LIÇÃO 17

Hã ren kỹ Jesus ti?

TI VEN NĨ

Hã ren kỹ Jesus ti?

Ẽg tỹ Jesus vỹ nén ũ ag to kãmén kar nén ũ ag hyn han ẽn to kanhrãnrãn kỹ, ẽg tỹ Jesus e ki há nĩ kanhrãnrãn tĩ. Tag vỹ ẽg ajũna ke tĩ, ẽg tỹ Jesus kar ti Panh Jeová mré há nỹtĩ jé. Nén ũ há ag tỹ ne ti nĩ? Kar ẽg hã ren kỹ Jesus kãgran ke mũ?

1. Jesus hã ren kỹ ti Panh Jeová kãgran tĩ?

Sir há sir, Jesus vỹ ti Panh mré nĩ nĩ vã, kanhkã tá, kar ti Panh nén ũ e ag ti mỹ kanhrãn mũ. Hã kỹ, Jesus vỹ jykrén tĩ kỹ, ti tỹ Jeová ti jykre ag kãgran tĩ. (João 5:19 le kem nĩ.) Jesus vỹ ti Panh nén ũ há ag kãgran tĩ, tag tugnĩn ti tóg: “Ã tỹ inh ve kỹ ã tóg inh panh ti vég mũ gé.” (João 14:9) Ã tỹ Jesus to kanhrãn kãfór nĩ ra, ã tỹ Jeová to kanhrãn kãfór ke mũ gé. Ha vé, Jesus vỹ ũn ag to kanẽ jur tĩ vã kar Jeová vỹ ã to kanẽ jur tĩ gé.

2. Jesus hã ren kỹ ũn ag mỹ ven tĩ, ti tỹ Jeová to há tĩ vã?

Jesus tóg: “Hã ra sóg ẽprã ke kar ag mỹ inh jykre ven sór mũ, isỹ inh panh to há tãvĩ nĩ ti. Hã kỹ sóg inh panh tỹ inh mỹ nén tó mũ ẽn han kãn tĩ.” (João 14:31) Jesus tỹ Ga kri tĩg nĩn kã, ti vỹ ti Panh vĩ han kãn mũ. Jérĩn mỹ, ti tỹ nén ũ vẽnh mỹ kato tẽ tĩ vã, ti tỹ ge han tĩ. Kar sir, Jesus vỹ ũn ag mỹ ti Panh to kãmén to há tĩ vã, kar ũn ag ajũna ké, ag tỹ Topẽ mré há nĩ jé. — João 14:23.

3. Jesus hã ren kỹ ũn ag mỹ ven tĩ, ti tỹ ag to há tĩ vã?

Topẽ Vĩ Rá vỹ ẽg mỹ ke tĩ, Jesus vỹ ‘ẽprã ke ag’ to há tĩ vã. (Provérbios 8:31) Jesus vỹ vẽnh kar ki rĩr há tĩ vã, kar sir ti vỹ ũn ag mỹ vĩ há tó ja, ag tỹ tar han jé, kar ti vỹ ag ajũna ke gé. Ti vỹ milagre ag hyn han kỹ, tag vỹ ag mỹ ven tĩ vã, ti tỹ ag jagãgtãn tĩ vã. (Marcos 1:40-42) Jesus vỹ ũn jykre há ag mỹ nén ũ kãmén kỹ, ag tỹ mỹ sigsér nỹtĩ vã. Jesus vỹ vẽsỹrinhrénh kar ter mũ, ti tỹ vẽnh kar to há nĩ tugnĩn. Hã ra, ũn tỹ ti vĩ ki króm kỹ, ti tỹ ti to há kãfór nĩ. — João 15:13, 14 le kem nĩ.

VẼNH KANHRÃN KÃFÓR NĨ

Ha kanhrãn nĩ, Jesus vỹ nén ũ há ag to. Ha vé, ã hã ren kỹ ti kãgran ke mũ ti, ã tỹ ũn ag mỹ to há ven kỹ, kar ã tỹ tỹ ũn tỹ vin kamã nĩn kỹ.

4. Jesus vỹ ti Panh to há tĩ

Jesus kãme ti vỹ ẽg kanhrãnrãn tĩ, ẽg hã ren kỹ Topẽ to há mũ ti vinven tĩ, ũn ag mỹ. Lucas 6:12 kar João 15:10; 17:26 le kem nĩ. Vẽnh rá ag le ke ke kar jagnẽ mré vẽmén nĩ, tag to:

Ẽg hã ren kỹ Jesus kãgran tĩ kar ẽg tỹ Jeová to há ven tĩ?

Jesus tỹ ti Panh to há tĩ vã kar ti tỹ ti mré vĩ nĩgtĩ vã

5. Jesus vỹ ũn ag to kanẽ jur tĩ

Jesus vỹ ũn ag to kanẽ jur tĩ vã, ti tỹ vẽso jykrén tũ tĩ vã. Ti tỹ ti tempo kar ti tar usa ké, ũn ag mỹ ajũna ke jé, ti tỹ ron nĩ ra. Marcos 6:30-44 le kem nĩ. Kar jagnẽ mré vẽmén nĩ, nén ũ tag ag to:

Jesus hã ren kỹ ũn ag mỹ ven tĩ, ti tỹ ag to kanẽ jur tĩ vã? — Ha vé 31, 34, 41 kar 42 sĩ.
Jesus ne tugnĩn ũn ag ajũna ke sór tĩ vã? — Ha vé 34 sĩ ti.
Jesus vỹ ti Panh jykre há ag kãgran tĩ. Tag ne ẽg kanhrãnrãn tĩ, Jeová to?
Jesus vỹ ũn ag to kanẽ jur tĩ vã, ẽg hã ren kỹ ti kãgran tĩ?

6. Jesus tỹ tỹ ũn tỹ vin kamã nĩ

Jesus pi ũn riko nĩ vã, hã ra Jesus tóg nén ũ ag ti tũ vẽnh kãpãm mũ, ũn ag mỹ. Jesus vỹ ẽg mỹ ke tĩ, ẽg tỹ ge han tĩ gé. Han kãme 20:35 le kem nĩ. Kar jagnẽ mré vẽmén nĩ, tag to:

Jesus vĩ ki, ne nỹ ẽg mỹ sigsér han ke?

Ha vé VÍDEO ti. Kar jagnẽ mré vẽmén nĩ, tag to:

VÍDEO: “Ũ tỹ ẽg mỹ nén ũ nĩm kỹ tóg pãgsĩ nĩ. Ẽg tỹ ũ mỹ ẽg tũ nĩ kỹ tóg hã ra há nĩ” — Vẽnh kãpóv (4:00)

Jérĩn mỹ ẽg pi riko nỹtĩ, ẽg hã ren kỹ ũn tỹ vin kamã nỹtĩ ke mũ?

Ã mỹ ki kanhrãn nĩ?

Topẽ Vĩ Rá vỹ ẽg kanhrãnrãn tĩ, ẽg tỹ Jeová mré vĩ ke nỹtĩ Jesus ti jyjy tỹ. (João 16:23, 24 le kem nĩ.) Ẽg tỹ ge han kỹ, ẽg tỹ Jeová mỹ vinven tĩ, ẽg tỹ mỹ há nỹtĩ, Jesus vỹ hyn han ja to, ẽg tỹ Jeová mré há nỹtĩ jé.

ŨN PIPIR AG VỸ KE TĨ: “Topẽ vỹ ẽg tỹ vẽsỹrinhrénh ve kỹ, ti pi ẽg to kanẽ jur tĩ.”