“Ãjag tỹ ti mré vẽmén kỹ fagrĩnh mỹ ti mré vẽmén mág han tũg nĩ.”— Mateus 6:7.

Ũn tỹ Topẽ mré vãmén kỹ, Topẽ pi ũn tỹ kurã kar ki nén tó ja ẽn hã vãmén mãn mũ ve sór tĩ, kar ti pi ũn tỹ livro le ke mũ ve sór tĩ, ti mré vãmén jé. Jeová tỹ ẽg fe kãtá ti mré vãmén mũ ve sór tĩ. Ã amigo tỹ kurã kar ki nén ũ to mré vĩ mãn mũ ken kỹ, ã pi tag to há tĩ, kera? Ã tỹ ti mré vĩ sór tĩ, ãjag fe kã ki. Ẽg tỹ Topẽ mré vĩ tĩ, ẽg fe kã ki, ẽg tỹ Jeová mỹ ven tĩ, ẽg tỹ ti mré há nỹtĩ sór tĩ.

“Ãjag tỹ ti mỹ to vĩ ra ãjag tóg venh ke mũ vẽ, hã ra ãjag tóg to vĩ há han tũ nĩgtĩ gé, hã kỹ tóg ãjag mỹ han tũ nĩgtĩ sir.”— Tiago 4:3.

Ẽg tỹ Topẽ mré vĩ tĩ, nén tỹ ti mỹ kórég ãn ag to, kỹ ti pi ẽg vĩ jãmãnh mũ. Ha vem nĩ, Bíblia vỹ ke tĩ, Topẽ pi ẽg tỹ ũn ti nén ũ tũ to én ve sór tĩ, kar ti pi ẽg tỹ sorte kri fi ve sór tĩ gé. Kỹ ũn tỹ aposta han tĩn kỹ, kar ti tỹ Topẽ mré vĩ tĩ, Topẽ ti ajũna ke jé, ti tỹ sorte nĩ jé, Jeová mỹ ti vĩ jãmãnh mũ hãn? (Isaías 65:11; Lucas 12:15) Vaꞌ! Bíblia tỹ nén ũ há ag to kãmén tĩ, ẽg tỹ nén ũ ãn ag Topẽ mré vĩn kỹ, ti tỹ ẽg vĩ mẽnh mũ sir.

 “Topẽ tóg ũ to kórég nĩ, ti tỹ ti vĩ han sór tũ nĩn kỹ.”— Provérbios 28:9.

Vãsỹ, ũn ag tỹ Bíblia ránrán mũn kã, ũn ag tỹ Topẽ lei ag jẽmẽ há han tũ nỹtĩn kỹ, ti pi ag vĩ jãmãg tĩ vã. (Isaías 1:15, 16) Ũri, ti pi jykre tỹ ũꞌ nĩ. (Malaquias 3:6) Ẽg tỹ vãsãnsãn ke nĩ, ẽg tỹ Topẽ jykre ag hã mĩ mũ jé, kỹ ti tỹ ẽg vĩ jẽmẽnh mũ sir. Vãsỹ, ẽg tỹ Topẽ vĩ mranh han tĩn kỹ, Jeová mỹ ẽg vĩ jãmãnh mũ, hãn? Háv! Topẽ tỹ ẽg vẽnh pãte fón ke mũ, ẽg tỹ vẽjykre kórég ag tugvãnh kỹ, kar ẽg tỹ vãsãnsãn tĩn kỹ, ẽg tỹ nén ũ há ag hyn han jé.— Han kãme 3:19.