Jeová tỹ tỹ mỹ sér nĩ, kar ti tỹ ẽg tỹ mỹ sigsér nỹtĩ ve sór tĩ gé. Hã ra, feriado ag mỹ ti mỹ há han ke mũ hãn? Ẽg ne hyn han ke nỹtĩ, ẽg Jeová to há mũ ti vinven tĩ, tag to?

1. Feriado e ag pi Jeová mỹ há han tĩ. Mỹ ne tugnĩn?

Feriado ũ ag vỹ Topẽ Vĩ Rã kato tã tĩ kar ũn ag tỹ feriado ag hyn han ja, ón kỹ religião mỹ fénhta han jé. Hẽn ri ke mũn, ã tỹ tag ki kanhrãn kỹ, ã mỹ e tĩ. Kejẽn, feriado ũ ag kãmĩ vỹ Nén-Kórég tũ ag nỹtĩ, ke tũ nĩn kỹ, ũn ag vỹ feriado han tĩ gé, ag tỹ ãkrén tĩ, ũn tỹ ter kỹ, ũn kãpãm ũ rĩr nĩ hã ki tĩ. Feriado ũ ag vỹ vẽjykre kórég ag nỹtĩ. (Isaías 65:11) Jeová vỹ ũn tỹ ti mỹ rãnhrãj tĩ ag mỹ kãmén tĩ: “Ag ré kỹ mũm nĩ, vyr mỹ nỹtĩm nĩ. Vẽjykre kavéj han tũg nĩ.” — 2 Corinto 6:17; a ha vé vẽnh rá sĩ ti.

2. Feriado ũ ag vỹ ẽprã ke ag mỹ vĩ há han tĩ. Jeová ne ãkrén tĩ, tag to?

Jeová vỹ ẽg mỹ tó tĩ, ẽg tỹ ẽprã ke ag to: ‘inh kren han jé ag ke mũ,’ henh ke tũ jé. (Jeremias 17:5 le kem nĩ.) Ũn ag vỹ feriado ũ ag hyn han ja, soldado ag, ke tũ nĩn kỹ pãꞌi ag mỹ vĩ há han jé. Jo ũn ag vỹ feriado ũ ag hyn han ja, kurã tỹ independência ke tũ nĩn kỹ, país bandeira mỹ vĩ há han jé gé. (1 João 5:21) Kar sir, ũn ag vỹ feriado ũ hyn han ja, ag tỹ política, ke tũ nĩn kỹ, movimento social han jé. Ẽg tỹ feriado tag ag mỹ fénhta ag hyn han kỹ, Jeová ne tag to ãkrén tĩ?

3. Ũn ag vỹ vẽjykre kórég ag hyn han kỹ, Jeová ne tag to ãkrén tĩ?

Topẽ Vĩ Rá vỹ ẽg mỹ ke tĩ, ẽg tỹ ‘kronkron mũ kar vẽnh kãgrá mỹ fénhta kórég ag’ hyn han tũ nỹtĩ jé. (1 Pedro 4:3) Feriado ũ ag ki, ũn ag tỹ ag prũ tũ fag to én kamã nỹtĩ, fag tỹ mén tũ ag to ke gé. Ẽg tỹ nén ũ kórég tag ag to ranh ke ke nỹtĩ, ẽg tỹ Jeová mré há nỹtĩ jé.

 VẼNH KANHRÃN KÃFÓR NĨ

 5. Ũn ag mỹ kãmén nĩ, ã tỹ nén kri fi tĩ ẽn to

6. Jeová tỹ ẽg tỹ mỹ sigsér nỹtĩ ve sór tĩ

Jeová vỹ ẽg tỹ ẽg família kar ẽg mré ke ag mré mỹ sigsér nỹtĩ ve sór tĩ. Eclesiastes 8:15 le kem nĩ. Kar jagnẽ mré vãmén nĩ, tag to:

• Jeová vỹ ẽg tỹ mỹ sigsér nỹtĩ ve sór tĩ. Vẽnh rá tag ne ẽg mỹ ven tĩ, tag to?

Jeová vỹ ti povo tỹ mỹ sér tĩ ve sór tĩ. Ha vé VÍDEO ti, ã tỹ ki kanhrãn jé, tag hã ren kỹ hãn ri ke tĩ ti, Vẽnhmãn mág internacional ag ki.

Galácia 6:10 le kem nĩ. Kar jagnẽ mré vãmén nĩ, nén ũ tag ag to:

• Ẽg mỹ feriado ag hyn han ke nỹtĩ hãn, ẽg tỹ ũn ag mỹ há han jé?

• Nén ũ tỹ ne ã mỹ há kãfór nĩ: ũn tỹ ã mỹ tó kỹ: ‘presente nĩm nĩ’, feriado tugrĩn, ke tũ nĩn kỹ ã tỹ ũn mỹ presente nĩm tĩ, ã tỹ ge han sór kỹ?

• Jeová Kãmén Fã ag vỹ fénhta ag hyn han tĩ kar ag tỹ ag krẽ mỹ presente vin tĩ, ag tỹ ge hyn han sór tĩ. Ã tỹ gĩr ag nĩn kỹ, ã ne han ke mũ, ag mỹ?

 Ã NE KANHRÃN JA TI

Jeová vỹ ẽg tỹ ẽg família kar ẽg mré ke ag mré mỹ sigsér nỹtĩ ve sór tĩ. Hã ra, feriado ag pi Jeová mỹ há han tĩ. Kỹ ti vỹ ẽg tỹ feriado ag hyn han tĩ ve vãnh tĩ.

Jykrinkrén mũ

• Vẽnh ki jãmã ag tỹ ne ẽg ajũna ke tĩ, ẽg tỹ ki kanhró jé, feriado ũ vỹ Jeová mỹ kórég nĩ kỹ?

• Ẽg hã ren kỹ ẽg família kar ẽg mré ke ag mỹ ven ke mũ, ẽg ne tugnĩn feriado ũ ag hyn han tũ nỹtĩ to?

• Ne ẽg mỹ ven tĩ, Jeová vỹ ẽg tỹ mỹ há kar kanhinnhir ve sór tĩ?