LIÇÃO 55

Ã congregação ajũna kem nĩ

TI VEN NĨ

Ga kar mĩ, ũn tỹ milhão ag Jeová mỹ rãnhrãj tĩ, congregação e ag ki. Ag tỹ Jeová vĩ jẽmẽ há han tĩ kar ag tỹ congregação ajũna ke sór tĩ gé. Ã mỹ ge ãkrén tĩ, ã congregação to?

1. Ã hã ri ken kỹ ã congregação ajũna kenh ke mũ, ã tempo tỹ kar ã tar tỹ?

Vẽnh kar tỹ congregação ajũna ke sór tĩ. Ha mẽ, kejẽn ã mỹ ũn kófa ag, ke tũ nĩn kỹ ũnꞌũ ag ajũna ke nĩ hẽn, ag tỹ vẽnhmãn ag ra mũnh jé? Ke tũ nĩn kỹ, hẽn ri ke mũn, ã tỹ ag ajũna ke tĩ, nén ũꞌũ ag hyn han jé, kejẽn ã tỹ mercado ra tĩg, ti mỹ nén ũ ag kajãm jé, ke tũ nĩn kỹ ti ĩn jãnhkri jé. (Tiago 1:27 le kem nĩ.) Kejẽn, ẽg tỹ ẽg vẽnhmãn han fã jãnhkri tĩ, ke tũ nĩn kỹ ti ki han jé. Ã tỹ ke sór kỹ, nén ũ tag ag ãn hyn han tĩ. Ẽg tỹ Topẽ to há nỹtĩ, kar ẽg régre to há gé, kỹ ẽg tỹ ke tĩ “tag ki sóg nĩ nĩ, ha inh jẽnẽ”. — Isaías 6:8.

Ũn ag tỹ vẽnh kygpe kỹ, kar ag tỹ vãsỹ Jeová Kãmén Fã ag han ken kỹ, ag tỹ congregação ajũna ke tĩ, nén ũꞌũ ag tỹ. Régre ag tỹ vãsãnsãn tĩ, ag tỹ vẽsỹ congregação to kófa ag mré rãnhrãj fã han jé kar ũ congregação to kófa ag han jé gé. Ẽg régre ag kar ẽg régre fag tỹ Topẽ vĩ to kãmén ajũna ke tĩ, ag tỹ vẽsỹ ũn tỹ Topẽ vĩ to kãmén kamã han kỹ. Jeová Kãmén Fã ũnꞌũ ag vỹ vẽnhmãn han fã ag hyn han tĩ. Ũnꞌũ ag vỹ ẽmã ũ ra mũ mũ, ag tỹ Topẽ vĩ to kãmén jé.

2. Ẽg hã ri ken kỹ ẽg congregação ajũna ke tĩ, ẽg jãnkamy tỹ?

Ẽg tỹ Jeová mỹ vĩ há han tĩ ‘ẽg tỹ ti mỹ ga tỹ ẽg mỹ nén ũ há nĩm ke ẽn nỹtĩ gé’. (Provérbios 3:9) Ẽg mỹ nén ũ há tãvĩ nĩ, ẽg tỹ congregação ajũna ken kỹ, kar Topẽ vĩ to kãmén mũ ajũna ken kỹ, ẽg jãnkamy tỹ. (2 Corinto 9:7 le kem nĩ.) Ẽg jãnkamy tỹ ajuda humanitária ajũna ke tĩ gé. Ũn ag tỹ “nén ũ sĩ tỹ vyrmỹ” nỹtĩ, semỹnỹ kar ki, ke tũ nĩn kỹ kysé kar ki jãnkamy sĩ tỹ vyrmỹ nỹtĩ, ag tỹ donativo han jé. (1 Corinto 16:2 le kem nĩ.) Ẽg tỹ ge han tĩ, vẽnhmãn han fã ki, ke tũ nĩn kỹ site donate.jw.org ki. Ẽg tỹ ẽg jãnkamy usa ken kỹ, congregação ajũna ke jé, ẽg tỹ Jeová to há ven tĩ.

VẼNH KANHRÃN KÃFÓR NĨ

Ha vé ã tỹ ã congregação ajũna ke tĩ, ã tỹ nén ũꞌũ ag hyn han kỹ.

3. Congregação ajũna kem nĩ, ã jãnkamy tỹ

Ẽg fe kãtá, ẽg tỹ jãnkamy nĩm kỹ, Jeová kar Jesus tỹ tag to há nỹtĩ. Tag tỹ hãn ri ké, ũn mén ter ja fi tỹ jãnkamy kãsir régre vin kỹ, Jesus tỹ ãn vég kỹ. Lucas 21:1-4 le kem nĩ. Kar jagnẽ mré vẽmén nĩ, nén ũ tag ag to:

Ẽg mỹ Jeová mỹ jãnkamy vin mág ke nỹtĩ hẽn, ẽg tỹ Jeová mỹ há han jé?
Ẽg tỹ jãnkamy vin kỹ, ẽg fe kar tỹ, Jeová kar Jesus ne tag to ãkrén tĩ?

Ã tỹ ki kanhrãn jé, ẽg hã ren kỹ ẽg jãnkamy usa ke tĩ ti, ha vé VÍDEO ti. Kar jagnẽ mré vẽmén nĩ, tag to:

VÍDEO: “Ũ presente Jeová mỹ” (4:47)

Ga kar mĩ, ẽg hã ren kỹ ẽg jãnkamy usa ke tĩ, congregação ag ajũna ke jé?

4. Ũn mỹ tóm nĩ: ‘isỹ ajũna ke sór tĩ’

Vãsỹ, ũn tỹ Jeová mỹ rãnhrãj tĩ ag vỹ Topẽ ĩn ki rĩr há han mũ. Hã ra ag tỹ ge han jé, ag tỹ vãsãnsãn ke nỹtĩ vã. 2 Crônicas 34:9-11 le kem nĩ. Kar jagnẽ mré vẽmén nĩ, tag to:

Israel krẽ ag hã ren kỹ ajũna ke tĩ, Topẽ ĩn ki rĩr jé?

Ã tỹ ve jé, Jeová Kãmén Fã ag hã ren kỹ Israel krẽ ag kãgran tĩ, ha vé VÍDEO ti. Kar jagnẽ mré vẽmén nĩ, nén ũ tag ag to:

VÍDEO: Ã Vẽnhmãn Han Fã tỹ rĩr há han nĩ (3:31)

Ne tugnĩn ẽg mỹ há nĩ, ẽg Vẽnhmãn Han Fã tỹ tỹ jãnhkri nĩn kỹ, kar ẽg tỹ ti tỹ rĩr há han kỹ?
Ã hã ren kỹ ajũna ke tĩ?

5. Ẽg régre ag tỹ vãsãnsãn tĩ, ag tỹ congregação ajũna ke kãfór jé

Topẽ Vĩ Rá vỹ ke tĩ, ẽg régre ag mỹ, ag tỹ vãsãnsãn jé, ag congregação ajũna ke jé. Ã tỹ tag to ve jé, ha vé VÍDEO ti. Kar jagnẽ mré vẽmén nĩ, tag to:

VÍDEO: Ẽg régre ag—Jeová mỹ rãnhrãj nỹtĩm nĩ (5:23)

Vídeo ki, Ryan ne han ké, ti tỹ ti congregação ajũna ke kãfór jé?

Topẽ Vĩ Rá vỹ ke tĩ, ẽg régre ag tỹ nén ũ há ag nỹtĩ ke nỹtĩ to, ag tỹ vẽsỹ congregação to kófa ag mré rãnhrãj fã kar congregação to kófa han jé. 1 Timóteo 3:1-13 le kem nĩ. Kar jagnẽ mré vẽmén nĩ, nén ũ tag ag to:

Ẽg régre ag tỹ nén ũ há ag tỹ ne nỹtĩ ke nỹtĩ, ag tỹ vẽsỹ congregação to kófa ag mré rãnhrãj fã kar congregação to kófa han jé?
Ag família tỹ nén ũ há ag tỹ ne nỹtĩ ke nỹtĩ? — Ha vé nũmro 4 kar 11 sĩ.
Ẽg régre ag tỹ vãsãnsãn kỹ, nén ũ há tag ag nỹtĩ jé, tag hã ren kỹ vẽnh kar mỹ ajũna ke tĩ, congregação ki?