LIÇÃO 41
Topẽ Vĩ Rá ne kãmén tĩ, ũn tỹ ũn jagnẽ mré nỹ kỹ to?
Ũn e ag vỹ mỹꞌā nỹtĩ, ag tỹ jagnẽ mré vãmén kỹ, ũn jagnẽ mré nỹ to. Hã ra, Topẽ Vĩ Rá vỹ tag to kãmén kỹ, ti vỹ ki hã kãmén tĩ, ẽg tỹ mũ há han jé. Jeová tóg ẽg hyn han mũ, kỹ ti tỹ ki kanhró tĩ, ẽg tỹ nén ũ ag tỹ ne hyn han ke nỹtĩ ti, ẽg tỹ ti mỹ há han jé, kar ẽg tỹ mỹ há nỹtĩnh jé.
1. Jeová ne ãkrén tĩ, ũn jagnẽ mré nỹ to?
Ũn tỹ ũn jagnẽ mré nỹ kỹ, tag tỹ tỹ nén ũ há tãvĩ nĩ. Jeová vỹ ẽg mỹ ti nĩm mũ, ẽg tỹ krẽ hyn han jé kar ũn mén kar ti prũ fi tỹ jagnẽ to há vinven jé gé. Tag tugnĩn, ũn ti kar ũn fi jagnẽ mré nỹ ke tũ, fag tỹ vẽnh prũg ke nỹtĩ. Jeová vỹ fag tỹ ge han tĩ ve sór tĩ. Topẽ Vĩ Rá vỹ tó tĩ: “Ã prũ pẽ fi mré mỹ sér nĩm nĩ.” (Provérbios 5:18, 19) Jeová vỹ fag to jagnẽ mỹ jykre pir ve sór tĩ. Tag tugnĩn, ũn Cristo mré ke pi hã re kã ũn prũ fi tũ mré nỹ tĩ, ke tũ nĩn kỹ ũn mén tũ mré nỹ tĩ. — Hebreu 13:4 le kem nĩ.
2. Nén ũ ag tỹ ne Topẽ pi to há nĩ, ũn tỹ jagnẽ mré nỹ kỹ to
Topẽ Vĩ Rá vỹ kãmén tĩ: “Ũ tỹ ũn mén tũ fag mré nỹ mũ ag pijé venh ke mũꞌ, Topẽ tỹ tỹ ẽg pãꞌi nĩ tiꞌ . . . Ũ tỹ ti prũ ra ũ fi mré nỹ mũ ẽn pijé venh ke mũꞌ. Ũ fi tỹ fi mén ra ũ mré nỹ kỹ fi pijé venh ke mũꞌ. Ũn gré tỹ ũn gré ũ tỹ prũg mũ ẽn pijé venh ke mũ”. (1 Corinto 6:9, 10) Topẽ Vĩ Rá ki, grego vĩ ki, vẽnh vĩ tỹ porneía vỹ ẽg mỹ ven tĩ, (1) ũn tỹ ũn mén tũ mré nỹ kỹ, ũn tỹ ũn prũ tũ mré nỹ kỹ a [ha vé vẽnh rá sĩ ti], (2) ũn gré tỹ ũn gré ũ tỹ mré nỹ kỹ, ke tũg nĩn kỹ ũn fi tỹ ũn fi ũ tỹ mré nỹ kỹ, kar (3) ũn tỹ misu ũ mré nỹ kỹ. Ẽg tỹ nén ũ kórég tag ag hyn han tũn kỹ, ẽg tỹ Jeová mỹ há han tĩ kar ẽg tỹ ẽg mỹ há han ke gé. — 1 Tessalônica 4:3.
VẼNH KANHRÃN KÃFÓR NĨ
Ha vé ẽg ne han ke nỹtĩ ti, ẽg tỹ nén ũ kórég tag ag hyn han tũ nỹtĩ jé. Kar ha vé gé, ã tỹ vẽjykre há han kỹ, ã tỹ mỹ há nĩnh ke mũ.
3. Nén ũ kórég ag kuvar há nĩm nĩ
Topẽ Vĩ Rá vỹ ũn jykre há tỹ José to kãmén tĩ. Ti tóg vãsãn kãn mũ, ti tỹ vẽjykre há han hã ki tĩ jé. Gênesis 39:1-12 le kem nĩ. Kar jagnẽ mré vãmén nĩ, tag to:
-
José ne tugnĩn fi mré nỹ tũ tĩ vã? — Ha vé nũmro 9 sĩ.
-
à hã mỹ, José mỹ nén ũ há han ke, nĩ hãn? Mỹ ne tugnĩn?
Ũn kyrũ ag kar ũn tytẽg fag hã ren kỹ José kãgran tĩ, ag tỹ ũn prũ tũ mré nỹ tũ nĩ jé, ke tũ nĩn kỹ, ũn mén tũ mré nỹ tũ nĩ jé? Ha vé VÍDEO ti.
Jeová vỹ ẽg pi nén ũ kórég tag ag hyn han tĩ ve sór tĩ. 1 Corinto 6:18 le kem nĩ. Kar jagnẽ mré vãmén nĩ, nén ũ tag ag to:
-
Hãn ri ke mũn nén ũ tỹ ne nỹ ũn tỹ ũn fi mré nỹ han tĩ?
-
à ne han ke nĩ, ã tỹ ũn mén tũ mré nỹ, ke tũg nĩn kỹ ũn prũ tũ mré nỹ han tũ nĩ jé?
4. Ã tỹ nén ũ kórég ag kuvar há nĩnh mũ
Nén ũ ag tỹ ne ẽg mỹ krĩ kónãn tĩ, ẽg tỹ vẽjykre kórég han jé? Ha vé VÍDEO ti. Kar jagnẽ mré vãmén nĩ, tag to:
-
Vídeo ki, régre ũ vỹ ki kanhrãn mũ, ti jykre kórég tugnĩn tỹ ti prũ fi fón sór tĩ vã. Ti tỹ tag ki kanhrãn kỹ, ti ne han ke?
Kejẽn, Cristo mré ke ũnꞌũ ag vỹ vãsãnsãn kãn ke nỹtĩ, ag pi jykre kórég ag nỹtĩ jé. Ne nỹ ã ajũna ke tĩ, ã tỹ jykre kórég ag tũ nĩ jé? Filipos 4:8 le kem nĩ. Kar jagnẽ mré vãmén nĩ, nén ũ tag ag to:
-
Ẽg tỹ nén ũ ag tỹ ne to jykrén ke nỹtĩ?
-
Ẽg tỹ Topẽ Vĩ Rá le ken kỹ kar ẽg tỹ Jeová mỹ rãnhrãj kỹ, tag hã ren kỹ ẽg ajũna ke tĩ, ẽg tỹ nén ũ kórég han tũ nỹtĩ jé?
5. Jeová jykre ag vỹ ẽg mỹ há han tĩ
Jeová vỹ ki kanhró tĩ, nén ũ ag vỹ ẽg ajũna ke tĩ, ẽg tỹ mũ há han jé. Ti tỹ ẽg kanhrãnrãn tĩ, ẽg tỹ vẽjykre há han hã ki mũnh to, kar ẽg tỹ ge han kỹ, tag vỹ ẽg mỹ há han tĩ to. Provérbios 7:7-27 le kem nĩ, ke tũ nĩn kỹ ha vé VÍDEO ti. Kar jagnẽ mré vãmén nĩ, nén ũ tag ag to:
-
Vẽnh rá ki, kyrũ vỹ nén ũ kórég ag ranh ke tũ nĩ. Hã ren kỹ sir? — Ha vé Provérbios 7:8, 9.
-
Próverbios 7:23, 26 ẽg mỹ ven tĩ, ẽg tỹ ũn prũ tũ mré nỹ kỹ, ke tũg nĩn kỹ ẽg tỹ ũn mén tũ mré nỹ kỹ, tag vỹ ẽg mỹ kórég han tĩ. Hã ra ẽg tỹ vẽjykre há han kỹ, nén ũ kórég ag tỹ ne kej ke nỹtĩ tũ?
-
Ẽg tỹ vẽjykre há han kỹ, tag hã ren kỹ ẽg ajũna ke tĩ, ẽg tỹ rĩnrĩr krỹg ja tũ venh jé?
Ũn ag vỹ ãkrén tĩ, Topẽ Vĩ Rá tỹ kãmén kỹ, ũn gré tỹ ũn gré ũ tỹ mré nỹ mũ to, ke tũg nĩn kỹ ũn fi tỹ ũn fi ũ tỹ mré nỹ mũ to, vĩ tar tó tĩ. Hã ra, Jeová vỹ ẽg to há nĩ, ti tỹ ẽg tỹ mỹ sigsér nỹtĩ ve sór tĩ. Kỹ, ēg tỹ ti vĩ ki króm ke nỹtĩ, ẽg tỹ rĩnrĩr krỹg ja tũ venh jé. 1 Corinto 6:9-11 le kem nĩ. Kar jagnẽ mré vãmén nĩ, tag to:
-
Topẽ hã mỹ, ũn gré tỹ ũn gré ũ tỹ mré nỹ mũ, ke tũg nĩn kỹ ũn fi tỹ ũn fi ũ tỹ mré nỹ mũ tỹ tỹ kórég nỹtĩ. Hã ra, tag tãvĩn mỹ ẽg to ranh ke ke nỹtĩ hẽn?
Vẽnh kar tỹ vãsãnsãn ke nỹtĩ, ẽg tỹ vẽjykre kórég ag tugvãnh jé, ẽg tỹ Topẽ mỹ há han jé. Tag mỹ ẽg mỹ há han ke mũ hẽn? Salmo 19:8, 11 le kem nĩ. Kar jagnẽ mré vãmén nĩ, tag to:
-
à mỹ Topẽ vĩ mỹ kufy gy tãvĩ nĩ hãn? Mỹ ne tugnĩn?
Jeová vỹ ũn e ag ajũna ké, ag tỹ vẽjykre há han jé. Ti tỹ ã ajũna kenh ke mũ gé.
ŨN PIPIR AG VỸ KE TĨ: “Ũn tỹ ũn mré nỹ kỹ, tag vỹ tỹ nén ũ há tãvĩ nĩ.”
-
à ne tónh?
à NE KANHRÃN JA TI
Ũn tỹ ũn jagnẽ mré nỹn kỹ, tag tỹ tỹ nén ũ há tãvĩ nĩ. Hã ra, ũn ti kar ũn fi jagnẽ mré nỹ ke jo, fag tỹ prũg ke nỹtĩ. Jeová vỹ fag tỹ ge han tĩ ve sór tĩ.
Jykrinkrén mũ
-
Nen ũ tỹ ne ag kórég nỹtĩ?
-
Ne nỹ ẽg ajũna ke tĩ, ẽg tỹ nén ũ kórég ag to ranh ke jé?
-
Ẽg tỹ Jeová jykre ag ki króm kỹ, tag ne tugnĩn ẽg mỹ há han tĩ?
VẼNH KANHRÃN KÃFÓR MŨ
Ha kanhrãn nĩ, ne tugnĩn Topẽ mỹ há nĩ ti, ũn fag tỹ jagnẽ mré nỹ nỹn nỹtĩn kỹ, ti tỹ fi tỹ prũ fi ke nĩ.
Jérĩn mỹ, Topẽ Vĩ Rá vỹ ẽg mỹ ke tĩ, ũn gré tỹ ũn gré ũ mré nỹn kỹ, kar ũn tỹtá tỹ ũn tỹtá ũ mré nỹn kỹ, tag vỹ Topẽ mỹ kórég nĩ, ha vé ne tugnĩn ẽg pi ag to kry ke nỹtĩ.
Ha kanhrãn nĩ, Topẽ vĩ tỹ ẽg jy nĩgãn ẽg tỹ mré nũgnũr tũ jé.
“Ũn tỹ gré ũ kãhun kỹ kar ũn tỹ fu ũ kãhun, fag mỹ ũn jagnẽ mré nỹ vã?” (Vẽnh rá tỹ jw.org)
Ha vé vẽnh kãme ti “Jeová Kãmén Fã vỹ inh ajũna ké” ã tỹ ki kanhrãn jé, nén ũ ag tỹ ne ti ajũna ké ti, ti vẽjykre kórég tovãnh jé, ũn mré nỹ mũ ti.
“Topẽ Vĩ Rá vỹ ũn ag ajũna ke tĩ” (A Sentinela, 1.º tỹ abril tỹ 2011)
a Vẽnh rá sĩ: Nén ũꞌũ ag tỹ ne vẽnh vĩ tỹ porneía ri ke nĩ? Ũn tỹ gré ũ kãhun kỹ, ke tũg nĩn kỹ ũn tỹ fi fu ũ kãhun kỹ, ũn tỹ ti gré ũn négnẽ ki nãnh ke tĩ, kar ũn tỹ ũn fi fu vóg tĩ, ke tũg nĩn kỹ ũn tỹ gré ũ vóg tĩ gé.
