LIÇÃO 37

Topẽ Vĩ Rá ne ẽg mỹ kãmén tĩ, vẽnh rãnhrãj to kar jãnkamy to?

TI VEN NĨ

Ã mỹ krĩ kufy nĩ ha vẽnh rãnhrãj kar jãnkamy to? Kejẽn ã mỹ jagy nĩ, ã tỹ rãnhrãj han tĩ kar ã tỹ Jeová mỹ rãnhrãj han tĩ gé. Hã ra Topẽ Vĩ Rá vỹ ẽg mỹ jyvẽn tĩ, ẽg ajũna ke jé.

1. Topẽ Vĩ Rá ne ẽg mỹ kãmén tĩ, vẽnh rãnhrãj to?

Topẽ tỹ ẽg tỹ mỹ sigsér nỹtĩ mũ ve sór tĩ, ẽg vẽnh rãnhrãj tugnĩn. Topẽ Vĩ Rá vỹ ẽg mỹ ke tĩ: “Hã kỹ sóg tag to jykrén mũ hã vỹ: ẽg rãnhrãj tỹ ẽg mỹ sér nĩn kỹ tóg há tĩ”. (Eclesiastes 3:22) Jeová tỹ rãnhrãj nĩgtĩ. Ẽg tỹ Jeová kãgran sór tĩ, kỹ ẽg tỹ vãsãnsãn tĩ ẽg tỹ rãnhrãj há han jé. Ẽg tỹ tag han kỹ, ẽg tỹ Jeová mỹ há han ke mũ kar ẽg mỹ há han ke mũ gé.

Ẽg tỹ rãnhrãj han kỹ, tag vỹ há nĩ. Hã ra ẽg tỹ Jeová mỹ rãnhrãj han kỹ, tag vỹ nén ũ há kãfór. (João 6:27) Jeová vỹ tó ja, ẽg tỹ vãsãnsãn kỹ, ẽg tỹ ti jykre han jé, Jeová tóg ẽg mỹ ẽg tỹ nén ve sór mág mũ ẽn vin ke mũ sir.

2. Topẽ Vĩ Rá ne ẽg mỹ kãmén tĩ, jãnkamy to?

Topẽ Vĩ Rá vỹ ẽg mỹ ke tĩ: “Nén ũ ki kanhró nĩ vỹ ẽg tỹ jãnkamy vég mũ há kãfór nĩ”. (Eclesiastes 7:12) Hã ra ti vỹ ẽg mỹ ke tĩ gé, jãnkamy tãvĩn pi ẽg mỹ há han tĩ. Hã kỹ Topẽ Vĩ Rá vỹ ẽg mỹ ke tĩ, ẽg pi jãnkamy mág to há nỹtĩ jé. Hã ra ‘ẽg tỹ nén vég mũ ẽn vỹ há nĩ’. (Hebreu 13:5 le kem nĩ.) Ẽg tỹ tag han, ẽg tỹ krĩ kufy gy tũ nỹtĩ, jãnkamy kar ẽg név ag tugrĩn. (Provérbios 22:7) Kar ẽg pi aposta ag han ke mũ, kar ẽg pi jãnkamy to kanã mág ke mũ, ẽg tỹ riko nỹtĩ jé.

3. Ẽg hã ren kỹ ũn ag ajũna ke tĩ, ẽg jãnkamy tỹ?

Jeová tỹ tỹ ũn vin kamã nĩ, kar ẽg tỹ ti kãgran tĩ, ẽg tỹ ‘ẽg tũ vẽnh kãpãm kỹ’. (1 Timóteo 6:18) Ẽg tỹ ge han tĩ, ẽg tỹ régre ag kar ũnꞌũ ag ajũna ken kỹ, ẽg tỹ jãnkamy sĩ, ke tũ nĩn kỹ jãnkamy mág vin kỹ, Jeová vỹ ẽg fe kã ki vég tĩ. Ẽg tỹ tỹ ũn vin kamã nỹtĩn kỹ, ẽg tỹ mỹ sĩgsér nỹtĩnh mũ, kar ẽg tỹ Jeová mỹ há han ke mũ gé. — Han kãme 20:35 le kem nĩ.

VẼNH KANHRÃN KÃFÓR NĨ

Ha vem nĩ, ne tugnĩn ẽg mỹ há nĩ ti, ẽg tỹ to jykrén há nỹtĩ ẽg vẽnh rãnhrãj to, kar ẽg tỹ nén vég mũ ẽg vỹ há nĩ.

4. Ẽg tỹ rãnhrãj há han kỹ, ẽg tỹ Jeová mỹ vĩ há han tĩ

Ẽg tỹ Jeová mré há nỹtĩn kỹ, ẽg tỹ vẽnh rãnhrãj há han ke mũ. Ha vé VÍDEO ti. Kar jagnẽ mré vẽmén nĩ, nén ũ tag ag to:

VÍDEO: Jeová mỹ rãnhrãj han nĩ, ã fe kar tỹ (4:39)

Vídeo ki, ã ne kanhrãn ke Jonas tỹ nén han ja to?
Ti hã renh ke nĩ, ti tỹ ti rãnhrãj tỹ rĩr há han jé?

Colossos 3:23, 24 le kem nĩ. Kar jagnẽ mré vẽmén nĩ, tag to:

Ẽg tỹ rãnhrãj há han kỹ, tag ne tugnĩn ẽg mỹ há nĩ?

Ẽg rãnhrãj tỹ há tĩ. Hã ra ti pi tỹ ẽg tỹ Jeová to há kãfór nĩ.

5. Ẽg tỹ nén ũ vég mũ ẽn vỹ há nĩn kỹ, ẽg tỹ mỹ sĩgsér nỹtĩ

Ũn e ag vỹ riko nỹtĩ sór tĩ. Hã ra Topẽ Vĩ Rá vỹ ẽg mỹ kãmén tĩ, ẽg tỹ nén ũꞌũ han nĩ jé. 1 Timóteo 6:6-8 le kem nĩ. Kar jagnẽ mré vẽmén nĩ, tag to:

Topẽ Vĩ Rá ne ẽg mỹ kãmén tĩ, ẽg tỹ han jé?

Ẽg tỹ nén ũ pipir nỹtĩ, ge ra ẽg tỹ mỹ sĩgsér nỹtĩ. Ha vé VÍDEO ti. Kar jagnẽ mré vẽmén nĩ, tag to:

VÍDEO: ‘Mỹ sér nĩm nĩ ã tỹ nén ũ vég nĩ mũ, vãnh mỹ há nĩ’ (3:20)

Jérĩn mỹ fag tỹ jãnkamy sĩ nỹtĩ, fag ne tugnĩn mỹ há nỹtĩ vã?

Ẽg tỹ nén ũ e ra, hã ra ẽg tỹ nén ũ jãvãnh mũ mũ. Jesus vỹ tó ja tag to. Lucas 12:15-21 le kem nĩ. Kar jagnẽ mré vẽmén nĩ, tag to:

Ã ne Jesus tỹ nén tó ja to kanhrãn ke? — Ha vé nũmro 15 sĩ.

Provérbios 10:22 kar 1 Timóteo 6:10 le kem nĩ kar tugnỹm nĩ. Kar jagnẽ mré vẽmén nĩ, nén ũ tag ag to:

Ã hã mỹ, ne nỹ ã mỹ há nĩ, ã tỹ Jeová mré há nĩ, ke tũ nĩn kỹ ã tỹ riko nĩ? Mỹ ne tugnĩn?
Ũn tỹ jãnkamy to kanã mág kỹ, nén ũ kórég tỹ ne ti mỹ hãn ri ke tĩ?

6. Jeová tỹ ẽg ki rĩr ke mũ

Ẽg tỹ jãnkamy kar vẽnh rãnhrãj to krĩ kufy nỹtĩn kỹ, ẽg tỹ hãn ri ke mũn Jeová to krój ke tĩ. Ha vé VÍDEO ti, ã tỹ ve jé, ẽg ne han ke nỹtĩ ti, ẽg tỹ krĩ kufy nỹtĩn kỹ. Kar jagnẽ mré vẽmén nĩ, nén ũ tag ag to: