DILONGI 36
Vanda Masonga na Mambu Yonso
Beto yonso ke zolaka banduku yina ke vandaka masonga. Yehowa ke zolaka mpi nde banduku na yandi kuvanda masonga. Kansi na nsi-ntoto yai, yo kele mpasi na kuzwa banduku ya mutindu yai sambu bantu mingi ke vandaka ve masonga. Kuvanda masonga na mambu yonso ke natilaka beto nki mambote?
1. Inki kele kikuma ya kuluta mfunu ya ke pusaka beto na kuvanda masonga?
Kana beto ke sadila bantu mambu na masonga, beto ta monisa nde beto ke zolaka Yehowa mpi ke zitisaka yandi. Kuvila ve nde Yehowa ke zabaka mambu yonso ya beto ke salaka mpi ke yindulaka. (Baebreo 4:13) Yandi ke monaka ntangu beto ke vandaka masonga mpi yo ke sepedisaka yandi. Ndinga na yandi ke tuba nde: “Yehowa ke mengaka muntu ya luvunu, kansi yandi ke taka kinduku ya ngolo ti bantu ya mbote.”—Bingana 3:32.
2. Inki beto fwete sala sambu na kuvanda masonga konso kilumbu?
Yehowa ke zolaka nde “konso muntu kutubila mpangi na yandi kieleka.” (Zekaria 8:16, 17) Yo ke tendula nki? Yo ke tendula nde beto fwete tuba ve luvunu to kukusa ntangu beto ke solula ti bampangi na beto ya dibuta, banduku ya kisalu, bampangi na beto Bakristu to bamfumu ya Leta. Bantu ya masonga ke yibaka ve bantu ya nkaka mpi bo ke kusaka ve sambu na kuyiba bo. (Tanga Bingana 24:28 mpi Baefezo 4:28.) Bo ke futaka mpaku yina bo ke lombaka bo. (Baroma 13:5-7) Kana beto ke sala mambu yai ya beto me tanga awa mpi mambu mingi ya nkaka, beto ta monisa nde beto ke “kuditwadisa na masonga na mambu yonso.”—Baebreo 13:18.
3. Kuvanda masonga ke natilaka beto nki mambote?
Bantu ke tudilaka beto ntima kana bo ke zaba nde beto kele bantu ya masonga. Diaka yo ke salaka nde bampangi na dibundu kudiwa na lutaninu kaka bonso bampangi ya dibuta mosi ya ke zolanaka. Yo ke sadisaka beto mpi na kuvanda ti kansansa ya bunkete. Diaka kana beto kele masonga, yo ke ‘tomisaka malongi ya Ngulusi na beto Nzambi’ mpi yo ke pusaka bantu ya nkaka na kundima kusambila yandi.—Tito 2:10.
LONGUKA MAMBU MINGI
Beto tala mutindu kuvanda masonga ke pesaka Yehowa kiese, mutindu yo ke natilaka beto mambote mpi mutindu nge lenda vanda masonga na mambu mingi ya nkaka ya luzingu.
4. Yehowa ke sepelaka ti bantu ya masonga
Beno tanga Nkunga 44:21 mpi Malaki 3:16. Na nima beno pesa mvutu na bangiufula yai:
-
Keti yo kele mfunu na kusosa kubumbila Yehowa kieleka? Sambu na nki?
-
Nge ke yindula nde Yehowa ke waka nki mutindu kana beto me tuba masonga ata na ntangu yo kele mpasi na kusala yo?
Kana bana ke tuba masonga, bo ke sepedisaka bibuti na bo. Kana beto ke tuba mpi masonga, beto ke sepedisaka Yehowa
5. Vanda masonga konso ntangu
Bantu mingi ke tubaka nde bantu lenda kuka ve kuvanda masonga ntangu yonso. Kansi tala sambu na nki beto fwete vanda masonga konso ntangu. Beno tala VIDEO.
Beno tanga Baebreo 13:18 mpi na nima beno tubila mutindu beto lenda vanda masonga na . . .
-
bampangi na beto ya dibuta
-
kisalu to na nzo-nkanda
-
mambu ya nkaka
6. Kuvanda masonga ke natilaka beto mambote
Ntete beto lenda mona bonso nde kuvanda masonga ke natila beto bampasi. Kansi nsuka-nsuka, beto ke bakisaka nde yo ke vandaka ntangu yonso sambu na mambote na beto. Beno tanga Nkunga 34:12-16 mpi na nima beno pesa mvutu na ngiufula yai:
-
Inki mutindu kuvanda masonga ke kumisaka luzingu na nge mbote kibeni?
-
Babakala mpi bankento yina ke vandaka masonga ke kumisaka makwela na bo ngolo
-
Bamfumu ya kisalu ke tudilaka bantu na bo ya kisalu ya ke vandaka masonga ntima
-
Bamfumu ya Leta ke kumisaka bantu na bo ya ke vandaka masonga
BANTU YA NKAKA KE TUBAKA NDE: “Luvunu ya fioti kele ve mbi.”
-
Inki ke ndimisa nge nde Yehowa ke mengaka luvunu ya mitindu yonso?
NA BUNKUFI
Yehowa ke zolaka nde banduku na yandi kuvanda masonga na mambu yonso ya bo ke tuba mpi ke sala.
Inki Nge Me Simba?
-
Tanga mambu ya beto fwete sala sambu na kuvanda masonga.
-
Sambu na nki yo kele ve mfunu na kusosa kubumbila Yehowa kieleka?
-
Sambu na nki nge ke zola kuvanda masonga konso ntangu?
TALA MPI
Inki mutindu bibuti lenda longa bana na bo na kuvanda masonga?
Inki mambote beto ke bakaka kana beto ke lungisa mambu yina beto ke silaka?
Mambote ya Nge Ta Baka Kana Nge Ke Lungisa Mambu ya Nge Ke Silaka (9:09)
Keti beto fwete futa mpaku yo vanda bo ke sadila yo na mutindu ya mbi?
“Keti Nge Fwete Futa Mpaku?” (Disolo ya kele na Nzozulu ya Nkengi)
Inki pusaka bakala mosi ya vandaka ve masonga na kuyambula kikalulu yai ya mbi mpi na kukuma muntu ya masonga?
“Mono Zabaka nde Yehowa Kele Nzambi ya Mawa mpi ya Ke Lolulaka” (Nzozulu ya Nkengi, Mayi 1, 2015)
Nge Lenda Sepela Mpi Ti
BANGIUFULA YINA BANTU KE YULAKA MINGI
Inki Mutindu Bambangi ya Yehowa Ke Longukaka ti Bantu Biblia?
Ntangu nge ke longuka Biblia ti Bambangi ya Yehowa, nge lenda sadila konso Biblia yina. Nge lenda bingisa mpi dibuta na beno to banduku na nge na kulonguka nzila mosi ti nge.
