ha kane ka rukom la thaw ïa u Jisu kum u briew. (Pule Loukas 1:34,35.) U Jisu u la wan sha pyrthei ban long uta u Messaïah ne u Khrist bad ban pyllait im ïa u bynriew. a Baroh kiba U Jehobah u la thoh ha ka Baibl shaphang u Messaïah, ki la urlong ha u Jisu. Kane ka la ïarap ïa ki briew ban tip ba u Jisu u long “U Khrist, u Khun U Blei ba im.”—Mathaïos 16:16
3. U Jisu u don haei mynta?
Hadien ba u Jisu u la ïap kum u briew, U Blei u la pynmihpat ïa u kum u mynsiem, bad u la leit phai sha bneng. Ha bneng, “U Blei u la kyntiew ïa u” sha ka kyrdan kaba ha jrong tam eh. (Philippi 2:9) Mynta, u Jisu u don ka bor kaba khraw, tangba u long hapoh jong U Jehobah.
WAD SHUH SHUH
Peit shuh shuh shaphang u Jisu, u dei shisha uei bad balei ka long kaba kongsan ban tip shaphang jong u.
4. U Jisu um dei U Blei uba ha Khlieh Tam eh
Ka Baibl ka hikai ba watla u Jisu u long u jingthaw uba donbor ha bneng hynrei u pynhapoh ïalade ha u kpa jong u, U Blei Jehobah. Balei ngi lah ban ong kumta? Peit ïa ka VIDEO ban sngewthuh kumno ka Baibl ka ong shaphang ka jingïapher ka kyrdan hapdeng u Jisu bad U Blei uba khrawbor tam eh.
Ki dkhot Baibl harum ki ïarap ïa ngi ban sngewthuh ïa ka jingïadei hapdeng U Jehobah bad u Jisu. Peit ïa iwei pa iwei i dkhot Baibl bad nangta sa ïa peit lang ïa kine ki jingkylli harum:
Pule Loukas 1:30-32.
-
Kumno u angel u la batai ïa ka jingïadei hapdeng u Jisu bad U Blei Jehobah uba “ha khlieh tam eh”?
Pule Mathaïos 3:16, 17.
-
Ha ka por ba pynbaptis ïa u Jisu, ka sur kaba mih na bneng ka ong kumno?
-
Phi tharai ka dei ka sur jongno?
Pule Ïoannis 14:28.
-
Mano ba kham khraw bad ba kham donbor? U kpa ne u khun?
-
U Jisu u khot ïa U Jehobah u kpa jong u, kane ka hikai aïu ïa ngi?
Pule Ïoannis 12:49.
-
Hato u Jisu u tharai ba ma u bad u kpa jong u ki ïadei u juh? Phi tharai kumno?
5. U Jisu u pynshisha ba u long u Messaïah
Ka Baibl ka don shibun ki jingïathulypa kiba lah ban ïarap ïa ki briew ban ithuh ïa u Messaïah—uba la jied jong U Blei, ban pyllait im ïa u bynriew. Peit ïa ka VIDEO ban tip ïa ki katto katne tylli ki jingïathulypa ba la pyndep da u Jisu mynba u don ha ka pyrthei.
Pule ïa kine ki jingïathuhlypa jong ka Baibl bad nangta sa ïa peit lang ïa kine ki jingkylli harum:
Pule Mikah 5:2 ban tip ba hangno yn kha ïa u Messaïah. b
-
Hato ka jingkha ïa u Jisu ka la pyndep ïa kane ka jingïathuhlypa?—Mathaïos 2:1.
Pule Salm 34:20 bad Sekharaïah 12:10 ban ïohi bniah ïa ki jingïathuhlypa shaphang ka jingïap jong u Messaïah.
-
Hato la pyndep ïa kine ki jingïathuhlypa? — Ïoannis 19:33-37.
-
Hato phi tharai ba u Jisu u la leh eiei ban pyndep ïa kine ki jingïathuhlypa?
-
Kane ka pynshisha aïu ïa phi shaphang u Jisu?
6. Ngi ïoh jingmyntoi haba ngi pule shaphang u Jisu
Ka Baibl ka ban bha ïa ka jingdonkam ban pule shaphang u Jisu bad ban tip ïa kaei kaba U Blei u kwah ïa u ban leh. Pule Ïoannis 14:6 bad 17:3, bad nangta sa ïa peit lang ïa kane ka jingkylli harum:
-
Balei ka long kaba kongsan ban pule shaphang u Jisu?
U Jisu u la plie ka lynti ïa ngi ban long ki paralok jong U Blei. U la hikai ïa ka jingshisha shaphang U Jehobah, bad lyngba jong u, ngi lah ban ïoh ïa ka jingim bymjukut
DON KIBA ONG: “Ki Nongsakhi U Jehobah kim ngeit ïa u Jisu.”
-
Kumno phin jubab?
KI MAT BAKONGSAN
U Jisu u long u jingthaw uba donbor, u dei u khun jong U Blei, bad u long u Messaïah.
Peit Biang
-
Balei la khot ïa u Jisu u jingthaw “uba la kha nyngkong” na ki jingthaw baroh?
-
Shuwa ba un wan sha pyrthei, u Jisu u la leh aïu?
-
Kumno ngi tip ba u Jisu u dei u Messaïah?
PULE SHUH SHUH
Pule shuh shuh shaphang u Jisu kum u Messaïah.
Peit kumno ka Baibl ka hikai, ha kano ka rukom U Blei u long u Kpa jong u Jisu.
“Balei la Khot ïa u Jisu u Khun jong U Blei?” (Na jw.org, Phareng)
Peit balei ka jinghikai shaphang Lai ha Uwei kam dei na ka Baibl.
“Hato u Jisu u Dei U Blei?” (Ka Kutphira, Ïaïong 1, 2009, Phareng)
Peit kumno ka jingim jong kawei ka kynthei ka la kylla hadien ba ka la wad bniah na ka Baibl shaphang u Jisu.
a Ka lynnong kaba 26 bad 27 kin batai balei ki briew ki donkam jingpyllait im bad kumno u Jisu u pyllait ïa ngi.
